完整藏文原文 · 德格版页 当前仅加载第 1 函德格 278a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་སྟོན་ཀའི་ནད་ཀྱིས་ཐེབས་ཏེ། དེ་རྣམས་སྟོན་ཀའི་ནད་ཀྱིས་བཏབ་པས་སྐྱ་བོ་བསེང་བསེང་པོར་གྱུར་ཅིང་རིད་པ་དང་། ཉམ་ཆུང་བ་དང་། ན་བས་ཉམ་དམས་པར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པ་སྟེ།
D1.001.0278a01.01སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ་ཅིའི་ཕྱིར་ད་ལྟར་དགེ་སློང་འདི་རྣམས་སྐྱ་བོ་བསེང་བསེང་པོར་གྱུར་ཅིང་རིད་པ་དང་། ཉམ་ཆུང་བ་དང་། ན་བས་ཉམ་དམས་པར་གྱུར་ཚེ་དང་ལྡན་པ་ཀུན་དགའ་བོས་གསོལ་པ། བཙུན་པ་
D1.001.0278a02.01དགེ་སློང་འདི་རྣམས་སྟོན་ཀའི་བྲོ་ནད་ཀྱིས་བཏབ་སྟེ། འདི་རྣམས་སྟོན་ཀའི་བྲོ་ནད་ཀྱིས་བཏབ་པས་སྐྱ་བོ་བསེང་བསེང་པོར་གྱུར་ཅིང་རིད་པ་དང་། ཉམ་ཆུང་བ་དང་། བྲོ་འཚལ་བས་ཉམ་དམས་པར་གྱུར་ཏོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེ་ལྟ་
D1.001.0278a03.01བས་ན་རྗེས་སུ་གནང་སྟེ། དགེ་སློང་གིས་སྨན་སོ་སོར་བསྟེན་པར་བྱའོ། །བཅོམ་ལྡན་འདས་ཀྱིས་དགེ་སློང་གིས་སྨན་སོ་སོར་བསྟེན་པར་བྱའོ། །ཞེས་གསུངས་པ་དང་། དེ་རྣམས་དུས་སུ་ཟ་བ་ཡིན་པས་དུས་སུ་སྟེན་པར་བྱེད་ཀྱིས། དུས་ལས་ཡོལ་བར་སྟེན་པར་མི་བྱེད་
D1.001.0278a04.01པས་དེ་རྣམས་སྐྱེ་བོ་བསེང་བསེང་པོར་གྱུར་ཅིང་རིད་པ་དང་། ཉམ་ཆུང་བ་དང་། ན་བས་ཉམ་དམས་པར་གྱུར་ཏོ། །སངས་རྒྱས་བཅོམ་ལྡན་འདས་ནི་མཁྱེན་བཞིན་དུ་རྨེད་པ་ཡིན་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་
D1.001.0278a05.01དགའ་བོ་ངས་དགེ་སློང་གིས་སྨན་སོ་སོར་བསྟེན་པར་བྱའོ་ཞེས་བཀའ་སྩལ་ན། འོན་ཀྱང་ད་ལྟར་དགེ་སློང་འདི་རྣམས་སྐྱ་བོ་བསེང་བསེང་པོར་གྱུར་ཅིང་རིད་པ་དང་། ཉམ་ཆུང་བ་དང་། ན་བས་ཉམ་དམས་པར་གྱུར་ཏམ། ཚེ་དང་ལྡན་པ་ཀུན་དགའ་བོས་གསོལ་པ། བཅོམ་ལྡན་
D1.001.0278a06.01འདས་ཀྱིས་དགེ་སློང་གིས་སྨན་སོ་སོར་བསྟེན་པར་བྱའོ་ཞེས་གསུངས་པ་འདི་དག་དུས་སུ་འཚལ་བ་ལགས་པས་དུས་སུ་སྟེན་པར་བགྱིད་ཀྱི་དུས་ལས་ཡོལ་བར་མི་སྟེན་ཏེ། དེའི་སླད་དུ་སྐྱ་བོ་བསེང་བསེང་པོར་གྱུར་ཅིང་རིད་པ་དང་། ཉམ་ཆུང་བ་དང་། བྲོ་འཚལ་བས་ཉམ་དམས་
D1.001.0278a07.01