完整藏文原文 · 德格版页 当前仅加载第 1 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
མདོག་གསེར་འདྲ་བ། མགོ་གདུགས་ལྟ་བུ་ལག་པ་རིང་བ། དཔྲལ་བའི་དབྱེས་ཆེ་བ། སྨིན་མ་འཇར་བ། སྣའི་གཟངས་མཐོ་བ། རིན་པོ་ཆེས་སྤྲས་པའི་རྣ་ཆ་རྣ་བ་ལ་བཏགས་པའི་ཁྱེའུ་ཞིག་བཙས་སོ། །གནས་པ་ཞེས་བྱ་བའི་གྲོང་ན་རིན་པོ་ཆེ་དཔྱོད་པ་
D1.001.0253a01.01ཇི་སྙེད་ཅིག་གནས་པ་དེ་ཐམས་ཅད་ཁྱིམ་བདག་སྟོབས་ཀྱི་སྡེས་རིན་པོ་ཆེ་བརྟག་པའི་ཕྱིར་བཀུག་ནས་སྨྲས་པ། ཤེས་ལྡན་དག་རིན་པོ་ཆེ་རིན་ཐང་ཆོད་ཅིག །དེ་དག་གིས་སྨྲས་པ། རིན་པོ་ཆེའི་རིན་ཐང་གཅད་པར་མི་ནུས་སོ། །ཆོས་ཉིད་ཀྱིས་རིན་ཐང་གཅད་པར་མི་
D1.001.0253a02.01ནུས་པའི་རིན་པོ་ཆེ་གང་ཡིན་པ་དེ་ནི་བྱེ་བ་རི་བ་ཡིན་པས། དེ་དག་གིས་སྨྲས་པ། ཁྱིམ་བདག་རིན་པོ་ཆེ་འདི་ནི་བྱེ་བ་རིའོ། །དེའི་ཉེ་དུ་དག་འདུས་ཤིང་ལྷགས་ནས་ཉི་མ་བདུན་གསུམ་ཉི་ཤུ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས་མིང་འདོགས་པར་བྱེད་དེ། ཤེས་
D1.001.0253a03.01ལྡན་དག་ཁྱེའུའི་མིང་ཅིར་གདགས། གཉེན་དག་གིས་སྨྲས་པ། ཁྱེའུ་འདི་རིན་པོ་ཆེ་བྱེ་བ་རི་བས་སྤྲས་པའི་རྣ་ཆ་རྣ་བ་ལ་བཏགས་ཤིང་རྒྱུ་སྐར་གྲོ་བཞིན་ལ་བཙས་པས་ཁྱེའུའི་མིང་གྲོ་བཞིན་སྐྱེས་རྣ་བ་བྱེ་བ་རིར་གདགས་སོ་ཞེས་དེའི་མིང་གྲོ་བཞིན་སྐྱེས་རྣ་བ་བྱེ་བ་རིར་བཏགས་
D1.001.0253a04.01སོ། །གང་གི་ཉི་མ་ལ་གྲོ་བཞིན་སྐྱེས་རྣ་བ་བྱེ་བ་རི་བཙས་པ་དེའི་ཉི་མ་ལ་ཁྱིམ་བདག་སྟོབས་ཀྱི་སྡེའི་མངག་གཞུག་པའི་ཁྱེའུ་གཉིས་བཙས་ཏེ། དེས་གཅིག་གི་མིང་ནི་བྲན་ཞེས་བྱ་བར་བཏགས་སོ། །གཅིག་གི་མིང་ནི་སྐྱོང་བ་ཞེས་བྱ་བར་བཏགས་སོ། །གྲོ་བཞིན་
D1.001.0253a05.01སྐྱེས་རྣ་བ་བྱེ་བ་རི་མ་མ་བརྒྱད་ལ་རྗེས་སུ་གཏད་དེ། པང་ན་མཚོ་བའི་མ་མ་གཉིས་དང་། ནུ་མ་སྣུན་པའི་མ་མ་གཉིས་དང་། དྲི་མ་འཕྱི་བའི་མ་མ་གཉིས་དང་། རྩེན་གྲོགས་ཀྱི་མ་མ་གཉིས་ཏེ། མ་མ་བརྒྱད་ཀྱིས་དེ་འོ་མ་དང་། ཞོ་དང་། མར་སར་པ་དང་། ཞུན་མར་
D1.001.0253a06.01དང་། མར་གྱི་སྙིང་ཁུ་དང་། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད། སྐྱེད་པར་བྱེད་དེ། རྫིང་ན་གནས་པའི་པད་མ་བཞིན་དུ་མྱུར་དུ་སྐྱེད་པར་བྱེད་དོ། །དེ་གང་གི་ཚེ་ཆེན་པོར་གྱུར་པ་དེའི་ཚེ་ཡི་གེ་དང་། རྩིས་དང་། གྲངས་དང་། ལག་
D1.001.0253a07.01