完整藏文原文 · 德格版页 当前仅加载第 1 函德格 132b 版页；藏文 NFD、目录标记与异常页序保留在来源切片中，重复版页行以稳定序号区分。
སྩལ་པ། སྤྱོད་ཡུལ་དུ་ཞུགས་པས་རྣལ་འབྱོར་བསྒོམ་པར་མི་བྱའོ། །དེ་དག་སྒོ་ཁང་དུ་རྣལ་འབྱོར་སྒོམ་པར་བྱེད་པ་ན་ཡུར་ནས་མ་དད་པ་རྣམས་འཕགས་པ་དག་ཅི་ཁྱེད་འདུ་བར་ཉལ་བའི་བརྟུལ་ཞུགས་ཅན་ཡིན་ནམ་ཞེས་ཅོ་འདྲི་བར་བྱེད་པའི་སྐབས་དེ་བཅོམ་ལྡན་འདས་ལ་དགེ་
D1.001.0132b01.01སློང་རྣམས་ཀྱིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྒོ་ཁང་དུ་རྣལ་འབྱོར་བསྒོམ་པར་མི་བྱའོ། །དེ་དག་ཁྱམས་སུ་སྒོམ་པར་བྱེད་པ་ན་ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཁྱམས་སུ་རྣལ་འབྱོར་བསྒོམ་པར་
D1.001.0132b02.01མི་བྱའོ། །དེ་དག་གནས་ཁང་དུ་སྒོམ་པར་བྱེད་པ་ན་བསམ་གཏན་དག་གི་ཚེར་མ་ནི་སྒྲ་ཡིན་པས་སེམས་རྩེ་གཅིག་པ་ཉིད་ཀྱང་མི་ཐོབ་པའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གནས་ཁང་དུ་རྣལ་
D1.001.0132b03.01འབྱོར་བསྒོམ་པར་མི་བྱའོ། །དེ་དག་དགོན་པར་དོང་སྟེ་སྒོམ་པར་བྱེད་པ་ན་ཆོམ་རྐུན་པ་རྣམས་དང་། གཡོན་ཅན་རྣམས་དང་། སེང་གེ་རྣམས་དང་། སྟག་རྣམས་དང་། གུང་རྣམས་དང་། གཟིག་རྣམས་ཀྱིས་བགྲོད་པར་གྱུར་པའི་སྐབས་དེ་བཅོམ་ལྡན་འདས་ལ་དགེ་
D1.001.0132b04.01སློང་རྣམས་ཀྱིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགོན་པར་རྣལ་འབྱོར་བསྒོམ་པར་མི་བྱའོ། །དེ་དག་གྲོང་དང་ཉེ་བར་ལྷགས་ནས་སྒོམ་པར་བྱེད་པ་ན་མ་དད་པ་རྣམས་འཕགས་པ་དག་ཅི་ཁྱེད་ཅག་འགའ་ཞིག་ཤི་བ་དང་ལྡན་པར་མ་གྱུར་ཏམ་ཞེས་
D1.001.0132b05.01ཅོ་འདྲི་བར་བྱེད་པའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཕྱོགས་དེ་ཡལ་ག་དག་གམ། སེག་དག་དང་། རེ་ལྡེ་དག་གིས་བསྐོར་བར་བྱའོ། །དེ་དག་གིས་ཕྱོགས་ཡལ་ག་དག་གམ། སེག་
D1.001.0132b06.01དག་གམ། རེ་ལྡེ་དག་གིས་བསྐོར་བ་དང་མ་དད་པ་རྣམས་འཕགས་པ་དག་ཅི་འདི་རྒྱལ་མོ་ག་གོན་གྱི་ར་བའམ། ལ་ཕུག་གི་ར་བའམ་ཞེས་ཅོ་འདྲི་བར་བྱེད་པའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་བ་དང་། བཅོམ་ལྡན་འདས་ཀྱིས་བཀའ་སྩལ་པ།
D1.001.0132b07.01