完整藏文原文 · 德格版页 当前仅加载第 1 函德格 281b 版页；藏文 NFD、目录标记与异常页序保留在来源切片中，重复版页行以稳定序号区分。
བཏབ་པར་གྱུར་ན་ཁྱོད་ལ་མིག་སྨན་གྱི་ལྷག་མ་ཅུང་ཟད་ཡོད་དམ། དེས་བཙལ་བར་བརྩམས་པ་ལས་མ་རྙེད་ནས་དེས་སྨྲས་པ། ཚེ་དང་ལྡན་པ་མིག་སྨན་དེ་བདོག་བདོག་སྟེ་བཞག་པ་ལས་དེར་སྟོར་ཏོ་ཞེས་པའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་
D1.001.0281b01.01དང་། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་མིག་སྨན་གར་བབ་བབ་ཏུ་གཞག་པར་མི་བྱའོ། །ངས་མིག་སྨན་འཆང་བའི་དགེ་སློང་གི་ཀུན་དུ་སྤྱད་པའི་ཆོས་བཅའ་བར་བྱ་སྟེ། མིག་སྨན་འཆང་བའི་དགེ་སློང་གིས་མིག་སྨན་རྣམས་སོ་སོར་ཕྱེ་ལ་
D1.001.0281b02.01གཞག་པར་བྱ་སྟེ། མེ་ཏོག་གི་མིག་སྨན་ནི་སྣོད་ཀྱི་ནང་དུའོ། །ཁུ་བའི་མིག་སྨན་ནི་གབ་ཙེའི་ནང་དུའོ། །ཕྱེ་མའི་མིག་སྨན་ནི་དོང་བུའི་ནང་དུའོ། །རི་ལུའི་མིག་སྨན་དང་བཙག་ཡུག་སྣམ་གྱི་མིག་སྨན་ནི་སྒྱེའུ་འམ། ཐུམ་པོར་སྐུད་པས་བཅིངས་ལ་ཟུང་ང་ལ་
D1.001.0281b03.01གདགས་པར་བྱའོ། །མིག་སྨན་འཆང་བའི་དགེ་སློང་གིས་ཀུན་དུ་སྤྱད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ནས་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །གླེང་གཞི་ནི་མཉན་ཡོད་ནའོ། །དེའི་ཚེ་ཚེ་དང་ལྡན་པ་བྱེ་མ་སྐྱེས་སེམས་
D1.001.0281b04.01འཁྲུགས་ཏེ་སྨྱོས་པར་གྱུར་ནས་དེ་དེ་དང་དེ་དག་ཏུ་འཕྱན་པ། ཇི་ཙམ་ན་བྲམ་ཟེ་དང་ཁྱིམ་བདག་དག་གིས་མཐོང་སྟེ་དེ་དག་གིས་སྨྲས་པ། ཤེས་ལྡན་དག་འདི་སུའི་བུ་ཞིག་ཡིན། གཞན་དག་གིས་སྨྲས་པ། ཁྱིམ་བདག་ཆེ་གེ་མོ་ཞིག་གིའོ། །དེ་དག་གིས་སྨྲས་
D1.001.0281b05.01པ་ཤཱཀྱའི་སྲས་ཀྱི་དགེ་སྦྱོང་མགོན་མེད་པ་རྣམས་ཀྱི་ནང་དུ་རབ་ཏུ་མ་བྱུང་ན་འདི་གཉེན་རྣམས་ཀྱིས་གསོས་པར་འགྱུར་བ་ཞིག་ཅེས་པའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་ལྟ་བས་
D1.001.0281b06.01ན་དགེ་སློང་བྱེ་མ་སྐྱེས་ཀྱི་དཔྱད་སྨན་པ་ལ་དྲིས་ལ་བྱོས་ཤིག །སྨན་པའི་དྲུང་དུ་དོང་ནས་བཞིན་{བཟངས་,བཟང་}དགེ་སློང་ཞིག་འདི་འདྲ་བའི་ནད་ཀྱིས་ཐེབས་ཀྱིས་དེའི་སྨན་སྟོན་ཅིག །དེས་སྨྲས་པ། འཕགས་པ་དག་ཤ་རྗེན་འཚལ་དུ་སྩོལ་ཅིག་དང་སོས་པར་འགྱུར་རོ། །བཞིན་
D1.001.0281b07.01