完整藏文原文 · 德格版页 当前仅加载第 63 函德格 97b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་ལགས། བཀའ་སྩལ་པ། གཟུགས་མེད་པའི་ལྷ་གང་དག་ཡིན་པ་དེ་དག་སེམས་ཅན་ཞེས་བགྱི་བར་བགྲང་ངམ་ཅི། བཅོམ་ལྡན་འདས་ནམ་མཁའ་སེམས་མ་མཆིས་པ་སེམས་དང་བཅས་པ་ཇི་ལྟར་འགྱུར་ལགས། བཀའ་སྩལ་པ། ནམ་མཁའ་ལ་རྟེན་པའི་ཁང་པའམ། རི་
D222.063.0097b01.01གང་དང་གང་དག་ཡིན་པ་ཞིག་ཀྱང་ནམ་མཁའ་མི་འཇིག་པ་ལྟར་མྱ་ངན་ལས་འདས་པའི་དབྱིངས་ཀྱི་འགྲོ་བ་ཐམས་ཅད་ལ་ཁྱབ་པ་ཡང་དེ་དང་འདྲའོ། །རྟེན་ནམ་མཁའ་མི་འཇིག་པ་ལྟར་བྱེད་པ་པོ་དང་། ཚོར་བ་པོ་ཡང་དེ་དང་འདྲ་ལགས་སམ། བཀའ་སྩལ་པ། འོད་སྲུང་མྱ་ངན་
D222.063.0097b02.01ལས་འདས་པའི་དུས་ན། སེམས་ཅན་རྣམས་ཀྱི་ལས་དང་། ཉོན་མོངས་པའི་ཆོས་ཡོད་པ་གང་ཡིན་པ་འཇིག་པར་འགྱུར་རོ། །བཅོམ་ལྡན་འདས་སེམས་ཅན་ཐམས་ཅད་དང་། ཆོས་ཐམས་ཅད་མ་མཆིས་པ་ཇི་ལྟ་བུ་ལགས། རྔ་བོ་ཆེའི་ཚོགས་པ་ཇི་ལྟ་བ་བཞིན་ནོ། །ཡང་
D222.063.0097b03.01གསོལ་པ། ཇི་ལྟར་གདུགས་ཀྱི་འོད་དང་། ནོར་བུའི་འོད་གཉིས་པོ་དེ་ལས་འཇིག་རྟེན་ན་ཞུགས་ཞེས་བགྱི་བ་དེ་བཞིན་དུ་མི་རྣམས་ལས་བདག་གིར་བྱ་བ་ཞེས་བགྱི་ན་བཅོམ་ལྡན་འདས་ཆོས་གཅིག་པོ་འདི་གང་གི་རྣམ་པར་སྨིན་པ་ལགས། བཀའ་སྩལ་པ། འོད་སྲུང་ཁྱོད་ཀྱིས་མི་
D222.063.0097b04.01ཤེས་སམ། གསོལ་པ། བཅོམ་ལྡན་འདས་འཚལ་ལགས་སོ། །བཀའ་སྩལ་པ། ཟླ་བ་བྱུང་བ་སྨྲོས་ཤིག །བཅོམ་ལྡན་འདས་ཟླ་བ་ནི་སེམས་ཅན་རྣམས་ཀྱི་རྣམ་པར་སྨིན་པ་ལས་སྐྱེས་པའི་ཆོས་མ་ལགས་སོ། །བཀའ་སྩལ་པ། གལ་ཏེ་དེ་ལྟ་ན་དཔེ་བརྗོད་དགོས་ཏེ།
D222.063.0097b05.01ཅི་སྟེ་ནོར་བུ་དང་། ཟླ་བ་དང་། ཉི་མ་དང་། མེ་སེམས་ཅན་གྱིས་མ་བྱས་ཀྱི། ཚོགས་པས་བྱས་པ་ཡིན་ན། སྟེང་གི་ལྷ་རྣམས་ཀྱིས་ཕྱག་བྱ་བའི་ཉི་མ་དང་། ཟླ་བ་དེ་དག་ཅི་སེམས་ཅན་མ་ཡིན་ནམ། བཅོམ་ལྡན་འདས་སངས་རྒྱས་བཅོམ་ལྡན་འདས་ཀྱང་ཡོངས་སུ་མྱ་ངན་ལས་
D222.063.0097b06.01འདས་ཀྱི་བར་དུ་སེམས་ཅན་ཞེས་བགྱི་བས་དེ་དག་ཀྱང་སེམས་ཅན་གྱི་གྲངས་སུ་བགྲང་བ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དེ་ནི་སེམས་ཅན་མ་ཡིན་ནོ། །དེ་ཅིའི་སླད་དུ་ལགས། སེམས་ཅན་གྲོང་པའི་བཤེས་གཉེན་ཅན་ཕལ་པ་མ་ཡིན་པ་ཡང་སེམས་ཅན་
D222.063.0097b07.01