完整藏文原文 · 德格版页 当前仅加载第 63 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱའོ། །དེ་བཞིན་དུ་གལ་ཏེ་ཁྱེད་ཐེག་པ་ཆེན་པོ་ལ་འཇུག་པའི་མཐུ་མེད་ན་ཡང་ཅི་སྟེ་དེ་འགོག །གཞན་ཡང་རྒྱལ་པོ་ནི་དབྱིག་དང་། གསེར་དང་། མུ་ཏིག་དང་། ནོར་བུ་དང་། བཻ་དཱུརྱ་དང་། མན་ཤེལ་དང་། བྱི་རུ་ལ་སོགས་པ་སྦྱིན་པར་གཏོང་ལ། བཀྲེན་པ་རྣམས་ནི་གཟར་
D222.063.0114a01.01བུ་གང་གི་ཁ་ཟས་སྦྱིན་པར་གཏོང་ངོ་། །གང་དག་མང་དུ་ཐོས་པ་ནི་ལུང་འཛིན་པར་བྱེད་ལ། བློ་ཞན་པ་ནི་རང་གི་སྤྱོད་ཡུལ་ཙམ་མོ། །གཞན་དག་ནི་གྲོང་ཁྱེར་ཆེན་པོའམ། དཔག་ཚད་མང་པོར་རྒྱུག་ལ་དེ་ལ་བྱིས་པ་དག་ནི་འདོམ་ཕྱེད་དུ་ཡང་རྒྱུག་མི་ནུས་ན། ཅི་དེ་ལ་བྱིས་པ་གཞོན་ནུས་འདི་ལྟར་ང་རྒྱུག་
D222.063.0114a02.01མ་ནུས་སོ་ཞེས་ཅི་དེ་ལས་བརྡེག་པར་བྱ་བའམ། དེ་ལ་སུས་ཉེས། འོད་སྲུང་གཞན་ཡང་གྲོང་གི་བུད་མེད་ནི་གྲོང་དུ་དགའ་ལ་གྲོང་ཁྱེར་མོ་ནི་གྲོང་ཁྱེར་ལ་དགའོ། །འོད་སྲུང་དེ་བཞིན་དུ་དེ་བཞིན་གཤེགས་པ་ཡང་སེམས་ཅན་རྣམས་ལ་སྣོད་ཇི་ལྟ་བ་བཞིན་ཆོས་སྟོན་ཏོ། །གཞན་ཡང་བཅོམ་ལྡན་འདས་ལ་
D222.063.0114a03.01འོད་སྲུང་ཆེན་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་ལ་ཆོས་ཞིག་ཞུ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། གང་ཞིག་གསོལ་པ། སེམས་ཅན་གྱི་ལྟ་བ་ལས་བརྩམས་ལགས་ན་སེམས་ཅན་གྱི་ལྟ་བ་ཅི་ལགས་ན། ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་
D222.063.0114a04.01སྩལ་པ། འོད་སྲུང་དཔེར་ན་ཡུལ་ཙམ་པ་ཞེས་བྱ་བའི་གྲོང་ཁྱེར་ཆེན་པོ་ནས་མི་འགའ་ཞིག་མཉན་ཡོད་ཀྱི་གྲོང་ཁྱེར་དུ་ཆས་ཏེ། དེ་ཡང་མཉན་ཡོད་ཀྱི་གྲོང་ཁྱེར་ཆེན་པོ་དང་ཧ་ཅང་ཡང་མི་རིང་བའི་གྲོང་རྡལ་ཞིག་ཏུ་གནས་བཏབ་བོ།། །།དེ་ནས་དེས་འགྲོན་པོ་གཞན་ཞིག་ལ་དྲིས་པ། ཀྱེ་མི་མཉན་ཡོད་ན་
D222.063.0114a05.01ཡུལ་ལོག་མ་པ་རྣམས་ཇི་ལྟར་གནས། དེ་ན་ཁྱིམའམ། བཀད་སའམ། འགྲོན་གནས་པ་གནས་པའི་བུད་མེད་རྙེད་པར་འགྱུར་རམ། དེ་ནས་མི་དེ་ཐབས་མཁས་ཤིང་ཕ་རོལ་གྱི་སེམས་ཤེས་པས་ལྷའི་མིག་གིས་དེ་འོང་བ་ལ་བརྟགས་ན་དེ་ནས་དེས་རིག་སྟེ། ངན་པ་འདི་ནི་རང་གི་མ་དཀའ་བར་བྱེད་
D222.063.0114a06.01པ་བླ་མ་དམ་པ་ཡོངས་སུ་སྤངས་ཏེ། {བརྫུན་,རྫུན་}ཅན་གྱི་བུ་ཞིག་གི་ཚིག་མཉན་ནས་བདག་མཉན་ཡོད་དུ་སོང་སྟེ། སྨད་འཚོང་མ་དང་ལྷན་ཅིག་རྩེ་བར་བྱའོ་སྙམ་ནས་འདིར་འོངས་སོ་སྙམ་པ་སེམས་ནས་དེ་ནས་དེས་མི་དེ་ལ་འདི་སྐད་ཅེས་སྨྲས་སོ། །ཀྱེ་མི་ལམ་ནས་སླར་མྱུར་དུ་ལོག་ན་ལེགས་ཏེ། ཡུལ་ལོག་མ་པ་
D222.063.0114a07.01