完整藏文原文 · 德格版页 当前仅加载第 1 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
མིང་འདི་ཞེས་བགྱི་བ་འདི་དགེ་འདུན་ལ་དགག་དབྱེ་བགྱིད་པར་བསྐོས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །ངས་དགག་དབྱེ་བྱེད་པའི་དགེ་སློང་གི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དགག་དབྱེ་བྱེད་པའི་དགེ་སློང་གིས་
D1.001.0224a01.01དགེ་འདུན་གྱི་ཆེད་དུ་འཇག་མ་དག་ཉེ་བར་གཞག་པར་བྱ་སྟེ། དེའི་འོག་ཏུ་བྲིམ་པར་བྱའོ། །གལ་ཏེ་གཅིག་པུ་ཞིག་ཡིན་ན། དེས་རྒན་རིམས་ཀྱི་མཐའ་ནས་བཟུང་སྟེ་གཞོན་རིམས་ཀྱི་མཐའི་བར་དུ་བྲིམ་པར་བྱའོ། །ཇི་སྟེ་གཉིས་ཡོད་ན་གཅིག་གིས་རྒན་རིམས་ཀྱི་
D1.001.0224a02.01མཐའ་ནས་བྲིམ་པར་བྱའོ། །ཅིག་ཤོས་ཀྱིས་ནི་གཞོན་རིམས་ཀྱི་མཐའ་ནས་སོ། །འོན་ཏེ་མང་པོ་ཞིག་ཡོད་ན་གཅིག་གིས་ནི་རྒན་རིམས་ཀྱི་མཐའ་ནས་བྲིམ་པར་བྱའོ། །གཅིག་གིས་ནི་དབུས་ནས་སོ། །གཅིག་གིས་ནི་གཞོན་རིམས་ཀྱི་མཐའ་ནས་སོ། །དེའི་འོག་ཏུ་
D1.001.0224a03.01དགེ་འདུན་གྱི་གནས་བརྟན་གྱིས་གསོལ་བ་འབའ་ཞིག་གིས་ལས་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དེང་དགེ་འདུན་གྱི་དགག་དབྱེ་བཅོ་ལྔ་པ་ལགས་ཏེ། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང་།
D1.001.0224a04.01དེང་དགེ་འདུན་གྱིས་དགག་དབྱེ་མཛད་དོ། །འདི་ནི་གསོལ་བའོ། །དེ་ནས་དགག་དབྱེ་བྱེད་པའི་དགེ་སློང་གིས་དགེ་འདུན་གྱི་གནས་བརྟན་གྱི་མདུན་དུ་འགྲེང་བར་བྱ་སྟེ། དགེ་འདུན་གྱི་གནས་བརྟན་གྱིས་འདི་སྐད་ཅེས། དགེ་འདུན་བཙུན་པ་རྣམས་གསན་དུ་གསོལ།
D1.001.0224a05.01དེང་དགེ་འདུན་གྱི་དགག་དབྱེ་བཅོ་ལྔ་པ་ལགས་ཏེ། བདག་དགེ་སློང་མིང་འདི་ཞེས་བགྱི་བའི་དགག་དབྱེ་ཡང་བཅོ་ལྔ་པ་ལགས་ན། བདག་དགེ་སློང་མིང་འདི་ཞེས་བགྱི་བ་དགེ་འདུན་བཙུན་པ་རྣམས་ལ་མཐོང་བ་དང་། ཐོས་པ་དང་། དོགས་པའི་གནས་གསུམ་གྱིས་དགག་
D1.001.0224a06.01དབྱེ་བགྱིད་ཀྱིས། ཚེ་དང་ལྡན་པ་རྣམས་ཀྱིས་བདག་ལ་གདམས་སུ་གསོལ། ཚེ་དང་ལྡན་པ་རྣམས་ཀྱིས་བདག་ལ་རྗེས་སུ་བསྟན་དུ་གསོལ། ཚེ་དང་ལྡན་པ་རྣམས་ཀྱིས་བདག་རྗེས་སུ་གཟུང་དུ་གསོལ། ཚེ་དང་ལྡན་པ་རྣམས་ཀྱིས་ཐུགས་བརྩེ་བ་ཉེ་བར་བཟུང་སྟེ། བདག་
D1.001.0224a07.01