完整藏文原文 · 德格版页 当前仅加载第 63 函德格 102b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་འདས་པར་འགྱུར་རོ། །འོད་སྲུང་། མདོ་སྡེ་འདི་ལྟ་བུ་འདི་དག་མ་འོངས་པའི་དུས་ན་ཐོས་ན། རང་བཟོར་བྱས་པའོ་ཞེས་སྨྲ་བར་འགྱུར་རོ། །དེ་ཅིའི་ཕྱིར་ཞེ་ན། སངས་རྒྱས་ཀྱི་གསུང་ལ། སྐད་ཀྱི་དབྱིངས་མི་སྣང་བས་གྲུབ་པའི་སྐད་ཀྱི། དབྱིངས་ཀྱི་མདོ་ནི་འགའ་
D222.063.0102b01.01ཞིག་གིས་བྱས་སོ། །སངས་རྒྱས་ཀྱི་གསུང་ལ་ནི། དེ་བཞིན་གཤེགས་པ་རྟག་པ་མི་སྣང་ན། ཁ་ཅིག་གིས་ཡང་རང་བཟོར་བྱས་སོ། །སངས་རྒྱས་ཀྱི་གསུང་ལ་ནི། བདག་མི་སྣང་ན། ཁ་ཅིག་གིས་ཡང་རང་བཟོར་བྱས་སོ། །ཡང་གསུང་རབ་ཡན་ལག་དགུ་ལ་གང་
D222.063.0102b02.01དུ་ཡང་མཚུངས་པ་མེད་པ་ཞེས་བྱ་བའི་མདོ་མི་སྣང་ན། འགའ་ཞིག་གིས་རང་བཟོར་བྱས་སོ། །མཚུངས་པ་མེད་པའི་མདོ་འདི་ནི་འགའ་ཞིག་རང་བཟོར་བྱས་པར་ཟད་དོ་ཞེས་ཟེར་རོ། །དཔེར་ན། འདི་ལྟར་རྒྱལ་པོ་གཏོང་བ་དང་ལྡན་པར་གྱུར་པ་དེའི་ཚེ། རྒྱལ་པོ་དེའི་
D222.063.0102b03.01ནོར་བསགས་པའི་བུམ་པ་མང་པོ་ས་རུམ་ནས་འབྱུང་བར་འགྱུར་རོ། །དེ་ཅིའི་ཕྱིར་ཞེ་ན། ཇི་ལྟ་ཇི་ལྟར། རིན་པོ་ཆེ་གང་དང་གང་དག །ཤི་བ་དང་། བཀྲེན་པ་དང་། ཕོངས་པ་དང་། སློང་མོ་པ་ལ་སོགས་པ་ལ། བགོ་བཤའ་བྱེད་པ། དེ་ལྟ་དེ་ལྟར་དེ་ལ་
D222.063.0102b04.01འཇིག་རྟེན་དུ། རིན་པོ་ཆེ་ཡ་མཚན་ཅན། དེ་དང་དེ་དག་འབྱུང་བར་འགྱུར་རོ། །དེ་བཞིན་དུ། བྱང་ཆུབ་སེམས་དཔའ་ཐབས་ཆེན་པོ་ལ་མཁས་པ། ཆོས་ཟབ་མོ་རིན་པོ་ཆེ་གང་དང་གང་དག་ཡིན་པ། སེམས་ཅན་རྣམས་ལ་ཆོས་བསྟན་པ་སྟོན་ཅིང་། དེས་ཆོག་
D222.063.0102b05.01ཤེས་པ་དང་། ཡོ་བྱད་བསྙུངས་པ་ཐོག་མར་བྱས་ནས། དེ་ལྟར་ཆོས་སྟོན་པ་ལ་ཞུགས་པ་ན། དམ་པ་མ་ཡིན་པའི་རྫས་སྤོང་བའི་མདོ་སྡེ་གང་ཡིན་པ་དེ་དག་འཐོབ་པར་འགྱུར་བ་འདི་ལྟ་སྟེ། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་ལྡན་པའི་སྒོ་དེ་ལྟ་བུ་
D222.063.0102b06.01དག་འཐོབ་པར་འགྱུར་རོ། །དེ་བཞིན་གཤེགས་པ་རྟག་པ་ཉིད་དང་། དེ་བཞིན་གཤེགས་པའི་སྙིང་པོ་ཡོད་པ་ཉིད་ཀྱི་མདོ་སྡེ་སྙིང་པོ་ཅན་གྱི་ལེའུ་འདི་ལྟ་བུ། འདི་དག་ཀྱང་འཐོབ་པར་འགྱུར་རོ། །གསོལ་པ། བཅོམ་ལྡན་འདས། བྱང་ཆུབ་སེམས་དཔའ་ཆོས་ལ་
D222.063.0102b07.01