完整藏文原文 · 德格版页 当前仅加载第 63 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
བསྔལ་གྱི་གཏམ་ཡང་མི་གསུང་། མི་རྟག་པའི་གཏམ་ཡང་མི་གསུང་། བདག་མེད་པ་དང་། མི་གཙང་བའི་གཏམ་ཡང་མི་གསུང་ངོ་། །དེ་ཅིའི་ཕྱིར་ཞེ་ན། འདི་ནི་དེ་དག་གི་ཆོས་ཉིད་ཡིན་ཏེ། དེ་ན་སངས་རྒྱས་བཅོམ་ལྡན་འདས་ཇི་སྙེད་བཞུགས་པ་དེ་དག་གིས་
D222.063.0087a01.01དགོས་པའི་དོན་དུ་ནི་རང་རང་གི་སངས་རྒྱས་ཀྱི་ཞིང་དག་ན་འཁོད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་འདི་སྐད་ཅེས་རིགས་ཀྱི་བུ་དག་རེ་ཞིག་སངས་རྒྱས་བཅོམ་ལྡན་འདས་རྣམས་སེམས་ཅན་རྣམས་ཀྱི་དོན་དུ་ཞིང་གི་སྙིགས་མ་སྙིགས་མ་ལྔ་ཅན་གྱི་སངས་རྒྱས་ཀྱི་ཞིང་
D222.063.0087a02.01འདི་འདྲ་བར་འབྱུང་བ་ནི་དཀའ་བ་མཛད་པ་ཡིན་ཏེ། དེ་ལྟ་བས་ན་རིགས་ཀྱི་བུ་དག་ཁྱོད་ཀྱིས་ཀྱང་དེ་ལྟར་བསླབ་པར་བྱའོ་ཞེས་རབ་ཏུ་འཇོག་པར་མཛད། འདོམས་པར་མཛད་དོ། །དེ་ནས་དེ་དག་ལྟ་འདོད་ཅིང་ཕྱག་བྱེད་པར་འདོད་པར་འགྱུར་ཏེ། དེ་དག་ལྟ་འདོད་ཅིང་ཕྱག་བྱེད་པར་
D222.063.0087a03.01འདོད་པ་ན་དེ་དག་གིས་དེ་རྣམས་ཉེ་བར་བསྟན་པས་དེའི་ཕྱིར་དེ་དག་མི་མཇེད་ཀྱི་འཇིག་རྟེན་གྱི་ཁམས་འདིར་འོང་བར་འགྱུར་ཞིང་འོངས་ནས་ཁ་ཅིག་ནི་ས་དང་པོ་ཐོབ་པར་འགྱུར། ཁ་ཅིག་གིས་ནི་ས་བདུན་པ་དང་། བརྒྱད་པ་དང་། དགུ་པ་དང་། བཅུ་པའི་བར་དག་ཀྱང་ཐོབ་པར་འགྱུར་
D222.063.0087a04.01རོ། །ཀུན་དགའ་བོ་དེ་ལྟ་བས་ན་རྔ་བོ་ཆེ་ཆེན་པོ་ཞེས་བྱ་བའི་མདོ་འདི་ནི་ཤིན་ཏུ་རྙེད་པར་དཀའ་བ་ཡིན་ཏེ། ཕྱོགས་བཅུ་ནས་ལྷགས་པའི་འཁོར་འདི་དག་ཐམས་ཅད་ཉན་པར་འདོད་པ་ཡང་དེའི་ཕྱིར་རོ། །ཀུན་དགའ་བོས་གསོལ་པ། བཅོམ་ལྡན་འདས་ལེགས་སོ། །ཐམས་ཅད་ལྷགས་པ་
D222.063.0087a05.01ལེགས་སོ་ལྷགས་པ་ལེགས་སོ། །འདི་དག་ཐམས་ཅད་ཀྱིས་ཤིན་ཏུ་རྙེད་པར་དཀའ་བའི་མདོ་འདི་འདྲ་བ་ཐོབ་པར་གྱུར་ཅིག །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ཐམས་ཅད་ཀྱི་ཐུན་མོང་ལྟར་མདོ་འདི་ཐུན་མོང་མ་ཡིན་པས་ལྷགས་པ་ལེགས་སོ་ཞེས་ཚིག་ཏུ་མ་བརྗོད་
D222.063.0087a06.01ཅིག །གསོལ་པ། བཅོམ་ལྡན་འདས་ཅིའི་སླད་དུ་ཐམས་ཅད་ལྷགས་པ་ལེགས་སོ། །ལྷགས་པ་ལེགས་ས་ཞེས་མི་བགྱི་བ་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་མདོ་འདི་ནི་ཟབ་ཅིང་རྟོགས་པར་དཀའ་བ། ཡིད་ཆེས་ཤིང་དད་པར་དཀའ་བ།
D222.063.0087a07.01