完整藏文原文 · 德格版页 当前仅加载第 63 函德格 104b 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་སྨྲ་ཞིང་བསམས་ནས་དེ་དག་གི་དྲུང་ནས་ལོག་སྟེ། རང་རང་གི་ཡུལ་དུ་དོང་ནས་ཕན་ཚུན་ཚུལ་ཁྲིམས་ཉམས་པར་བྱེད། ལྟ་བ་ཉམས་པར་བྱེད་པར་འགྱུར་གྱི། དེ་དག་གིས་མདོ་སྡེ་འདི་ལྟ་བུ་འདི་དག་ཐོབ་པར་ནི་མི་འགྱུར་རོ། །དེ་ཅིའི་ཕྱིར་ཞེ་ན། གང་ན་ཕན་པ་སྟོན་པ་དེར་མདོ་སྡེ་འདི་ལྟ་
D222.063.0104b01.01བུ་འདི་དག་འབྱུང་བར་འགྱུར་རོ། །དེའི་ཚེ་འཇིག་རྟེན་འདིར་སེམས་ཅན་མང་པོ་མང་པོ་དག་གིས་མཐོང་ཞིང་ཐོས་ནས་ཐེག་པ་ཆེན་པོ་ལ་སྐུར་པ་འདེབས་པར་འགྱུར་གྱིས་ཞུམ་པར་མི་བྱའོ། །དེ་ཅིའི་ཕྱིར་ཞེ་ན། དུས་འདི་ནི་སྙིགས་མ་ལྔའི་དུས་ཡིན། དུས་འདི་ནི་བསྟན་པ་ཉམས་པར་འགྱུར་བ་ཡིན་
D222.063.0104b02.01པས་སེམས་ཅན་མང་པོ་དག་ཐེག་པ་ཆེན་པོ་ལ་ཤིན་ཏུ་སྐུར་པ་འདེབས་པར་འགྱུར་རོ། །དཔེར་ན་ཁྱིམ་བདུན་གྱི་གྲོང་ལ་འགྲོན་བུ་གཅིག་ཡོད་པ་དེ་བཞིན་དུ་གང་ན་མདོ་སྡེ་འདི་ལྟ་བུ་འདི་དག་རབ་ཏུ་སྤྱོད་པ་དེ་ན་ཡང་སྐྱེ་བོ་བདུན་ལས་གཅིག་ནི་གདོན་མི་ཟ་བར་དམ་པའི་ཆོས་སྤོང་བར་འགྱུར་རོ། །
D222.063.0104b03.01འདི་ལྟ་སྟེ། ཚུལ་ཁྲིམས་མཚུངས་པ་དག་གིས་ཚུལ་ཁྲིམས་ཉམས་པ་དག་མཐོང་ནས་ཡི་རངས་པར་གྱུར་ཅིང་ཕན་ཚུན་གཅིག་ལ་གཅིག་ཚུལ་ཁྲིམས་ཉམས་པར་བྱེད་པས་དགའ་བར་འགྱུར་རོ། །དེ་ལ་ཚུལ་ཁྲིམས་མཚུངས་པ་ཞེས་བྱ་བ་ཇི་ལྟ་བུ་ཞེ་ན། གང་ཞིག་མདོ་སྡེ་འདི་ལྟ་བུ་འདི་ཐོས་
D222.063.0104b04.01ཤིང་མདོ་སྡེ་དེ་དག་གི་ཆོས་སྟོན་པ་ལ་སོགས་པ་མཐོང་ན་འདི་ལྟར་ཡིད་ལ་གཅགས་ནས་ནི་ཕྱིར་ཕྱོགས་པར་བྱེད་ཅིང་གཏམ་འདི་ལྟ་བུ་དག་སྨྲ་སྟེ། དེ་ལ་སེམས་ཅན་གྱི་ཁམས་ནི་གང་དེ་ལ་དེ་བཞིན་གཤེགས་པའི་བདག་གི་ངོ་བོ་ཉིད་རྟག་པའམ། རང་བཞིན་རྟག་པ་ཉིད་ནི་གང་ཡངས་པའི་
D222.063.0104b05.01མདོ་བསྟན་པ་འདིའི་གཏམ་ནི་ཅི་ཡིན་ཞེས་ཁ་གཞན་དུ་བལྟས་ཏེ། སེམས་པར་བྱེད་ཅིང་དེ་དག་འདི་དག་ནི་བདག་གི་ཕྱོགས་བྱེད་པར་འགྱུར་རོ་ཞེས་དེ་དག་ཕན་ཚུན་དུ་བྱམས་པར་བྱེད་ཅིང་དེ་ལྟར་རིམ་གྱིས་རང་བཞིན་ལ་འཇོག་པར་བྱེད། དེ་དག་གི་རང་བཞིན་དང་རང་བཞིན་གཅིག་པར་བྱེད་
D222.063.0104b06.01དོ། །དཔེར་ན་བྲམ་ཟེའི་ཁྱིམའམ་ཁྱིམ་བདག་གི་ཁྱིམ་ན་ཁྱེའུ་འགའ་ཞིག་སྤྱོད་པ་མ་ཡིན་པ་ལ་ཞུགས་པར་གྱུར་པ་ན་དེ་ཕ་དང་མས་བཟློག་སྟེ། དེ་དེ་ལས་བཟློག་པ་ན་སྤྱོད་པ་མ་ཡིན་པ་དེ་ལས་ལྡོག་ཏུ་མ་བཏུབ་ནས་ཇི་ཙམ་ན་དེ་རང་གི་ཁྱིམ་ནས་བྱུང་སྟེ། བྱུང་ནས་ཁྱེའུ་གཞན་ཞིག་དང་ལྷན་
D222.063.0104b07.01