完整藏文原文 · 德格版页 当前仅加载第 1 函德格 295a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཁྱིམ་བདག་དེའི་ཁྱིམ་ག་ལ་བ་དེར་དོང་ངོ་། །བཅོམ་ལྡན་འདས་ནི་བསོད་སྙོམས་བཞེས་ནས་རྫས་ཀྱིས་བསྒྲུབས་པའི་ཁྱིམ་ན་བཞུགས་སོ། །སངས་རྒྱས་བཅོམ་ལྡན་འདས་རྣམས་ནི་བསོད་སྙོམས་བཞེས་ནས་རྒྱུ་ལྔས་རྫས་ཀྱིས་བསྒྲུབས་པའི་
D1.001.0295a01.01ཁྱིམ་ན་བཞུགས་སོ། །ལྔ་གང་ཞེ་ན། ནད་པ་ལ་གཟིགས་པར་བཞེད་པ་དང་། གནས་མལ་ལ་གཟིགས་པར་བཞེད་པ་དང་། ནང་དུ་ཡང་དག་འཇོག་ལ་བཞུགས་པར་བཞེད་པ་དང་། ལྷ་རྣམས་ལ་ཆོས་སྟོན་པར་བཞེད་པ་དང་། ཉན་ཐོས་རྣམས་འདུལ་བ་
D1.001.0295a02.01ལ་བསླབ་པའི་གཞི་བཅའ་བར་བཞེད་པ་ཡིན་ནོ། །སྐབས་འདིར་ནི་བཅོམ་ལྡན་འདས་ཉན་ཐོས་རྣམས་འདུལ་བ་ལ་བསླབ་པའི་གཞི་བཅའ་བར་བཞེད་པས་བསོད་སྙོམས་བཞེས་ནས་རྫས་ཀྱིས་བསྒྲུབས་པའི་ཁྱིམ་ན་བཞུགས་སོ། །ཚེ་དང་ལྡན་པ་ཀུན་དགའ་བོ་ནི་
D1.001.0295a03.01བཅོམ་ལྡན་འདས་ཀྱི་བསོད་སྙོམས་ནོད་པ་ཡིན་ཏེ། ཇི་ཙམ་ན་དེར་འབྲས་ཆན་མ་ཚོས་པ་ཞིག་ཕོག་པ་དང་། དེ་ནས་ཚེ་དང་ལྡན་པ་ཀུན་དགའ་བོ་འདི་སྙམ་དུ་སེམས་ཏེ། བཅོམ་ལྡན་འདས་སྙུན་གདངས་ནས་རིང་པོ་མ་ལོན་ལ་འབྲས་ཆན་འདི་ཡང་མ་ཚོས་པ་ཞིག་པས་
D1.001.0295a04.01འདི་གལ་ཏེ་ལོངས་སྤྱད་ན་སྙུན་སླར་ལྡང་བར་འགྱུར་སྲིད་ཀྱིས། བཅོམ་ལྡན་འདས་ཀྱིས་མ་གནང་ཡང་འདི་ཉིད་ཀྱིས་རྐྱེན་བྱས་ནས་གནང་བར་འགྱུར་བའི་གནས་དེ་ཡོད་དོ་སྙམ་ནས། དེས་ཆུ་སྣོད་བླངས་ཏེ་ཆུས་བཏབ་ནས་ཇི་སྲིད་ཚོས་པ་དེ་སྲིད་དུ་བཙོས་སོ། །དེ་ནས་བཅོམ་
D1.001.0295a05.01ལྡན་འདས་ལ་གསོལ་ཏོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པ་ཡིན་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ་ཅི་དགེ་འདུན་ཐམས་ཅད་ཀྱི་འབྲས་ཆན་ཡང་འདི་འདྲའམ། བཙུན་
D1.001.0295a06.01པ་མ་ལགས་ཏེ། འོན་ཀྱང་མ་དྲལ་བ་ལགས་སོ། །འོ་ན་འདི་ག་ལས་འོངས། དེས་སྐབས་དེ་བཅོམ་ལྡན་འདས་ལ་རྒྱས་པར་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ལེགས་སོ་ལེགས་སོ། །ངས་རྗེས་སུ་མ་གནང་བ་གང་
D1.001.0295a07.01