完整藏文原文 · 德格版页 当前仅加载第 1 函德格 279a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། གཞན་ཡང་མེ་ཏོག་གི་སྨན་གྱི་ནང་དུ་གཏོགས་པ་ཟས་ཀྱི་དོན་དུ་མི་འགྱུར་བ་གང་ཡིན་པའོ། །འབྲས་བུའི་སྨན་ནི་ཨ་རུ་ར་དང་། སྐྱུ་རུ་ར་དང་། བ་རུ་ར་དང་། ན་ལེ་ཤམ་དང་། པི་པི་ལིང་དང་། གཞན་ཡང་འབྲས་བུའི་སྨན་གྱི་ནང་དུ་
D1.001.0279a01.01གཏོགས་པ་ཟས་ཀྱི་དོན་དུ་མི་འགྱུར་བ་གང་ཡིན་པའོ། །ཏྲང་ཆུ་ལྔ་ནི་ཤིང་ཀུན་དང་། སྲ་རྩི་དང་། རྒྱ་སྐེགས་དང་། སྤྲ་ཚིལ་དང་། དྲོད་སྨན་ནོ། །དེ་ལ་ཤིང་ཀུན་ནི་ཤིང་ཀུན་གྱི་ཏྲང་ཆུའོ། །སྲ་རྩི་ནི་ཤིང་ས་ལའི་ཏྲང་ཆུའོ། །རྒྱ་སྐེགས་ནི་རྒྱ་སྐེགས་སོ། །སྤྲ་
D1.001.0279a02.01ཚིལ་ནི་སྤྲ་ཚིལ་ལོ། །དྲོད་སྨན་ནི་དེ་དག་ལས་གཞན་པའི་ཤིང་རྣམས་ཀྱི་ཏྲང་ཆུའོ། །ཐལ་བ་ལྔ་གང་ཞེ་ན། ནས་ཀྱི་ཐལ་བ་དང་། ནས་ཀྱི་ཕུབ་མའི་ཐལ་བ་དང་། ཤིང་སརྫི་ཀའི་ཐལ་བ་དང་། ཏིལ་གྱི་ཐལ་བ་དང་། ཤིང་འབའ་ཤིག་ཀའི་ཐལ་བའོ། །ལན་
D1.001.0279a03.01ཚྭ་ལྔ་གང་ཞེ་ན། རྒྱམ་ཚྭ་དང་། ལན་ཚྭ་སྨུག་པོ་དང་། ཁ་རུ་ཚྭ་དང་། ལན་ཚྭ་དང་། རྒྱ་མཚོའི་ལན་ཚྭའོ། །བསྐ་པ་ལྔ་གང་ཞེ་ན། ཨ་མྲའི་བསྐ་བ་དང་། ནིམ་པའི་བསྐ་བ་དང་། འཛམ་བུའི་བསྐ་བ་དང་། ཤ་རི་ཤའི་བསྐ་བ་དང་། ཀོ་ཤམ་པའི་བསྐ་བའོ། །དེ་
D1.001.0279a04.01ལ་དུས་སུ་རུང་བ་གང་ཡིན་པ་དང་། ཐུན་ཚོད་དུ་རུང་བ་གང་ཡིན་པ་དང་། ཞག་བདུན་པ་གང་ཡིན་པ་དང་། འཚོ་བའི་བར་དུ་བཅང་བ་གང་ཡིན་པ་དེ་དུས་སུ་རུང་བ་དང་འདྲེས་པར་གྱུར་ན་དུས་སུ་སྤྱད་པར་བྱའི་དུས་མ་ཡིན་པར་ལོངས་སྤྱད་པར་མི་བྱའོ། །དུས་སུ་རུང་བ་
D1.001.0279a05.01གང་ཡིན་པ་དང་། ཐུན་ཚོད་དུ་རུང་བ་གང་ཡིན་པ་དང་། ཞག་བདུན་པ་གང་ཡིན་པ་དང་། འཚོ་བའི་བར་དུ་བཅང་བ་གང་ཡིན་པ་དེ་གལ་ཏེ་ཐུན་ཚོད་དུ་རུང་བ་དང་འདྲེས་པར་གྱུར་ན་ཐུན་ཚོད་ལ་ཡོངས་སུ་སྤྱད་པར་བྱའི་ཐུན་ཚོད་ལས་འདས་པར་སྤྱད་པར་མི་བྱའོ། །ཞག་བདུན་པ་
D1.001.0279a06.01གང་ཡིན་པ་དང་། འཚོ་བའི་བར་དུ་བཅང་བ་གང་ཡིན་པ་དེ་ཞག་བདུན་པ་དང་འདྲེས་པར་གྱུར་ན་ཞག་བདུན་སྤྱད་པར་བྱའི་ཞག་བདུན་ལས་འདས་པར་སྤྱད་པར་མི་བྱའོ། །འཚོ་བའི་བར་དུ་བཅང་བ་ནི་འཚོ་བའི་བར་དུ་བཅང་བར་བྱིན་གྱིས་བརླབས་ནས་ཡོངས་སུ་སྤྱད་
D1.001.0279a07.01