完整藏文原文 · 德格版页 当前仅加载第 1 函德格 102a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིགས་པ་དུ་མས་ཀུན་དུ་གང་བ་ལགས་པས་འཕགས་པ་དགེ་འདུན་འཚོས་བདག་ཅག་རྒྱ་མཚོ་ཆེན་པོའི་ནང་དུ་མཆིས་པ་རྣམས་ལ་ཆོས་བསྟན་ན་དེས་བདག་ཅག་བདེ་ལེགས་སུ་འགྱུར་ལགས་ཀྱིས། དེའི་སླད་དུ་འཕགས་པ་དགེ་འདུན་འཚོ་བདག་ཅག་དང་
D1.001.0102a01.01ཐབས་ཅིག་རྒྱ་མཚོ་ཆེན་པོར་གཏང་བར་གསོལ། དེས་སྨྲས་པ། བཅོམ་ལྡན་འདས་ཉིད་ལ་ཞུས་ཤིག་དང་ཁོ་བོས་ཟློག་པར་མི་བྱེད་དོ། །དེ་དག་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་
D1.001.0102a02.01ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་མཁྱེན་པར་མཛད་དུ་གསོལ། འཕགས་པ་དགེ་འདུན་འཚོ་འདི་བདག་ཅག་གི་ནེའུ་ལྡངས་ལྷན་ཅིག་སྐྱེས་པ་ས་རྡུལ་ལ་ལྷན་ཅིག་རྩེ་རྩེ་བ་ལགས་ཏེ། བདག་ཅག་ནི་རྒྱ་མཚོ་ཆེན་པོར་འཕགས་ན་རྒྱ་མཚོ་ཆེན་
D1.001.0102a03.01པོ་ནི་འཇིགས་པ་དུ་མས་ཀུན་དུ་གང་བ་ལགས་པས་འཕགས་པ་དགེ་འདུན་འཚོས་བདག་ཅག་རྒྱ་མཚོ་ཆེན་པོར་མཆིས་པ་རྣམས་ལ་ཆོས་བསྟན་ན་དེས་བདག་ཅག་བདེ་ལེགས་སུ་འགྱུར་བ་ལགས་ཀྱིས། དེའི་སླད་དུ་འཕགས་པ་དགེ་འདུན་འཚོ་བདག་ཅག་དང་ཐབས་ཅིག་རྒྱ་མཚོ་
D1.001.0102a04.01ཆེན་པོར་གཏང་བར་གསོལ། བཅོམ་ལྡན་འདས་ཀྱིས་དགོངས་པ། ཅི་ཚོང་པ་འདི་དག་ལ་དགེ་བའི་རྩ་བ་ཅུང་ཟད་ཡོད་དམ། འོན་ཏེ་མེད་སྙམ་ན་ཡོད་པར་གཟིགས་སོ། །སུ་ལ་རག་ལུས་སྙམ་ནས་དགེ་སློང་དགེ་འདུན་འཚོ་ལ་རག་ལུས་པར་གཟིགས་ནས། དེ་
D1.001.0102a05.01ནས་བཅོམ་ལྡན་འདས་ཀྱིས་ཚེ་དང་ལྡན་པ་དགེ་འདུན་འཚོ་ལ་བཀའ་སྩལ་པ། དགེ་འདུན་འཚོ་ཁྱོད་རྒྱ་མཚོ་ཆེན་པོར་འཇུག་ཏུ་སོང་ལ་ཁྱོད་ཀྱིས་འཇིགས་པ་དང་འཇིགས་སུ་རུང་བ་དག་བཟོད་པར་གྱིས་ཤིག །ཚེ་དང་ལྡན་པ་དགེ་འདུན་འཚོས་བཅོམ་ལྡན་འདས་ལ་ཅང་མི་སྨྲ་བར་
D1.001.0102a06.01དང་དུ་བླངས་སོ། །དེ་ནས་ཚོང་པ་ལྔ་བརྒྱ་པོ་དེ་དག་ཚེ་དང་ལྡན་པ་དགེ་འདུན་འཚོ་དང་ལྷན་ཅིག་དགེ་མཚན་དང་། བཀྲ་ཤིས་དང་། བདེ་ལེགས་སུ་འགྱུར་བ་དག་བྱས་ཏེ། ཤིང་རྟ་དག་དང་། ཁུར་དག་དང་། སྤྱད་དག་དང་། གླེ་བ་དག་དང་། རྔ་མོ་དག་དང་། བ་ལང་
D1.001.0102a07.01