完整藏文原文 · 德格版页 当前仅加载第 63 函德格 87b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཀྱི་གསང་བ་ཡིན་ཏེ། ཀུན་དགའ་བོ་དེའི་ཕྱིར་འོངས་པ་དང་མ་འོངས་པ་ཐམས་ཅད་ལ་ལྷགས་པ་ལེགས་སོ་ལྷགས་པ་ལེགས་སོ་ཞེས་ཚིག་ཏུ་མ་བརྗོད་ཅིག །གསོལ་པ། བཅོམ་ལྡན་འདས་ཅི་ལགས། ཡུལ་ཀོ་ས་ལའི་རྒྱལ་པོ་གསལ་རྒྱལ་གཡུལ་འགྱེད་པའི་དུས་སུ་རྔ་བོ་
D222.063.0087b01.01ཆེའི་སྒྲ་འབྱིན་པ་དང་། ཁར་དཀྲོལ་རྡེབས་པ་དེའི་ཚེ་དཔུང་གི་ཚོགས་ཐམས་ཅད་ཀྱི་མ་ལགས་སམ། ཅི་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་རྔ་བོ་ཆེ་དེ་ཉིད་གང་གི་ཚེ་ཡུལ་ཀོ་ས་ལའི་རྒྱལ་པོ་གསལ་རྒྱལ་ཕ་རོལ་གྱི་དཔུང་དང་ལྷན་ཅིག་གཡུལ་འགྱེད་པ་
D222.063.0087b02.01དེའི་དུས་སུ་ཇི་ཙམ་ན་རྔ་བོ་ཆེའི་སྒྲ་བྱུང་བ་དེའི་ཚེ་སེམས་ཅན་མང་པོ་དག་ནི་ཐོས་ནས་དགའ་བར་མི་འགྱུར་རོ། །དེ་ཅིའི་ཕྱིར་ཞེ་ན། སེམས་ཅན་སྡར་མའི་རིགས་ཅན་གཞན་དག་ནི་སྒྲ་དེ་ཐོས་ན་དེ་ཉིད་ཀྱིས་དེ་དག་འཆི་བའམ། འཆི་བ་ལ་ཐུག་པའི་སྡུག་བསྔལ་སྐྱེ་བར་འགྱུར་རོ། །ཀུན་
D222.063.0087b03.01དགའ་བོ་དེའི་ཕྱིར་རྔ་བོ་ཆེ་ཆེན་པོ་ཞེས་བྱ་བའི་མདོ་འདི་ནི་ཀུན་དགའ་བོ་ཁྱོད་ཀྱིས་ཀྱང་མི་ཤེས་སོ། །དེ་ཅིའི་ཕྱིར་ཞེ་ན། ཀུན་དགའ་བོ་ཆོས་ཀྱི་སྒོའི་མདོ་འདི་ལ་ནི་ཉན་ཐོས་དང་། རང་སངས་རྒྱས་ཀྱི་ཐེག་པ་ཅན་རྣམས་ཡིད་ཆེས་པར་མི་འགྱུར་རོ། །ཀུན་དགའ་བོ་དེ་ལྟ་བས་ན་རྒྱུ་དེས་
D222.063.0087b04.01ན་གང་གི་ཚེ་ཡུལ་ཀོ་ས་ལའི་རྒྱལ་པོ་གཡུལ་འགྱེད་པའི་དུས་སུ་རྒྱལ་པོ་རྔ་བོ་ཆེའི་སྒྲ་འབྱིན་པ་ཇི་ལྟ་བ་དེ་བཞིན་དུ་རྔ་བོ་ཆེ་ཆེན་པོའི་མདོ་འདི་ཡང་སངས་རྒྱས་ཀྱི་གསང་བ་ཡིན་ཏེ། སངས་རྒྱས་པའི་དུས་སུ་གསུང་བར་འགྱུར་རོ། །དེ་ནས་དེ་ན་བཅོམ་ལྡན་འདས་ཀྱིས་གནས་བརྟན་འོད་སྲུང་ཆེན་པོ་
D222.063.0087b05.01ལ་བོས་ཏེ། བོས་ནས་འདི་སྐད་ཅེས་བཀའ་སྩལ་ཏོ། །འོད་སྲུང་ཅི་དགེ་སློང་འདི་དག་དད་པ་ཅན་ཚུལ་དང་འཐུན་པ། མཐུ་དང་ལྡན་པ་ཡིན་ནམ། གསོལ་པ། བཅོམ་ལྡན་འདས་དེའི་དོན་ཅི་ལགས། བཀའ་སྩལ་པ། འོད་སྲུང་སེམས་ཅན་སྦུན་པ་ལྟ་བུ་མ་ཡིན་པ་དེ་དག་རྔ་
D222.063.0087b06.01བོ་ཆེ་ཆེན་པོ་ཞེས་བྱ་བའི་མདོ་འདི་ཉན་པར་འགྱུར་རོ། །གསོལ་པ། བཅོམ་ལྡན་འདས་དེའི་སླད་དུ་གནས་བརྟན་མཽད་གལ་གྱི་བུ་ཆེན་པོ་ཡང་རང་ལ་སྨོད་པར་བགྱིད་ཅིང་། བཅོམ་ལྡན་འདས་ཇི་ལྟར་བདག་ཀྱང་གལ་ཏེ་དེ་འདྲ་བའི་དགེ་སློང་དག་མཆིས་ན་དེ་དག་གི་ནང་དུ་མཆིས་པ་མ་
D222.063.0087b07.01