完整藏文原文 · 德格版页 当前仅加载第 63 函德格 85a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་སྟེ། ཕྱོགས་བཅུའི་འཇིག་རྟེན་གྱི་ཁམས་ནས་འདུས་པའི་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་བྱང་ཆུབ་སེམས་དཔའ་དུ་མ་དང་ཡང་ཐབས་ཅིག་གོ། །དེ་ན་དེ་བཞིན་གཤེགས་པ་ཆོས་སྟོན་པ་ནི་འདི་ལྟ་སྟེ། འཁོར་བཞི་པོ་རྣམས་ཀྱི་
D222.063.0085a01.01ནང་དུ་འདི་ལྟ་བུའི་ཆོས་ཀྱི་གཏམ། སྲིད་ཡོད་བདེ་དང་སྡུག་བསྔལ་ཏེ། །ཟད་དང་གཏན་ཡོད་མ་ཡིན་ནོ། །དེ་ལྟས་བདེ་སྡུག་སྤངས་པའི་ཕྱིར། །མྱ་ངན་འདས་པ་མཆོག་ཏུ་བདེ། །ཞེས་སྟོན་པར་མཛད་དོ། །འདིར་སྨྲས་པ། ཅིའི་ཕྱིར་བཅོམ་ལྡན་འདས་ལ་དེ་བཞིན་གཤེགས་
D222.063.0085a02.01པ་དགེ་སློང་ལྔ་བརྒྱ་ཙམ་དང་ཐབས་ཅིག་ཏུ་བཞུགས་སོ་ཞེས་བྱ་བ་དེའི་གཏན་ཚིགས་བརྗོད་པར་བྱ་སྟེ། ཅིའི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཁོར་མང་པོ་དང་། འཁོར་མང་པོའི་གཙོ་བོ་དང་ལྡན་པ། འཁོར་རྟག་ཏུ་མི་ཕྱེད་
D222.063.0085a03.01པ། རྨད་དུ་བྱུང་བའི་ཆོས་དང་ཆོ་འཕྲུལ་མང་པོ་མངའ་བའོ་ཞེས་སྒྲ་གྲགས། གལ་ཏེ་དེ་ལྟ་ན་ནི་འཁོར་ལྔ་བརྒྱར་མི་ཟད་ན། བཅོམ་ལྡན་འདས་འཁོར་བྱེ་བ་ཅན་དུ་འགྱུར་རོ། །ཡང་འདིར་སྨྲས་པ། འདུལ་བ་ཐམས་ཅད་ལ་མངའ་སྒྱུར་བའི་སྟོབས་མངའ་བས་མཉན་ཡོད་ན་དེ་བཞིན་
D222.063.0085a04.01གཤེགས་པ་དགེ་སློང་ལྔ་བརྒྱ་དང་ཐབས་ཅིག་ཏུ་བཞུགས་སོ། །ཞེས་ཚིག་ཏུ་གསུངས་པ། ཅི་དཔེར་ན་མས་བུ་ཁུར་དུ་ཐོགས་ཏེ་རང་གི་ཡུལ་ནས་ཡུལ་གཞན་དུ་འགྲོ་བ་ན་རང་གི་བུ་སྤྲོ་བསྲིང་བའི་ཕྱིར་བུ་གྲོང་འདི་ཉེའོ་ཞེས་བྱ་བའི་ཚིག་སྨྲ་བ་དེ་བཞིན་དུ། སངས་རྒྱས་བཅོམ་ལྡན་འདས་འགྲོ་
D222.063.0085a05.01བ་རྗེས་སུ་སྲུང་བ་རྣམས་དགེ་སློང་ལྔ་བརྒྱ་ཙམ་དང་ཐབས་ཅིག་གོ་ཞེས་བྱ་བ་ཡིན་ནམ་ཞེ་ན། དེ་དག་ལ་སྨྲས་པ། དགེ་སློང་དག་ཆོས་ཀྱི་གཏམ་འདི་ནི་ལན་གསུམ་དུ་བཟླས་པ་ཡིན་ཏེ། དེ་བས་ན་དགེ་སློང་ལྔ་བརྒྱ་ཙམ་ཞེས་བྱ་བ་དེ་དག་ནི་སྐྱེས་བུའི་གཙོ་བོ་རྣམས་ཡིན་པར་རིག་པར་བྱ་སྟེ། དོན་
D222.063.0085a06.01གཞན་ནི་མ་ཡིན་ནོ། །དཔེར་ན་ཁྱུ་མཆོག་རེ་རེ་ལ་ཡང་བ་ལང་གི་ཚོགས་ཡོད་པ་བཞིན་དུ་སྐྱེས་བུའི་གཙོ་བོ་ལ་ཡང་སློབ་མ་ལྔ་བརྒྱ་ཡོད་དེ། རེ་རེ་ལ་ཡང་སློབ་མ་ལྔ་བརྒྱ་ལྔ་བརྒྱ་ཡོད་དོ། །དེ་ལྟ་བས་ན་ཉན་ཐོས་ཆེན་པོ་ལྔ་བརྒྱ་ཙམ་ཞེས་བྱ་སྟེ། འདི་ལྟ་སྟེ། འོད་སྲུང་ཆེན་པོ་དང་།
D222.063.0085a07.01