完整藏文原文 · 德格版页 当前仅加载第 63 函德格 123a 版页；藏文 NFD、目录标记与异常页序保留在来源切片中，重复版页行以稳定序号区分。
གཉིས་པ་ཐེག་པ་ཆེན་པོའི་མདོ་སྟོང་པ་ཉིད་ཀྱི་གཏམ་སྨྲ་བར་འགྱུར་རོ། །གསུམ་པ་སེམས་ཅན་གྱི་ཁམས་རྟག་པའི་གཏམ་དང་། རྔ་བོ་ཆེ་ཆེན་པོའི་མདོའི་གཏམ་སྨྲ་བར་འགྱུར་རོ། །ཆོས་ཆེན་པོའི་རྔ་བོ་ཆེ་རྡུང་བར་འགྱུར། ཆོས་ཆེན་པོའི་དུང་འབུད་པར་འགྱུར། ཆོས་ཀྱི་རྒྱལ་མཚན་
D222.063.0123a01.01འཛུགས་པར་འགྱུར། ངའི་མངོན་སུམ་དུ་གོ་གྱོན་པར་འགྱུར་རོ། །ཕྱིས་མདོ་འདི་ཐོས་ནས་ན་ཚོད་ཆེན་པོར་འགྱུར་ཏེ། ལོ་བརྒྱར་མདོ་འདིའི་གཏམ་སྨྲ་ཞིང་ཆོས་ཀྱི་ཆར་འབེབས་པར་འགྱུར་རོ། །ལོ་བརྒྱ་འདས་པའི་འོག་ཏུ་དེ་ལྷོ་ཕྱོགས་དེར་ལྷོ་ཕྱོགས་ཀྱི་མི་རྣམས་ཀྱི་ནང་དུ་རྣམ་པར་འཕྲུལ་པ་ཆེན་པོས་རྣམ་པར་
D222.063.0123a02.01འཕྲུལ་ཞིང་ཡོངས་སུ་མྱ་ངན་ལས་འདས་པ་སྟོན་པར་འགྱུར་རོ། །རྒྱུ་དེས་ན་ཞིང་སྲུང་བའི་ཐབས་མཁས་པ་བཞིན་ནོ། །འོད་སྲུང་ད་ལྟར་བཟང་སྐྱོང་དང་། ཕུག་སྦས་ལ་སོགས་པའི་ཚིག་གི་སྐྱེས་བུས་ཕལ་པའི་བཞིན་ཏེ་འཛིན་མི་ནུས་པའི་སྙོམ་ལས་ཅན་དུ་གྱུར་ཏོ། །དེ་ནི་སྐྱེས་བུ་ཕལ་པ་ཁྲོ་བ་སྨོད་པར་བྱེད་པ་དེ་འདྲ་བ་
D222.063.0123a03.01རྣམས་ཀྱི་ནང་དུ་རྣམ་པར་འཕྲུལ་བ་ཆེན་པོས་ཡོངས་སུ་མྱ་ངན་ལས་འདའ་བར་འགྱུར་རོ། །གསོལ་པ། ཇི་ལྟར་ལགས། བཀའ་སྩལ་པ། བྱང་ཆུབ་སེམས་དཔའ་རྣམས་ཇི་ལྟ་བ་དེ་ལྟར་རོ། །གསོལ་པ། བྱང་ཆུབ་སེམས་དཔའ་རྣམས་ཇི་ལྟ་བུ་ལགས། བཀའ་སྩལ་པ། ཆོས་ཀྱི་རྣམ་པར་འཕྲུལ་པས་མ་ཡིན།
D222.063.0123a04.01འབྲས་བུ་བཞི་ཐོབ་པས་མ་ཡིན་ཏེ། དེ་དག་ནི་ས་འཕོ་བ་དང་། སངས་རྒྱས་དང་བཅས་པའི་སངས་རྒྱས་ཀྱི་ཞིང་དུ་འགྲོ་བས་སོ། །དེར་ཡང་གདུལ་བའི་སེམས་ཅན་དག་ཡོད་ན་སེམས་ཅན་དེ་འདྲ་བ་དེ་དག་གི་ནང་དུ་བཅོམ་ལྡན་འདས་ཤཱཀྱ་ཐུབ་པ་འདི་བྱོན་པ་ལ་ལྟོས་ཞེས་སྨྲ་ཞིང་དེ་བཞིན་གཤེགས་པ་ནི་རྟག་པ།
D222.063.0123a05.01བརྟན་པ། ཞི་བ། ཐེར་ཟུག་པ་ཡིན་པ་དེ་ལྟ་བུ་དེ་ལ་ལྟོས་ཤིག །ངས་བརྟན་པ་དང་བདེ་བ་བསྟན་པ་བཤད་པ་ནི་དེ་ལྟ་བུ་ཡིན་པར་ཤེས་པར་གྱིས་ཤིག་ཅེས་ལུང་བསྟན་པར་འགྱུར་རོ། །དེ་ནས་ཕྱོགས་བཅུ་ནས་ནམ་མཁའ་ལས་སངས་རྒྱས་བཅོམ་ལྡན་འདས་རྣམས་ཀྱིས་སོ་སོའི་ཞལ་དེ་ལ་སྟོན་ཅིང་འདི་སྐད་ཅེས་དེ་ནི་
D222.063.0123a06.01དེ་ལྟ་ཡིན་ནོ་ཞེས་གསུང་བར་འགྱུར། འཇིག་རྟེན་ཐམས་ཅད་ཀྱང་དེའི་ཆོས་བསྟན་པ་ལ་ལེགས་པར་བསྟན་ཏོ་ཞེས་ཡིད་ཆེས་པར་འགྱུར་རོ། །དེ་ནས་བར་སྐབས་དེར་ངའི་མིང་འཆང་བའི་དགེ་སློང་དེ་འདི་སྐད་ཅེས་ཀྱེ་མ་གལ་ཏེ་བདག་ལ་རྫུ་འཕྲུལ་གྱི་མཐུ་ཞིག་ཡོད་ན་ཡ་མཚན་ཅན་ཐམས་ཅད་བདག་གིས་
D222.063.0123a07.01