完整藏文原文 · 德格版页 当前仅加载第 1 函德格 224b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཐུགས་བརྩེ་བར་མཛད་དུ་གསོལ། ལྟུང་བ་ཤེས་ཤིང་མཐོང་ན་ཆོས་བཞིན་འདུལ་བ་བཞིན་སླར་བགྱིའོ་ཞེས་དེ་ལྟར་ལན་གཉིས། དེ་ལྟར་ལན་གསུམ་དུ་བརྗོད་པར་བྱའོ། །དེ་བཞིན་དུ་དགེ་འདུན་གསར་བུའི་བར་གྱིས་དགག་དབྱེ་བྱའོ། །དེའི་འོག་ཏུ་དགག་དབྱེ་བྱེད་
D1.001.0224b01.01པའི་དགེ་སློང་རྣམས་ཀྱིས་དགག་དབྱེ་བྱ་སྟེ། གལ་ཏེ་དགག་དབྱེ་བྱེད་པའི་དགེ་སློང་གཉིས་ཡོད་ན་གཅིག་ལ་གཅིག་དགག་དབྱེ་བྱའོ། །ཇི་སྟེ་གཅིག་པུ་ཞིག་ཡིན་ན་དགེ་སློང་ཞིག་གི་མདུན་དུ་དགག་དབྱེ་བྱའོ། །དེའི་འོག་ཏུ་དགེ་སློང་མ་རྣམས་དང་། དགེ་སློབ་མ་
D1.001.0224b02.01རྣམས་དང་། དགེ་ཚུལ་ཕ་དང་། དགེ་ཚུལ་མ་རྣམས་དགག་དབྱེ་བྱེད་དུ་གཞུག་གོ། །དེའི་འོག་ཏུ་དགག་དབྱེ་བྱེད་པའི་དགེ་སློང་གིས་རྒན་རིམས་ཀྱི་མདུན་དུ་འདུག་སྟེ། དགེ་འདུན་གྱིས་དགག་དབྱེ་མཛད་ལགས་སོ་ཞེས་བརྗོད་པར་བྱའོ། །ཐམས་ཅད་ཀྱིས་དགག་དབྱེ་
D1.001.0224b03.01ལེགས་པར་མཛད་ཟིན་ཏོ། །དགག་དབྱེ་ཤིན་ཏུ་ལེགས་པར་མཛད་ཟིན་ཏོ་ཞེས་བརྗོད་པར་བྱའོ། །གལ་ཏེ་དེ་སྐད་ཅེས་སྨྲས་ན་ལེགས། ཇི་སྟེ་དེ་སྐད་མ་སྨྲས་ན་འགལ་ཚབས་ཅན་དུ་འགྱུར་རོ། །དེའི་འོག་ཏུ་དགག་དབྱེ་བྱེད་པའི་དགེ་སློང་གིས་ཁབ་བམ། གྲི་ཡང་
D1.001.0224b04.01རུང་ཁྱེར་ལ་རྒན་རིམས་ཀྱི་མདུན་དུ་འདུག་སྟེ། བཙུན་པ་དག་དངོས་པོ་འདི་ཙམ་གྱིས་ཀྱང་དབྱར་གནས་པའི་དགེ་འདུན་ལ་དགག་དབྱེ་མཛད་པར་ཆུད་དོ་ཞེས་བརྗོད་པར་བྱའོ། །ཐམས་ཅད་ཀྱིས་ལེགས་པར་ཆུད་དོ། །ཤིན་ཏུ་ལེགས་པར་ཆུད་དོ་ཞེས་བརྗོད་པར་
D1.001.0224b05.01བྱའོ། །དེ་ན་གང་ཅུང་ཟད་ཅི་རྙེད་པ་ནི་དགེ་འདུན་རིལ་གྱིས་བགོ་བར་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་དགག་དབྱེའི་ལས་དུ་མཆིས། ཉེ་བ་འཁོར་བཞི་ཡོད་དེ། ཆོས་མ་ཡིན་པས་མི་མཐུན་པར་དགག་དབྱེ་
D1.001.0224b06.01བྱེད་པ་དང་། ཆོས་མ་ཡིན་པས་མཐུན་པ་དང་། ཆོས་ཀྱིས་མི་མཐུན་པ་དང་། ཆོས་ཀྱིས་མཐུན་པའོ། །ཉེ་བ་འཁོར་དེ་ལ་དགག་དབྱེའི་ལས་ཆོས་དང་མཐུན་པ་ནི་གཅིག་ཡིན་ཏེ། འདི་ལྟ་སྟེ་ཆོས་ཀྱིས་མཐུན་པར་དགག་དབྱེ་བྱེད་པའོ། །དེ་ནས་བཅོམ་ལྡན་འདས་
D1.001.0224b07.01