完整藏文原文 · 德格版页 当前仅加载第 63 函德格 107b 版页；藏文 NFD、目录标记与异常页序保留在来源切片中，重复版页行以稳定序号区分。
མང་བ། རྟག་པ། བརྟན་པ། ཞི་བ། རྒ་བ་མེད་པ། འཆི་བ་མེད་པ། རྟག་ཏུ་བདེ་བ། རྒྱུན་དུ་བདེ་བ། བར་ཆད་མེད་པར་བདེ་བ་ཡིན་ནོ་ཞེས་དེ་ལྟར་དབུགས་ཕྱུང་ནས་འདི་སྐད་ཅེས་ཀྱང་སྨྲས་ཏེ་གྲོང་ཁྱེར་ཆེན་པོའི་གྲོང་ཁྱེར་ཆེན་པོར་ཞུགས་ཤིང་སྐྱེ་བོའི་ཚོགས་དེ་ཞུགས་པ་དང་། ཡང་འདི་
D222.063.0107b01.01སྐད་ཅེས་སྨྲས་སོ། །གྲོགས་པོ་དག་གྲོང་ཁྱེར་ཆེན་པོ་མཆོག་འདི་ནི་གྲོང་ཁྱེར་ཐམས་ཅད་ཀྱི་མཐར་ཕྱིན་པ་ཡིན་ཞིང་གྲོང་ཁྱེར་འདི་ལས་ཕ་རོལ་ན་གྲོང་ཁྱེར་གཞན་མེད་དོ། །དེ་ནས་དེ་དག་གྲོང་ཁྱེར་ཆེན་པོ་དེར་ཞུགས་པ་ན། ངོ་མཚར་དུ་གྱུར་ཅིང་ཡ་མཚན་དུ་གྱུར་ཏེ། རབ་ཏུ་མགུ་ནས་སྟོན་པ་དེ་
D222.063.0107b02.01ལ་སྐལ་ལྡན་ཤེས་རབ་ཆེན་པོ་སྙིང་རྗེ་ཆེན་པོ་ཅན་བདག་ཅག་ལ་རྗེས་སུ་བརྩེ་བ་ཁྱོད་ལེགས་སོ་ལེགས་སོ་ཞེས་ལེགས་སོ་བྱ་བ་བྱིན་ནས་དེ་ནས་ཡང་སྟོན་པ་དེ་ལས་དྲིས་པ་སྐལ་ལྡན་ཅི་བདག་ཅག་གིས་རྒལ་བའི་གྲོང་ཁྱེར་གང་ཡིན་པ་དེ་དག་ཐམས་ཅད་ད་ཡོད་དམ། འོན་ཏེ་མེད། སྟོན་པ་
D222.063.0107b03.01དེས་སྨྲས་པ། གྲོང་ཁྱེར་ཞེས་བྱ་བ་དེ་དག་ནི་དབུགས་དབྱུང་བའི་ཕྱིར་ཡིན་ཏེ། གལ་ཏེ་གནས་དེ་གནས་སྟོང་པ་ཡིན་ན་གནས་སྟོང་པ་དེ་ནི་དགོས་པ་མེད་པས་དེ་ནས་འདོང་ངོ་ཞེས་བྱ་བ་ཅིར་དགོས་ཞེ་ན་གྲོང་ཁྱེར་སྟོང་པ་ཡིན་པའི་ཕྱིར་རོ། །གྲོང་ཁྱེར་གྱི་དབྱིབས་དང་། ར་བ་དང་། ཡང་
D222.063.0107b04.01ཐོག་སྤྲུལ་པ་དང་པོ་ལྟ་བུའི་ཉན་ཐོས་ཀྱི་ཐེག་པ་ཤེས་པ་དག་པ་འདི་ལྟ་སྟེ། སྟོང་པ་ཉིད་ཀྱི་མདོ་དག་ཡིན་ནོ། །ཅིག་ཤོས་ལྟ་བུ་ནི་རང་སངས་རྒྱས་ཀྱི་ཐེག་པ་མི་གསལ་བ་ཡིན་ནོ། །སངས་རྒྱས་ཉིད་ནི་ཐར་པ་གསལ་བ་ཡིན་ནོ། །དེ་ལྟ་བས་ན་སངས་རྒྱས་བཅོམ་ལྡན་འདས་རྣམས་ཐེག་པ་
D222.063.0107b05.01གསུམ་དུ་གཏམ་རྣམ་པ་གསུམ་སྟོན་ཅིང་མྱ་ངན་ལས་འདས་པ་ཡང་རྣམ་པ་གསུམ་དུ་སྟོན་ལ་ཐེག་པ་གཅིག་ཀྱང་སྟོན་པར་མཛད་དོ། །འོད་སྲུང་གང་ཞིག་མདོ་སྡེ་འདི་ལྟ་བུ་འདི་དག་མེད་དོ་ཞེས་སྨྲ་ན། དེའི་སྟོན་པ་ཡང་ང་མ་ཡིན་ལ་དེ་ཡང་ངའི་ཉན་ཐོས་མ་ཡིན་ནོ། །གསོལ་པ། བཅོམ་ལྡན་འདས་ཐེག་པ་
D222.063.0107b06.01ཆེན་པོ་ལ་ཡང་སྟོང་པ་ཉིད་ཀྱི་དོན་སྟོན་པའི་མདོ་མང་དུ་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། སྟོང་པ་ཉིད་སྟོན་པ་གང་ཅི་ཡང་རུང་བ་དེ་ཐམས་ཅད་ནི་དགོངས་པ་ཅན་དུ་རིག་པར་བྱ་ལ། བླ་ན་མེད་པའི་མདོ་འདི་ལྟ་བུ་འདི་དག་ནི་དགོངས་པ་ཅན་མ་ཡིན་པར་རིག་པར་
D222.063.0107b07.01