完整藏文原文 · 德格版页 当前仅加载第 63 函德格 111a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་མཐར་ཕྱིན་པ་ཡིན་ནོ། །དེ་བཞིན་དུ་ཉན་ཐོས་དང་། རང་སངས་རྒྱས་རྣམས་དེ་བཞིན་གཤེགས་པ་རྣམས་མཉེས་པར་བྱེད་ཅིང་ལེགས་པར་སྤྱད་པ་སྤྱོད་པ་སྟོན་པར་ཉོན་མོངས་པ་རྐོ་བར་བྱེད་དེ། བརྐོས་ནས་ཆུ་བཞིན་དུ་དེ་བཞིན་གཤེགས་པའི་སྙིང་པོ་རྙེད་པར་འགྱུར་རོ། །
D222.063.0111a01.01བུམ་པའི་ནང་གི་སྒྲོན་མ་ཞེས་བྱ་བ་ནི་ཇི་ལྟར་བུམ་པའི་ནང་ན་སྒྲོན་མ་ཡོད་པའི་འོད་ལམ་མེར་མ་ཡིན། ལྷག་གེར་མ་ཡིན་ཞིང་སེམས་ཅན་རྣམས་ལ་ཅི་ཡང་མི་བྱེད་པ་བཞིན་དུ་དེ་བཞིན་གཤེགས་པའི་སྙིང་པོ་མཚན་དང་དཔེ་བྱད་མཐའ་ཡས་པ་དང་ལྡན་པར་གསུངས་པ་ཡང་སེམས་ཅན་རྣམས་ཀྱི་དོན་མི་བྱེད་
D222.063.0111a02.01དོ། །གང་གི་ཚེ་ཡང་བུམ་པ་ཆག་ནས་དེ་ནས་སྒྲོན་མ་རང་སྣང་བས་སྲོག་ཆགས་རྣམས་ཀྱི་དོན་བྱེད་པར་གྱུར་པ་དེ་བཞིན་དུ་ཉོན་མོངས་པ་བྱེ་བའི་སྦུབས་ཅན་འཁོར་བའི་བུམ་པ་ན་དེ་བཞིན་གཤེགས་པའི་སྙིང་པོ་གནས་པ་སྒྲོན་མ་བཞིན་རབ་ཏུ་འབར་ནས་འཁོར་བའི་ཉོན་མོངས་པ་ཟད་པའི་ཚེ་བུམ་པ་ཆག་པའི་
D222.063.0111a03.01སྒྲོན་མ་བཞིན་དུ་དེ་བཞིན་གཤེགས་པ་སེམས་ཅན་རྣམས་ཀྱི་དོན་བྱེད་པར་འགྱུར་རོ། །གཏན་ཚིགས་བཞི་པོ་འདི་དག་གིས་ཇི་ལྟར་ང་ལ་སེམས་ཅན་གྱི་ཁམས་ཡོད་པ་དེ་བཞིན་དུ་སེམས་ཅན་ཐམས་ཅད་ལ་ཡང་ཡོད་པར་རིག་པར་བྱའོ། །དེ་ལ་བསྒྲུབ་ཏུ་རུང་བའི་ཁམས་ཞེས་བྱ་བ་ནི་གཅིག་པུ་གནས་
D222.063.0111a04.01པ་ཡིན་པར་རིག་པར་བྱ་སྟེ། ཇི་ལྟར་གོང་དུ་གཏན་ཚིགས་བརྒྱ་རྩ་བརྒྱད་བཤད་པའི་གཏན་ཚིགས་རེ་རེ་ཞིང་ཚིགས་སུ་བཅད་པ་བརྒྱད་བརྒྱད་དུ་བསྡེབས་པ་ལས་བྱུང་བ་ཡིན་ནོ། །གསོལ་པ། བཅོམ་ལྡན་འདས་དེ་བཞིན་གཤེགས་པས་ཅིའི་སླད་དུ་ཐེག་པ་གསུམ་བསྟན་ལགས། བཀའ་སྩལ་པ།
D222.063.0111a05.01འོད་སྲུང་ཁྱོད་ལ་དཔེ་བསྟན་ཏེ། དཔེར་ན་ཁྱིམ་བདག་ནོར་བྱེ་བ་ཡོད་པ་ཞིག་ལ་བུ་གཅིག་པ་ཞིག་ཡོད་པ་སྐྱེ་བོ་མང་པོའི་ནང་དུ་མ་མའི་ལག་ནས་སྟོར་བར་གྱུར་ལ། དེ་ནས་ཁྱིམ་བདག་དེ་འཆི་བའི་དུས་ལ་བབ་པ་ན་འདི་སྙམ་དུ་བདག་གི་བུ་ནི་སྟོར་ཏེ། བདག་ལ་བུ་གཞན་ནམ། ཕའམ། མའམ།
D222.063.0111a06.01ལྷན་ཅིག་སྐྱེས་པའི་སྤུན་ནམ། ནང་མི་མེད་པས་བདག་གི་ནོར་གྱི་མཛོད་འདི་དག་ནི་རྒྱལ་པོས་བཞེས་པར་འགྱུར་རོ་སྙམ་དུ་སེམས་ཏེ། དེ་དེ་ལྟར་ཡང་དང་ཡང་དུ་སེམས་པ་ན་དུས་རིང་ཞིག་འདས་པ་དང་དེ་ནས་བུ་སྟོར་བ་དེ་གྲོང་ཁྱེར་དེ་ཉིད་དུ་འོངས་ནས་ཟས་ཀྱི་ཕྱིར་རང་གི་ཁྱིམ་དུ་ཞུགས་པ་ན་ཁྱིམ་འདི་
D222.063.0111a07.01