完整藏文原文 · 德格版页 当前仅加载第 63 函德格 113a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ནི་བསྟན་མི་དགོས་པ་ལྟ་བུའོ། །དེ་ཅིའི་ཕྱིར་ཞེ་ན། དེ་དག་གིས་སྔོན་མཐོང་བའི་ཕྱིར་རོ། །དེ་བཞིན་དུ་ཁྱོད་ཀྱིས་ཀྱང་སྐྱུ་རུ་ར་བཞིན་དུ་དེ་བཞིན་གཤེགས་པའི་སྙིང་པོ་མཐོང་ངོ་། །འོད་སྲུང་གཞན་ཡང་ང་བཞུགས་པའི་ཚེ་དང་། ཁྱོད་འདུག་པའི་ཚེ་མདོ་འདི་སྤོང་བ་གང་དག་
D222.063.0113a01.01ཡིན་པ་དང་། སྤང་བར་འགྱུར་བ་གང་དག་ཡིན་པ་དེ་དག་གལ་ཏེ་ནུས་ན་ཁྱོད་ཀྱིས་ཚར་གཅད་ཅིང་གཟུང་བར་བྱའོ། །དེའི་ཚེ་ཚར་བཅད་ཅིང་བཟུང་ནས་རིགས་པའམ། བསྡིགས་པས་རང་གི་བུ་ལ་བྱ་བའམ། སྡུག་པ་ལ་བྱ་བའམ། རང་དང་འདྲ་བར་སྡུག་པར་བྱ་བས་ཐེག་པ་ཆེན་པོ་ལ་སྦྱར་བར་
D222.063.0113a02.01བྱའོ། །འོད་སྲུང་དེ་ལྟར་ཉན་ཐོས་ཀྱི་ཐེག་པ་པ་དེ་དག་ཐམས་ཅད་ཀྱང་ངའི་བུ་ཡིན་ནོ། །དེ་དག་ཐམས་ཅད་སྔོན་ང་སྤྱད་པ་སྤྱོད་པ་ན་ཡོངས་སུ་སྨིན་པར་བྱས་པ་ཡིན་ཏེ། བསྐལ་པ་མང་པོ་གྲངས་མེད་པ་དཔག་ཏུ་མེད་པ་ཕ་རོལ་པས་ཆེས་ཕ་རོལ་ཏུ་དེ་བཞིན་གཤེགས་པ་འཇིག་རྟེན་གྱི་གཉེན་ཞེས་བྱ་བ་
D222.063.0113a03.01བྱུང་བ་དེའི་ཚེ་དེའི་དུས་དེ་ན་མདོ་ཆེན་པོ་འདི་ལས་ཐེག་པ་གཅིག་པ་བཤད་པ་དང་། དེའི་ཚེ་འདི་དག་དང་གཞན་དེ་དག་ཐམས་ཅད་སྤོང་བར་བྱེད་དེ་དག་ཐམས་ཅད་གཅིག་ཏུ་བསྡོམས་ནས་ཁྲོ་བ་དང་། སྨོད་པ་དང་། མཚང་འདྲུ་བས་རྒྱུ་བར་བྱེད་དོ། །དེ་ནས་དེ་དག་ལ་འདི་དག་ནི་བདག་གི་བུ་ཡིན་བདག་གི་སློབ་མ་ཡིན་པས་
D222.063.0113a04.01དུས་ལས་ཐལ་ན་མི་རུང་གིས་ཇི་ལྟར་འདི་དག་ཉེ་བར་ཞི་བར་འགྱུར་བ་དེ་ལྟ་དེ་ལྟར་གདུལ་བར་བྱ་བའི་ཐབས་མཁས་པ་ཞིག་ངས་བསམས་སོ། །དེ་ནས་ངས་དེ་དག་གི་སྟོབས་དང་སྟོབས་མེད་པར་ཤེས་པར་བྱས་ནས་དེ་ལྟ་བུའི་གཏམ་སྟོན་ཏོ། །དེ་ལ་གང་དག་ཐེག་པ་ཆེན་པོ་ལ་མ་དད་པར་གྱུར་པ་དེ་དག་ལ་ནི་ངས་ཉན་
D222.063.0113a05.01ཐོས་ཀྱི་ཐེག་པའི་གཏམ་སྨྲས་ཏེ། རིགས་ཀྱི་བུ་མཐར་ཕྱིན་པ་འདི་ལྟ་སྟེ་ཐེག་པ་ཆེན་པོ་འདི་ཡིན་གྱི། ལྷག་མ་ནི་སྤང་བའི་ཐེག་པ་ཡིན་པར་བཟུང་ངོ་། །བུད་མེད་ཀྱིས་ནི་ལེགས་པར་སྤྱོད་པ་སྤྱད་ཀྱང་ཐར་པ་མི་འཐོབ་སྟེ་གྲོང་ཁྱེར་པས་ཀྱང་དེ་བཞིན་ནོ། །རྟ་ཅང་ཤེས་ལ་ཞོན་ཏེ་བརྒྱུགས་པས་ནི་
D222.063.0113a06.01གྲོང་རྡལ་ལམ། གྲོང་ཁྱེར་དུ་མྱུར་དུ་ཕྱིན་པར་འགྱུར་གྱི། བྱིས་པའི་གོམ་པས་ཀྱང་རིམ་གྱིས་སོང་ན་ཅི་དེས་ཀྱང་སོན་པར་མི་འགྱུར་རམ། ཇི་ལྟར་བྱིས་པ་གཞོན་ནུ་ནི་མཛུབ་མོས་མར་དང་ཁ་ཟས་ཟ་ལ་སྟོབས་དང་ལྡན་པས་སྣོད་བཀང་སྟེ་ཟ་བ་དེ་བཞིན་དུ་འོད་སྲུང་ངས་ཀྱང་གང་དག་ཐེག་པ་ཆེན་པོ་
D222.063.0113a07.01