完整藏文原文 · 德格版页 当前仅加载第 63 函德格 103b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། དགེ་བསྙེན་མ་མདོ་སྡེ་འདི་ལྟ་བུ་འདི་དག་འདྲི་བ་དང་། ཀློག་པ་དང་། འཆང་བ་དང་། ཀུན་ཆུབ་པར་བྱེད་པ་དང་། གཞན་དག་ལ་ཡང་སྟོན་པར་བྱེད་ཅིང་བར་མ་དོར། སྒྱིད་ལུག་པར་མི་འགྱུར། སོམ་ཉི་ཟ་བར་མི་འགྱུར། ཐེ་ཚོམ་ཟ་བར་མི་འགྱུར། སྐུར་པ་འདེབས་པར་
D222.063.0103b01.01མི་འགྱུར་བ་གང་ཡིན་པ་དེ་དག་གིས། རྟག་ཏུ་སངས་རྒྱས་ཀྱི་བྱིན་གྱི་རླབས་ཀྱིས་ངོ་མཚར་དུ་བྱ་བ། བཟའ་བ་དང་། བཏུང་བ་མང་པོ་རྙེད་པར་འགྱུར་ཏེ། བྱང་ཆུབ་ལ་ཐུག་པའི་བར་དུ་མི་ཟད་མི་འབྲི། མི་འགོང་ཞིང་། བར་མ་དོར། ཡོངས་སུ་གཏུགས་པར་མི་འགྱུར་རོ། །གཞན་
D222.063.0103b02.01ཡང་དཔེར་ན། དགེ་སློང་བར་མ་དོར། གཡེལ་བ་མི་བྱེད་པ་གང་ཡིན་པ་དེ་ལ་ལུས་ཐ་མ་འཛིན་པའི་ལྷ་རྣམས། རང་གི་ལུས་ཁོ་ནས་ཇི་སྲིད་འཚོའི་བར་དུ་རིམ་གྲོ་བྱེད་དོ། །དེ་བཞིན་དུ། གང་དག་མདོ་སྡེ་འདི་ལྟ་བུ་དག་ལ། ཐ་ན་ཡུངས་འབྲུ་ཙམ་ཡང་སྐུར་པ་གདབ་པའི་འདུ་
D222.063.0103b03.01ཤེས་སྐྱེ་བར་མི་འགྱུར་བ་དེ་དག་ནི་དེ་བཞིན་གཤེགས་པའི་སྙིང་པོའོ། །དེ་བཞིན་གཤེགས་པ། རྟག་པ་ཉིད་ཐོབ་པར་འགྱུར་རོ། །དེ་དག་འཆད་པ་དང་། བསྟེན་པ་དང་། བཀུར་སྟི་དང་། རིམ་གྲོ་བྱེད་པ་ཡང་། དེ་བཞིན་གཤེགས་པ་རྣམས་ལས་མངོན་དུ་འགྱུར་
D222.063.0103b04.01རོ། །དཔེར་ན། འཁོར་ལོས་སྒྱུར་བའི་རྒྱལ་པོ་གང་དང་གང་དུ་འགྲོ་བ་དེ་དང་དེར། རིན་པོ་ཆེ་སྣ་བདུན་དག་འདོང་བར་འགྱུར་རོ། །དེ་བཞིན་དུ། གང་དུ་ཕན་པ་སྟོན་པར་འབྱུང་བ་དེ་དང་དེར། མདོ་སྡེ་འདི་ལྟ་བུ་འདི་དག་འབྱུང་བར་འགྱུར་རོ། །དཔེར་ན། གང་དང་གང་
D222.063.0103b05.01དུ་འཁོར་ལོས་སྒྱུར་བའི་རྒྱལ་པོ་འདུག་པ་དེ་དང་དེར། རིན་པོ་ཆེ་སྣ་བདུན་དག་འདུག་གི །ཕྱོགས་གཞན་དུ། གོམ་པ་གཅིག་ཀྱང་མི་འདུག་གོ། །དེར་ནི་རིན་པོ་ཆེ། ངན་པ་གཞན་དག་འདུག་གོ། །དེ་བཞིན་དུ། གང་དུ་ཕན་པ་སྟོན་པ། མངོན་སུམ་དུ་གྱུར་པ།
D222.063.0103b06.01འབྱུང་བ་དེའི་ཚེ། ལྷོ་ཕྱོགས་ཀྱི་ལམ་ནས། མདོ་སྡེ་འདི་ལྟ་བུ། འདི་དག་འོང་བར་འགྱུར་ཞིང་། འོངས་ནས་ཀྱང་དེ་དག་གི་དྲུང་དུ་འགྲོ་བར་འགྱུར་གྱི། ཕྱོགས་གཞན་དུ་ནི་གནས་པར་མི་འགྱུར་རོ།། །།འཕགས་པ་རྔ་བོ་ཆེ་ཆེན་པོའི་ལེའུ་
D222.063.0103b07.01