完整藏文原文 · 德格版页 当前仅加载第 63 函德格 121a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་མེད་པར་སྤྱོད་པ་དེ་ཀུན་ནི། །བསྟན་པ་འདི་ལ་རྩྭ་དང་འདྲ་བར་གཟུང་། །བསྟན་པ་ལ་ནི་ངེས་པའི་དོན། །དེ་ལྟར་རབ་ཏུ་བསྔགས་པ་ཡི། །སྤྱོད་པ་སྤུ་གྲིའི་སོ་ལྟ་བུར། །རྣོ་བའི་མཆོག་ནི་སྤྱད་པར་གྱིས། །དེའི་ཕྱིར་རྔ་བོ་ཆེ་ཆེན་པོའི་མདོས་བསྒྲགས་སོ། །རྔ་བོ་ཆེ་ཆེན་པོའི་མདོས་
D222.063.0121a01.01ཅི་ཞིག་བསྒྲགས་ཞེ་ན། ཚིགས་སུ་བཅད་པ་དེའི་དོན་གང་ཡིན་པ་དེ་འདིར་རྔ་བོ་ཆེ་ཆེན་པོའི་མདོ་ལས་སྨོས་པས་དེས་ན་མདོ་ཆེན་པོ་འདི་ནི་རྔ་བོ་ཆེ་ཆེན་པོ་ཞེས་བྱའོ། །དེ་ནས་ཇི་ལྟར་ལྷགས་པའི་འཁོར་དེ་ཐམས་ཅད་ཀྱིས་ལེགས་སོ་ཞེས་བྱ་བ་བྱིན་ཏེ། ཀྱེ་མ་གཞོན་ནུ་འཇིག་རྟེན་ཐམས་ཅད་ཀྱིས་མཐོང་
D222.063.0121a02.01ན་དགའ་བ་མཁས་པ་ཇི་ལྟར་རྒྱལ་པོ་གསལ་རྒྱལ་འགྲོ་བ་ལ་ཕན་པའི་དོན་དུ་གཡུལ་ངོར་རྔ་བོ་ཆེ་སྒྲ་འབྱིན་པ་དེ་བཞིན་དུ་རྔ་བོ་ཆེ་ཆེན་པོའི་མདོ་འདི་བསྒྲགས་པ་ན་འགྲོ་བ་ལ་དཀོན་མཆོག་གསུམ་གྱི་བསྔགས་པའི་སྒྲ་བརྗོད་པའི་ཚུལ་གྱིས་སངས་རྒྱས་ཀྱི་གསུང་བ་འདི་ལྟ་སྟེ། དེ་བཞིན་གཤེགས་པ་རྟག་པ།
D222.063.0121a03.01བརྟན་པ། ཞི་བ། ཐེར་ཟུག་པའོ་ཞེས་སངས་རྒྱས་ཀྱི་གསང་བ་འདི་སྒྲོགས་སོ། །དེ་ནས་བཅོམ་ལྡན་འདས་ཀྱིས་ཡང་འོད་སྲུང་ཆེན་པོ་ལ་བཀའ་སྩལ་པ། འོད་སྲུང་ཁྱོད་ཀྱིས་གང་གི་ཚེ་བདུད་བསྟན་པར་མི་ནུས་པ་དེའི་ཚེ་འོད་སྲུང་ཁྱོད་ཀྱིས་རྔ་བོ་ཆེ་ཆེན་པོའི་མདོ་འདི་ཉོན་ལ་ང་འདས་ནས་ལོ་བཞི་བཅུའི་བར་དུ་ཇི་ལྟར་ད་ལྟར་
D222.063.0121a04.01གནས་པ་བཞིན་དུ་དམ་པའི་ཆོས་ཟུང་ཤིག །ཆོས་ཆེན་པོའི་རྔ་བོ་ཆེ་རྡུངས་ཤིག །ཆོས་ཆེན་པོའི་རྔ་བོ་ཆེ་དང་། དུང་སྒྲོགས་ཤིག །དེའི་འོག་ཏུ་ལོ་བརྒྱད་ཅུ་ན་དམ་པའི་ཆོས་རབ་ཏུ་རྣམ་པར་འཇིག་པར་འགྱུར་བ་དེའི་ཚེ་དེའི་དུས་སུ་གཞོན་ནུ་འཇིག་རྟེན་ཐམས་ཅད་ཀྱིས་མཐོང་ན་དགའ་བས་དེའི་ཚེ་ཐོག་མར་བདུད་
D222.063.0121a05.01ཀྱིས་བསྒྱུར་བའི་སེམས་ཅན་སྐྲ་དང་ཁ་སྤུ་བྲེགས་པ་དག་གནས་པ་དང་། དེའི་ཚེ་གཞོན་ནུས་སྡིག་ཅན་འཁོར་དང་བཅས་པ། གཟུགས་དང་བཅས་པ་བཅིང་བ་ལྔས་བཅིངས་ནས་རི་བོ་བཞིན་དུ་སྟོན་པར་འགྱུར་ཞིང་རྔ་བོ་ཆེ་ཆེན་པོའི་མདོ་ལས་གསུངས་པའི་ཆོས་ཆེན་པོ་སྒྲོགས་པར་འགྱུར། ཆོས་ཆེན་པོའི་རྔ་བོ་ཆེ་
D222.063.0121a06.01རྡུང་བར་འགྱུར། ཆོས་ཆེན་པོའི་དུང་འབུད་པར་འགྱུར། ཆོས་ཀྱི་མཆོད་སྦྱིན་བྱེད་པར་འགྱུར། ཆོས་ཀྱི་རྒྱལ་མཚན་འཛུགས་པར་འགྱུར་རོ། །གསོལ་པ། ནམ་ཞིག་ན་ལགས། བཀའ་སྩལ་པ། གང་གི་ཚེ་ལོ་བརྒྱད་ཅུ་ན་བསྟན་པ་ཉམས་པར་འགྱུར་བ་དེའི་ཚེ་ནའོ། །གསོལ་པ། བཅོམ་ལྡན་འདས་བདག་
D222.063.0121a07.01