完整藏文原文 · 德格版页 当前仅加载第 1 函德格 255b 版页；藏文 NFD、目录标记与异常页序保留在来源切片中，重复版页行以稳定序号区分。
མི་བྱའོ་ཞེས་དེ་རྣམས་ཀྱིས་ནང་ཁྲིམས་སུ་བཅའ་བ་དག་བྱས་ནས་དོང་ངོ་། །གྲོ་བཞིན་སྐྱེས་རྣ་བ་བྱེ་བ་རི་བའི་ཕ་མས་གྲོ་བཞིན་སྐྱེས་རྣ་བ་བྱེ་བ་རི་འོངས་སོ་ཞེས་ཐོས་ནས་དེ་གཉིས་བསུར་དོང་ནས། དེད་དཔོན་ག་རེ་སྔར་སོང་ངོ་། །དེ་གཉིས་སྔོན་དུ་སོང་ནས་དེད་དཔོན་
D1.001.0255b01.01ག་རེ་ཞེས་དྲིས་པ་དང་མཇུག་ནས་འོང་ངོ་། །མཇུག་ཏུ་དོང་ནས་དེད་དཔོན་ག་རེ་ཞེས་དྲིས་པ་དང་བར་ནས་སོང་ངོ་ཞེས་རྫས་རྣམས་བྲུབས་ཀྱི་བར་དུ་མགོ་རྨོངས་སུ་བཅུག་ནས། དེའི་འོག་ཏུ་སྨྲས་པ། ཡབ་ཡུམ་བདག་ཅག་གིས་དེད་དཔོན་བརྗེད་དོ། །དེ་
D1.001.0255b02.01གཉིས་ཀྱི་དྲུང་དུ་གཅིག་ཅིག་འོངས་ནས་ཡབ་ཡུམ་གྲོ་བཞིན་སྐྱེས་རྣ་བ་བྱེ་བ་རི་མཆིས་སོ་ཞེས་སྨྲས་པ་དང་། དེ་དག་གིས་དེ་ལ་རྔན་པ་བྱིན་ནས་བསུར་དོང་ནས་མ་མཐོང་ངོ་། །ཡང་གཞན་ཞིག་འོངས་ནས་ཡབ་ཡུམ་གྲོ་བཞིན་སྐྱེས་རྣ་བ་བྱེ་བ་རི་མཆིས་སོ་ཞེས་
D1.001.0255b03.01སྨྲས་པ་དང་། དེ་དག་གིས་དེ་ལ་རྔན་པ་བྱིན་ནས་བསུར་དོང་ན་ཅང་མ་མཐོང་སྟེ། དེ་ལྟར་སུ་ལ་ཡང་ཡིད་མི་ཆེས་སོ། །དེ་གཉིས་ཀྱིས་སྐྱེད་མོས་ཚལ་དང་། ལྷ་ཁང་དང་། འདུན་ཁང་རྣམས་སུ་གདུགས་དང་། དྲིལ་བུ་དང་། རྔ་ཡབ་རྣམས་ཕུལ་ནས་
D1.001.0255b04.01གལ་ཏེ་གྲོ་བཞིན་སྐྱེས་རྣ་བ་བྱེ་བ་རི་གསོན་པར་གྱུར་ན་མྱུར་དུ་འོང་བ་དང་། ལ་གོར་འོང་བར་གྱུར་ཅིག །གལ་ཏེ་དུས་ལས་འདས་ཏེ་ཤི་འཕོས་པར་གྱུར་ན་འགྲོ་བའི་གནས་གནས་ཁྱད་པར་ཅན་དུ་སྐྱེ་བར་གྱུར་ཅིག་ཅེས་ཡི་གེར་བྲིས་སོ། །དེ་གཉིས་ནི་མྱ་ངན་དང་
D1.001.0255b05.01ངུད་མོས་ལོང་བར་གྱུར་ཏོ། །དེ་ཡང་ཉི་མ་འཆར་ཀའི་ཚེ་ཉི་མའི་ཟེར་གྱིས་ཕོག་ནས་སང་ན་དེ་ན་བོང་བུ་གཉིས་འདུག་པ་མ་གཏོགས་པར་ཚོང་པ་གང་ཡང་མ་མཐོང་ངོ་། །དེས་དེ་གཉིས་སྦྲེལ་ཏེ་དེད་དེ་སོང་བ་ན་རླུང་ལངས་པས་ལམ་བྱེ་མས་ཡོག་པ་བོང་བུ་དྲན་པ་དང་
D1.001.0255b06.01ལྡན་པས་ལམ་སྣས་སྣོམ་ཞིང་དལ་གྱིས་སོང་བ་དང་། དེས་ལྕག་གཟེར་བུ་ཅན་གྱིས་གཞུས་ཤིང་དེད་པ་ལས་དེ་གཉིས་ཀྱི་དྲན་པ་འཁྲུགས་ནས་ཤིང་སཱ་ལའི་དགོན་པ་ཞིག་ཏུ་ཕྱིན་ཏོ། །དེ་གཉིས་སྐོམ་པས་སྲོ་ཤི་ཞིང་ལྕེ་ཕྱུང་སྟེ་ཕན་ཚུན་འཐོམ་པ་དེས་མཐོང་ནས་
D1.001.0255b07.01