完整藏文原文 · 德格版页 当前仅加载第 1 函德格 261b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་སླར་གཤེགས་ཤིག །དེ་དག་གིས་དེ་གནས་པའི་གྲོང་དུ་ཕའི་སྐྱེད་མོས་ཚལ་དུ་བཞག་གོ། །དེ་གཉིད་སད་པ་དང་ཇི་ཙམ་ན་དྲིལ་བུ་དང་། གདུགས་དང་། བསིལ་ཡབ་རྣམས་ཕུལ་ནས་གལ་ཏེ་གྲོ་བཞིན་སྐྱེས་རྣ་བ་བྱེ་བ་རི་གསོན་པོ་ཞིག་ན་ལ་གོར་
D1.001.0261b01.01འོང་ཞིང་མྱུར་དུ་འོང་བར་ཤོག་ཤིག །འོན་ཏེ་དུས་ལས་འདས་ཏེ་ཤི་འཕོས་པར་གྱུར་ན་འགྲོ་བའི་གནས་གནས་ཁྱད་པར་ཅན་དུ་སྐྱེ་བར་གྱུར་ཅིག་ཅེས་ཡི་གེ་བྲིས་པ་མཐོང་ནས། དེས་བསམས་པ། འདི་ལྟར་བདག་ཕ་དང་མས་ཤི་བའི་ཁོངས་སུ་བརྩིས་ན་
D1.001.0261b02.01ཅིའི་ཕྱིར་སླར་ཁྱིམ་དུ་འཇུག །བདག་སོང་ལ་འཕགས་པ་ཀཱ་ཏྱཱ་ཡ་ན་ཆེན་པོའི་དྲུང་དུ་རབ་ཏུ་འབྱུང་བར་བྱའོ་སྙམ་མོ། །དེ་ནས་གྲོ་བཞིན་སྐྱེས་རྣ་བ་བྱེ་བ་རི་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་གང་ན་བ་དེར་སོང་བ་དང་། ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་གྲོ་
D1.001.0261b03.01བཞིན་སྐྱེས་རྣ་བ་བྱེ་བ་རི་རྒྱང་རིང་པོ་ནས་མཐོང་ངོ་། །མཐོང་ནས་ཀྱང་གྲོ་བཞིན་སྐྱེས་རྣ་བ་བྱེ་བ་རི་ལ་འདི་སྐད་ཅེས་སྨྲས་སོ། །གྲོ་བཞིན་སྐྱེས་ཚུར་ཤོག །གྲོ་བཞིན་སྐྱེས་ཁྱོད་འོངས་པ་ལེགས་སོ། །གྲོ་བཞིན་སྐྱེས་ཁྱོད་ཀྱིས་འཇིག་རྟེན་འདི་དང་
D1.001.0261b04.01འཇིག་རྟེན་ཕ་རོལ་མཐོང་ངམ། བཙུན་པ་ཀཱ་ཏྱཱ་ཡ་ན་ཆེན་པོ་མཐོང་ངོ་། །བཙུན་པ་ཀཱ་ཏྱཱ་ཡ་ན་ཆེན་པོ་བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང་བསྙེན་པར་རྫོགས་པ་དགེ་སློང་གི་དངོས་པོ་གནང་ན། བཙུན་པ་ཀཱ་ཏྱཱ་ཡ་ན་
D1.001.0261b05.01ཆེན་པོ་བདག་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱོད་པ་ལ་སྤྱད་པར་འཚལ་ལོ། །གྲོ་བཞིན་སྐྱེས་རེ་ཞིག་སྔོན་གྱི་དམ་བཅས་པ་དྲན་པར་བྱོས་ལ་ཐ་ན་ཇི་སྐད་སྤྲིང་ཞིང་བཟུང་བ་ཆུབ་པར་སྐྱོལ་ཅིག །དེ་ཤེན་པ་དེའི་དྲུང་དུ་སོང་ནས་བཞིན་
D1.001.0261b06.01{བཟངས་,བཟང་}ཁྱོད་ཀྱི་ཕ་ངས་མཐོང་སྟེ། དེ་ན་རེ་ལས་འདིའི་འབྲས་བུ་རྣམ་པར་སྨིན་པ་ནི་ཡིད་དུ་མི་འོང་བ་ཡིན་གྱིས་དམ་པ་མ་ཡིན་པའི་ཆོས་སྡིག་པ་སྤོང་ཤིག་ཅེས་ཟེར་རོ། །དེས་སྨྲས་པ། ཀྱེ་ནང་རྗེ་བདག་གི་ཕ་ནི་ཤི་ནས་དེང་དུ་ལོ་བཅུ་གཉིས་ལོན་ན།
D1.001.0261b07.01