完整藏文原文 · 德格版页 当前仅加载第 1 函德格 285a 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་ཞིག་ཡོད་པ་དེ་ལ་སྨན་པས་ཤ་ཁུ་འཐུང་ཤིག་ཅེས་བསྟན་ཏོ། །དེ་ནས་ཁྱིམ་བདག་སྡེ་ཆེན་དགེ་སློང་དེ་གང་ན་བ་དེར་སོང་སྟེ་ཕྱིན་ནས་རྐང་པ་གཉིས་ལ་མགོ་བོས་ཕྱག་བྱས་ཏེ་དྲིས་པ། འཕགས་པ་སྨན་པས་ཅི་བསྟན། དེས་སྨྲས་པ། ཤ་ཁུ་འཐུང་
D1.001.0285a01.01ཤིག་ལོ། །དེ་ནས་ཁྱིམ་བདག་སྡེ་ཆེན་རང་གི་ཁྱིམ་དུ་སོང་སྟེ་ཆུང་མ་ལ་སྨྲས་པ། སློབ་དཔོན་ཆེ་གེ་མོ་ཞེས་བྱ་བ་ལ་སྨན་པས་ཤ་ཁུ་འཐུང་ཤིག་ཅེས་བསྟན་གྱིས་སྦྱོར་ལ་སྐུར་ཅིག །དེས་བུ་མོ་ཞིག་ལ་རིན་བསྐུར་ནས་ཚོང་དུས་སུ་བཏང་བ་ལས། དེའི་ཉིན་མོ་རྒྱལ་པོའི་སྲས་
D1.001.0285a02.01བལྟམ་ནས། དེས་དྲིལ་སྒྲོགས་སུ་བཅུག་པ། སུས་ཀྱང་སྲོག་གཅད་པར་མི་བྱའོ། །གང་ཞིག་སྲོག་བཅད་ན་ཆད་པས་ཆོད་པར་བཅད་དོ་ཞེས་བསྒོའོ། །དེ་ནས་རིན་གྱིས་ཀྱང་ཚོང་དུས་སུ་ཤ་མ་རྙེད་ནས། དེ་ནས་བུ་མོ་དེས་དེ་ལྟར་གྱུར་པ་དག་ཁྱིམ་བདག་སྡེ་ཆེན་ལ་རྒྱས་པར་བརྗོད་
D1.001.0285a03.01པ་དང་། ཁྱིམ་བདག་སྡེ་ཆེན་གྱི་ཆུང་མས་བསམས་པ། སངས་རྒྱས་ལ་སོགས་པ་དགེ་སློང་གི་དགེ་འདུན་ལ་བདག་ཅག་གི་ཡོ་བྱད་ཐམས་ཅད་ཀྱིས་བསྟབས་ན། གལ་ཏེ་དགེ་སློང་ཞིག་སྨན་མེད་པས་ཤི་བར་གྱུར་ན་མ་ལེགས་སོ་ཞེས་དེ་སྙམ་དུ་དཔྱད་ནས། གྲི་རྣོན་པོ་
D1.001.0285a04.01བླངས་ཏེ་ཁྱིམ་དུ་ཞུགས་ནས་བརླའི་ཤ་ལས་བཅད་དེ་བུ་མོ་ལ་བྱིན་ནས་བུ་ཤ་འདི་ཁུ་བར་བྱོས་ལ་འཕགས་པ་ཆེ་གེ་མོ་ཞེས་བྱ་བའི་དྲུང་དུ་ཁྱེར་ཅིག །དེས་དེ་ཁྱེར་ནས་དགེ་སློང་གི་ལོངས་སྤྱད་པ་ལས་སོས་པར་གྱུར་ཏོ།། །།འདུལ་བ་གཞི། བམ་པོ་ཉི་ཤུ་
D1.001.0285a05.01གསུམ་པ། དགེ་སློང་དེས་འདི་ལྟར་བདག་ལ་ཁྱིམ་བདག་གི་ཆུང་མ་འདིས་རང་གི་ཤས་བསྙེན་བཀུར་བྱས་པར་རིག་ནས་དེ་འདི་སྙམ་དུ་སེམས་ཏེ། བདག་དད་པས་བྱིན་པ་ལོངས་སྤྱད་ནས་གློས་ཕབ་སྟེ་འདུག་པ་ནི་རིགས་པ་མ་ཡིན་གྱི། མ་ལ་བདག་གིས་མ་ཐོབ་པ་ཐོབ་པར་བྱ་
D1.001.0285a06.01བ་དང་། མ་རྟོགས་པ་རྟོགས་པར་བྱ་བ་དང་། མངོན་སུམ་དུ་མ་བྱས་པ་མངོན་སུམ་དུ་བྱ་བའི་ཕྱིར་བརྩོན་པར་བྱའོ་སྙམ་ནས། དེ་བརྩོན་འགྲུས་བརྩམ་པར་བརྩམས་ཏེ། དེས་བརྩོན་པ་དང་། འབད་པ་དང་། བརྩལ་བ་བྱས་པས་འཁོར་བའི་འཁོར་ལོ་ཆ་ལྔ་པོ་
D1.001.0285a07.01