完整藏文原文 · 德格版页 当前仅加载第 63 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཏུ་སྨྲ་བ་གཟུགས་དང་བཅས་པ་བཞིན་དུ་སྨྲ་བར་འགྱུར་བ་ལགས་སམ། ཇི་ལྟར་འཇིག་རྟེན་པའི་འཇིག་ཚོགས་ཀྱི་ལྟ་བ་ལྟར་ཡང་མ་ཡིན་ལ། ཆད་པ་དང་རྟག་པར་སྨྲ་བ་ལྟར་ཡང་མ་ཡིན་ནོ། །འོད་སྲུང་གིས་ཡང་གསོལ་པ། བཅོམ་ལྡན་འདས་དེ་བཞིན་
D222.063.0109a01.01གཤེགས་པ་རྣམས་ལ་ཡང་ཡོངས་སུ་མྱ་ངན་ལས་འདའ་བ་མི་མངའ་ན། ཅིའི་སླད་དུ་དེ་ལྟར་ཡོངས་སུ་མྱ་ངན་ལས་འདའ་བ་སྟོན་ཅིང་འབྱུང་བ་མ་མཆིས་ན་ཅིའི་སླད་དུ་སྐྱེ་བ་སྟོན་པ་ལགས། སེམས་ཅན་རྣམས་ཀྱིས་རེ་ཞིག་སངས་རྒྱས་ཀྱང་ནོངས་པར་འགྱུར་ན། བདག་ཅག་ལྟ་ཅི་
D222.063.0109a02.01སྨོས། རེ་ཞིག་སངས་རྒྱས་ཀྱིས་ཀྱང་བདག་གི་དབང་མ་ཐོབ་ན་བདག་ཅག་ངར་འཛིན་པ་དང་། ང་ཡིར་འཛིན་པས་ཟིན་པ་རྣམས་ལྟ་སྨོས་ཀྱང་ཅི་དགོས་ཞེས་ཤེས་པར་འགྱུར་བས་སོ། །དཔེར་ན་ཉི་འོག་གི་རྒྱལ་པོས་རྒྱལ་པོ་ཞིག་བཟུང་སྟེ། ལྕགས་སུ་བཅུག་ནས་བཙོན་རར་
D222.063.0109a03.01བཅུག་པ་དང་། དེ་ནས་དེས་བསམས་པ། བདག་ནི་རྒྱལ་པོ་ཡིན། བདག་ནི་ཇོ་བོ་ཡིན་ནོ་སྙམ་པ་ལས་ཡང་སྨྲས་པ། བདག་ནི་མ་ཡིན་ཏེ། བག་མེད་པ་མ་གཏོགས་པ་འདི་ནི་སྡུག་བསྔལ་ལས་ཅི་ཞིག་ཡོད་སྙམ་པ་དེ་བཞིན་དུ། ཇི་སྲིད་དུ་འཁོར་བ་ན་འཁྱམ་པ་དེ་སྲིད་དུ་ང་
D222.063.0109a04.01ནི་བདག་གོ་ཞེས་བདག་ཏུ་ལྟ་སྟེ། བདག་མེད་པར་ལྟ་བའི་དོན་ཡིན་ནོ། །དཔེར་ན་ཆོམ་རྐུན་པ་གསོད་པ་པོ་རལ་གྲི་གདེངས་པ་དེའི་ཚེ་རྗེས་བཞིན་རྗེས་བཞིན་ཆགས་པ་དང་། དེ་ནས་དེས་བསམས་པ། ཅི་བདག་ཆོམ་རྐུན་པ་འདིའི་ལག་ནས་འཆོར་བར་འགྱུར་རམ་སྙམ་པ་ལས་བདག་ལ་ལུས་
D222.063.0109a05.01ཀྱི་དབང་མེད་དོ་སྙམ་དུ་རྟོགས་པར་བྱེད་པ་དེ་བཞིན་དུ་སྐྱེ་བ་དང་། རྒ་བ་དང་། ན་བ་དང་། འཆི་བའི་སྡུག་བསྔལ་རྣམ་པ་དུ་མ་དང་ལྡན་པའི་སེམས་ཅན་རྣམས་བདག་ནི་དབང་པོའམ། ཚངས་པར་གྱུར་ཅིག་སྙམ་དུ་རྟོགས་པར་བྱེད་པ་དེ་དག་གི་རྟོག་པ་གཞིག་པའི་ཕྱིར་དེ་བཞིན་གཤེགས་པ་གྲོངས་
D222.063.0109a06.01པར་སྟོན་པ་མཛད་དོ། །རེ་ཞིག་དེ་བཞིན་གཤེགས་པ་ནི་ལྷའི་ཡང་ལྷ་ཡིན་ན་གལ་ཏེ་དེ་བཞིན་གཤེགས་པ་ནི་དེ་ལྟར་ཡོངས་སུ་མྱ་ངན་ལས་འདས་ཏེ་མེད་པར་གྱུར་ན་དེའི་ཚེ་འཇིག་རྟེན་འགྲིབ་པ་ཉིད་སྣང་བར་འགྱུར་རོ། །གལ་ཏེ་མི་འགྲིབ་ན་ནི་བརྟེན་པ་ཞི་བ་ཡིན་ནོ། །གལ་ཏེ་དེ་ལྟར་བརྟེན་
D222.063.0109a07.01