完整藏文原文 · 德格版页 当前仅加载第 63 函德格 117a 版页；藏文 NFD、目录标记与异常页序保留在来源切片中，重复版页行以稳定序号区分。
སོང་བ་དེ་དང་དེ་ཉིད་དུ་མུན་པ་མེད་པར་འགྱུར་ཞིང་སྒྲོན་མ་ཡང་གསལ་བ་ཁོ་ནར་འགྱུར་རོ། །འོད་སྲུང་དེ་བཞིན་དུ་ནོར་བུ་རིན་པོ་ཆེ་དེ་གསེར་བཞིན་དུ་དྲི་མས་གོས་པ་མེད་པར་གྱུར་ཅིང་ནོར་བུ་རིན་པོ་ཆེ་དེ་ཡང་མཚན་མོ་ནི་རྒྱུ་སྐར་དང་། ཟླ་བའི་འོད་ཀྱི་རྐྱེན་གྱིས་
D222.063.0117a01.01ཆུ་འཛག་པར་འགྱུར་ལ་ཉིན་མོ་ནི་ཉི་མའི་འོད་ཀྱིས་མེའི་ཁ་དོག་ལྟར་འབར་ཡང་ཅུང་ཟད་ཀྱང་སྲེག་པར་མི་བྱེད་དོ། །འོད་སྲུང་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་བྱུང་ནས་བྱང་ཆུབ་སངས་རྒྱས་པ་ཉིད་ཀྱིས་སྐྱེ་བ་དང་།
D222.063.0117a02.01རྒ་བ་དང་། ན་བ་དང་། འཆི་བའི་དྲི་མ་བསལ་ཅིང་ཉོན་མོངས་པ་བྱེ་བ་ལས་རྣམ་པར་གྲོལ་ཏེ། བག་ཆགས་ཀྱི་དྲི་མ་ཐམས་ཅད་དང་བྲལ་བ་ན་ནོར་བུ་དག་པ་བཞིན་དུ་རབ་ཏུ་གསལ་ཞིང་པད་མ་བཞིན་དུ་ཐམས་ཅད་དུ་གོས་པ་མེད་པར་འགྱུར་རོ། །འོད་སྲུང་གཞན་ཡང་དེ་བཞིན་གཤེགས་
D222.063.0117a03.01པ་གང་གི་གཟུགས་ཀྱིས་འཇིག་རྟེན་གང་དང་གང་དུ་འབྱུང་ཞིང་བྱུང་ནས་ཀྱང་ཕལ་པ་བཞིན་དུ་སྟོན་པར་མཛད་དེ། ཕལ་པར་བྱུང་ཡང་ངན་འགྲོའི་ཉེས་པ་དེ་དག་གིས་གོས་པར་མི་འགྱུར་ཞིང་ལྷ་དང་མིའི་བདེ་བ་དང་སྡུག་བསྔལ་ཡང་ཉམས་སུ་མྱོང་བར་མི་འགྱུར་རོ། །ལྷ་དང་། མིའི་
D222.063.0117a04.01བདེ་བ་དང་། སྡུག་བསྔལ་ཞེས་བྱ་བ་ནི་འདོད་པའི་ཡོན་ཏན་ལྔ་ཡིན་ཏེ། སྡུག་བསྔལ་ནི་བཀག་ལ་ཐར་པ་གཅིག་ཏུ་མཐར་ཕྱིན་པ་ནི་ཤིན་ཏུ་བདེ་བ་ཡིན་ནོ། །དེ་ནས་གནས་བརྟན་འོད་སྲུང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་ལེགས་སོ་ལེགས་སོ། །བདག་ནི་
D222.063.0117a05.01ད་གདོད་རབ་ཏུ་བྱུང་བ་དང་བསྙེན་པར་རྫོགས་པ་དགེ་སློང་གི་དངོས་པོ་དང་དགྲ་བཅོམ་པ་ཉིད་དུ་གྱུར་ལགས་ཏེ། ད་ནི་བདག་གིས་དེ་བཞིན་གཤེགས་པ་ལ་བགྱིས་པ་གཟོ་བ། བགྱིས་པ་ཚོར་བར་བགྱི་ལགས་སོ། །གང་དེ་བཞིན་གཤེགས་པས་བདག་ལ་འདི་སྐད་ཅེས་འོད་
D222.063.0117a06.01སྲུང་ཚུར་ཤོག་སྟན་གྱི་ཕྱེད་སྦྱིན་གྱིས་བདག་ཅག་གཉིས་སྟན་གཅིག་ལ་ལྷན་ཅིག་འདུག་གོ། །ཞེས་གསུངས་པ་དེའི་དོན་ནི་དེ་རིང་བཅོམ་ལྡན་འདས་ཀྱིས་འཁོར་བཞིའི་དབུས་སུ་བདག་ཐེག་པ་ཆེན་པོ་ལ་དབང་བསྐུར་བ་ལགས་སོ། །དེ་ནས་འཁོར་དེའི་ནང་ན་སྐྲ་དང་ཁ་སྤུ་བྲེགས་པ་དགེ་སློང་གི་ཁ་
D222.063.0117a07.01