完整藏文原文 · 德格版页 当前仅加载第 1 函德格 307a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཡུལ་གྱི་མཐའ་གང་ན་བ་དེར་ཆས་ཏེ། རིམ་གྱིས་རྒྱུ་ཞིང་སོང་བ་ན་གྲོ་བཞིན་སྐྱེས་གནས་པའི་ཡུལ་གྱི་མཐར་ཕྱིན་ཏོ། །དེ་ནས་ཚེ་དང་ལྡན་པ་གང་པོ་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ། གྲོ་བཞིན་སྐྱེས་གནས་
D1.001.0307a01.01པའི་མཐར་བསོད་སྙོམས་ལ་ཞུགས་པ་རྔོན་པ་ཞིག་མདའ་གཞུ་ལག་ན་ཐོགས་ཏེ་{རི་དགས་,རི་དྭགས་}གཤོར་དུ་འགྲོ་བ་དེས་མཐོང་ནས་དེས་བསམས་པ། དགེ་སྦྱོང་མགོ་རེག་འདི་མཐོང་བ་ནི་ཁ་རྗེ་མ་རུང་བར་བྱས་སོ་སྙམ་དུ་བསམས་ནས་གཞུ་རྣ་དྲུང་དུ་བཀང་སྟེ། ཚེ་དང་ལྡན་
D1.001.0307a02.01པ་གང་པོ་གང་ན་བ་དེར་བརྒྱུགས་པ་དང་། དེ་ནས་ཚེ་དང་ལྡན་པ་གང་པོས་དེ་མཐོང་ངོ་། །མཐོང་ནས་ཀྱང་བླ་གོས་བསྙིལ་ཏེ་སྨྲས་པ། །བཞིན་{བཟངས་,བཟང་}དགང་དཀའ་བ་འདིའི་དོན་དུ་ཞུགས་པས་འདི་ལ་སྣུན་ཅིག །ཚིགས་སུ་བཅད་དེ་སྨྲས་པ། གང་གི་དོན་དུ་
D1.001.0307a03.01མཁའ་ལ་བྱ་རྒྱུ་{རི་དགས་,རི་དྭགས་}རྙིས་ཟིན་གྱུར། །གཡུལ་ངོར་མདའ་མདུང་མདའ་བོ་ཆེ་ཐོགས་མི་རྣམས་འཆི་འགྱུར་ལ། །བཀྲེན་པ་ཉོན་མོངས་ཡུལ་ངན་རྒྱུ་ཞིང་མཆིལ་པས་ཉ་ཟིན་པ། །སྡིག་པ་རབ་མང་ལྟོ་འདིར་ཁྱོད་ཀྱིས་འཚམ་རིམས་མདའ་འཕོངས་ཤིག །
D1.001.0307a04.01དེས་བསམས་པ། རབ་ཏུ་བྱུང་བ་འདི་ནི་འདི་ལྟ་བུའི་བཟོད་པ་དང་དེས་པ་དང་ལྡན་པ་ཡིན་ན། ཅིའི་ཕྱིར་འདི་ལ་མདའ་འཕང་སྙམ་དུ་བསམས་ནས་དེ་སེམས་མངོན་པར་དད་པར་གྱུར་ཏོ། །དེ་ནས་ཚེ་དང་ལྡན་པ་གང་པོས་དེ་ལ་ཆོས་བཤད་དེ། སྐྱབས་སུ་འགྲོ་བ་
D1.001.0307a05.01དང་། བསླབ་པའི་གཞི་རྣམས་ལ་བཞག་པ་དང་། དེས་རི་ཁྲོད་པ་གཞན་ལྔ་བརྒྱ་ནི་དགེ་བསྙེན་བྱས། ལྔ་བརྒྱ་ནི་དགེ་བསྙེན་མར་བྱས་ནས་གཙུག་ལག་ལྔ་བརྒྱ་རྩིག་ཏུ་བཅུག་སྟེ། ཁྲི་དང་། ཁྲིའུ་དང་། སྟན་ནང་ཚངས་ཅན་དང་། སྔས་ནང་ཚངས་ཅན་དང་།
D1.001.0307a06.01གོར་ཐབས་བརྒྱ་ཕྲག་དུ་མ་འབུལ་དུ་བཅུག་གོ། །ཟླ་བ་གསུམ་པོ་དེ་འདས་པ་དང་དེས་རིག་པ་གསུམ་ལུས་ཀྱིས་མངོན་སུམ་དུ་བྱས་ནས་དགྲ་བཅོམ་པར་གྱུར་ཏེ། ཁམས་གསུམ་གྱི་འདོད་ཆགས་དང་བྲལ་བ་ཞེས་བྱ་བ་ནས། དབང་པོ་དང་ཉེ་དབང་པོའི་ལྷ་དང་བཅས་
D1.001.0307a07.01