'dul ba gzhi/
当前为德格木刻版 158b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 158b
- 可引用原文
- 7 行
- 全文规模
- 全经 17054 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 5 函第 1 函 · 德格 158b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ཇི་སྟེ་མི་འགྲུབ་ན་དེས་དགེ་སློང་དེ་ལ་མི་འདོད་བཞིན་དུ་གླེང་བར་མི་བྱ། མི་འདོད་བཞིན་དུ་དྲན་པར་མི་བྱའོ། །མི་འདོད་བཞིན་དུ་གླེང་བར་བྱེད། མི་འདོད་བཞིན་དུ་དྲན་པར་བྱེད་ན་འགལ་ཚབས་ཅན་དུ་འགྱུར་རོ། །འདི་ལྟ་སྟེ་གསོ་སྦྱོང་{བཅྭ་,བཅོ་}ལྔ་པ་དེ་ཉིད་ལ་དགེ་སློང་གློ་བུར་དུ་འོངས་པ་གཅིག་པུ་མ་གཏོགས་པ་དགེ་འདུན་ཐམས་ཅད་ལྟུང་བ་དང་བཅས་པར་གྱུར་ན། དགེ་སློང་དེ་དགེ་སློང་གཏམ་འདྲེས་པ་དང་། ཕེབས་པར་སྨྲ་བ་དང་། སྨོས་འདྲིན་དང་། འགྲོགས་བཤེས་གང་ཡིན་པ་དེའི་དྲུང་དུ་སོང་སྟེ་འདི་སྐད་ཅེས་བརྗོད་པར་བྱའོ། །ཚེ་དང་ལྡན་
པ་འདི་དང་འདི་ལྟར་བྱེད་པ་གང་ཡིན་པ་དེས་དེ་ལ་ཅིར་འགྱུར། ལྟུང་བ་དང་བཅས་པར་འགྱུར་རོ། །འོ་ན་ཚེ་དང་ལྡན་པས་ཀྱང་འདི་དང་འདི་ལྟར་བྱས་སམ་བྱས་སོ། །འོ་ན་ཚེ་དང་ལྡན་པ་ཡང་ལྟུང་བ་དང་བཅས་པ་ཡིན་ནོ། །ཚེ་དང་ལྡན་པ་ཁོ་བོ་གཅིག་པུར་མ་ཟད་ཀྱི་དགེ་འདུན་ཐམས་ཅད་དོན་དེ་དང་ལྡན་པ་ཡིན་ནོ། །ཀྱེ་ཚེ་དང་ལྡན་པ་ཇེ་ཁྱོད་རང་གི་ལྟུང་བ་ཆོས་བཞིན་དུ་ཕྱིར་གྱིས་ཤིག །དགེ་འདུན་ཐམས་ཅད་ཀྱིས་ཁྱོད་ལ་ཅིར་འགྱུར་ཞེས་བརྗོད་པར་བྱའོ། །གལ་ཏེ་འཆགས་ན་དེས་དེ་གང་དུ་དགེ་སློང་གཞན་དག་ཀྱང་མཐོང་ན་འཆགས་པར་འགྱུར་བའི་སྣང་བའི་
ཕྱོགས་སུ་བཞག་སྟེ་འཆགས་སུ་གཞུག་པར་བྱའོ། །གལ་ཏེ་འགྲུབ་ན་དེ་ལྟ་ན་ལེགས། ཇི་སྟེ་མི་འགྲུབ་ན་དེས་དགེ་སློང་ལ་མི་འདོད་བཞིན་དུ་གླེང་བར་མི་བྱ། མི་འདོད་བཞིན་དུ་དྲན་པར་མི་བྱའོ། །མི་འདོད་བཞིན་དུ་གླེང་བར་བྱེད། མི་འདོད་བཞིན་དུ་དྲན་པར་བྱེད་ན་འགལ་ཚབས་ཅན་དུ་འགྱུར་རོ།། །།སྡོམ་ལ། སྦྱར་བ་མང་དང་མི་མཐུན་དང་། །རྣམ་པ་དང་ནི་འགྲོ་བ་དང་། །ཡོངས་སུ་དག་པའི་གསོ་སྦྱོང་ངོ་། །འདི་ལྟ་སྟེ་གསོ་སྦྱོང་{བཅྭ་,བཅོ་}ལྔ་པ་དེ་ཉིད་ལ་དགེ་སློང་གཉུག་མར་གནས་པ་བཞིའམ་ལྷག་པ་དག་འདུག་ཅིང་མཐུན་པར་གྱུར་པ་ན་དེ་
དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ་གསོ་སྦྱོང་བྱ་ཞིང་སོ་སོར་ཐར་པའི་མདོ་འདོན་པ་གདོན་དུ་རུང་ངོ་སྙམ་ནས་རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D1
- 德格版页
- 158b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0001 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。