完整藏文原文 · 德格版页 当前仅加载第 63 函德格 96b 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་ཡིན་ནམ་འོན་ཏེ་གཟུགས་ཅན་མ་ཡིན། གསོལ་པ། གཟུགས་ཅན་ཡང་མ་ལགས། གཟུགས་ཅན་མ་ལགས་པ་ཡང་མ་ལགས་མོད་ཀྱི་ཆོས་དེ་དག་དང་ལྡན་པ་ནི་སེམས་ཅན་ཞེས་བགྱི་ལགས་སོ། །བཀའ་སྩལ་པ། གལ་ཏེ་དེ་ལྟར་ན་སེམས་ཅན་མ་ཡིན་པའི་ཆོས་དང་ལྡན་
D222.063.0096b01.01པ་དེ་དག་སེམས་ཅན་དུ་སྐྱེ་བར་འགྱུར་བའི་གཟུགས་མེད་པ་ཞེས་བྱའོ། །ཇི་སྟེ་དེ་ལྟར་གྱུར་ན་འཇིག་རྟེན་དུ་ཆོས་རྣམ་པ་གཉིས་པོ་གཟུགས་ཅན་དང་གཟུགས་ཅན་མ་ཡིན་པ་དེ་འབྱུང་བར་འགྱུར་ཏེ། ཆོས་གཟུགས་ཅན་དང་། ཆོས་མ་ཡིན་པ་གཟུགས་ཅན་ནོ། །ཐར་པ་ཆོས་
D222.063.0096b02.01དང་ལྷན་ཅིག་གམ། འོན་ཏེ་ཆོས་མ་ལགས་པ་དང་ལྷན་ཅིག་ལགས། གཟུགས་མ་མཆིས་པའི་ལྷ་ལ་ཡང་ཐར་པ་མཆིས་པ་ལགས་སམ། བཀའ་སྩལ་པ། དེ་ནི་མ་ཡིན་ཏེ། ཆོས་འདུས་བྱས་དང་། འདུས་མ་བྱས་པ་ཡོད་པས། དེའི་ཕྱིར་གཟུགས་མེད་པའི་ལྷ་
D222.063.0096b03.01དེ་དག་ཀྱང་འདུས་བྱས་ཀྱི་ནང་དུ་བགྲང་བར་འགྱུར་གྱི་ཐར་པ་ནི་འདུས་མ་བྱས་ཡིན་ནོ། །གསོལ་པ། དེས་ན་གཟུགས་མ་མཆིས་པའི་ལྷ་རྣམས་ཀྱང་གཟུགས་དང་ལྡན་པར་འགྱུར་ལགས་སོ། །འོད་སྲུང་ཇི་ལྟར་འདུས་བྱས་ཐམས་ཅད་གཟུགས་ཅན་ཡིན་པ་དང་། འདུས་མ་
D222.063.0096b04.01བྱས་གཟུགས་ཅན་མ་ཡིན་པར་སྨྲོས་ཤིག་གསལ་བར་སྨྲོས་ཤིག །གསོལ་པ། བཅོམ་ལྡན་འདས་གཟུགས་མ་མཆིས་པའི་ལྷ་རྣམས་གཟུགས་དང་ལྡན་ནོ་ཞེས་བགྱི་བའི་གཟུགས་སངས་རྒྱས་ཀྱི་ཡུལ་དུ་འགྱུར་བ་ལགས་གྲང་། བདག་ཅག་གི་ཡུལ་དུ་ནི་མི་འགྱུར་
D222.063.0096b05.01ལགས་སོ། །བཀའ་སྩལ་པ། འོད་སྲུང་ལེགས་སོ་ལེགས་སོ། །དེ་བཞིན་དུ་ཐར་པར་གཤེགས་པའི་སངས་རྒྱས་བཅོམ་ལྡན་འདས་རྣམས་ཀྱང་ངའི་ཡུལ་ཡིན་ཏེ། དེ་རྣམས་ཀྱང་གཟུགས་ཅན་ཡིན་ལ་ཐར་པ་དེ་ཡང་གཟུགས་ཅན་ཡིན་ནོ། །ཡང་བཀའ་སྩལ་པ། འོད་
D222.063.0096b06.01སྲུང་ཅི་ཁྱོད་ཀྱིས་གཟུགས་མེད་པའི་ལྷ་རྣམས་ཀྱི་ལྷའི་གནས་དང་བྱེད་པ་ཡང་དག་པར་ཤེས་སམ། ཡང་བཀའ་སྩལ་པ། འོད་སྲུང་ཅི་ཁྱོད་ཀྱིས་གཟུགས་ཅན་གྱི་ལྷ་རྣམས་གཟུགས་མེད་པ་ཞེས་བྱ་བའི་ནང་དུ་བགྲང་ངམ། ཅི་ན་བདག་ཅག་གི་ཡུལ་མ་ལགས་སོ་ཞེས་ཟེར།
D222.063.0096b07.01