完整藏文原文 · 德格版页 当前仅加载第 1 函德格 298b 版页；藏文 NFD、目录标记与异常页序保留在来源切片中，重复版页行以稳定序号区分。
དཔོན་དང་། དེད་དཔོན་དང་། གཞན་ཡང་རྗེས་སུ་འཚོ་བ་དག་གིས་ཡོངས་སུ་བསྐོར་ཅིང་འདུག་སྟེ་དེ་དག་གིས་སྐབས་མ་རྙེད་དོ། །ཇི་ཙམ་ན་དེ་དག་ལངས་ཏེ་དོང་བར་གྱུར་པ་དེའི་ཚེ་དེ་དག་ལ་ཉིན་བར་གྱི་འགོད་པ་ཕོག་གོ། །བུ་མོ་དེ་དག་རིང་
D1.001.0298b01.01ཞིག་ལོན་ཏེ་འོངས་པ་དང་། ཀྱེ་མ་བུ་མོ་ཁྱེད་ཅག་རིང་ཞིག་ཅི་ཐོགས་ཞེས་སྤྱོས་པས་དེ་དག་གིས་སྨྲས་པ། གང་པོ་ཚོང་པ་དང་། ཚོང་དཔོན་དང་། དེད་དཔོན་དང་། གཞན་ཡང་རྗེས་སུ་འཚོ་བ་དག་གིས་ཡོངས་སུ་བསྐོར་ནས་ཉི་མའི་འོད་ཟེར་
D1.001.0298b02.01ལྟ་བུར་གཟི་བརྗིད་འབར་ཞིང་བཞུགས་ཏེ། གང་གི་ཚེ་དེ་དག་ལངས་ཏེ་མཆིས་པ་དེའི་ཚེ་ཕོག་གོ། །དེ་དག་གིས་སྨྲས་པ། གང་དག་གིས་ཁྱིམ་ན་བྲན་མོའི་བུ་དག་དབང་ཕྱུག་ལ་དབང་བྱེད་པ་དེ་དག་ལ་ཡོང་ཡང་དེ་ལྟར་འགྱུར་རོ། །འབྱོར་
D1.001.0298b03.01ལེན་གྱི་ཆུང་མས་བྲན་མོ་ལ་སྨྲས་པ། རིང་མོ་ཞིག་ཏུ་ཅིའི་ཕྱིར་ཐོགས། དེས་སྐབས་དེ་རྒྱས་པར་སྨྲས་པ་དང་། དེས་སྨྲས་པ། ཁྱོད་འོར་ཆེའོ། །ཁྱོད་ཀྱིས་དུས་ཤེས་པར་བྱོས་ལ་སོང་ཤིག །དེས་དུས་ཤེས་པར་བྱས་ནས་སོང་བ་དང་མྱུར་
D1.001.0298b04.01དུ་ཐོབ་བོ། །གཞན་དག་ནི་རིང་དུ་ཐོགས་པར་གྱུར་ནས་དེ་དག་གིས་དེ་ལ་དྲིས་པ། ཁྱོད་ནི་ཅི་སྟེ་མྱུར་བར་འཁོར། དེས་ཐམས་ཅད་སྨྲས་ནས་དེ་དག་ཀྱང་དེ་དང་ལྷན་ཅིག་འདོང་བར་བརྩམས་སོ། །གང་པོ་ཡང་ཚོང་པ་དང་། ཚོང་དཔོན་དང་།
D1.001.0298b05.01དེད་དཔོན་དང་། གཞན་ཡང་རྗེས་སུ་འཚོ་བ་རྣམས་ཀྱིས་ཡོངས་སུ་བསྐོར་ཅིང་འདུག་པ་ལས་དེ་དག་ཀྱང་དོང་ནས། དེས་དེ་ལ་ཉིན་པར་གྱི་འགོད་པ་ཕོག་གོ། །དེ་དག་གིས་ཀྱང་མྱུར་དུ་ཐོབ་བོ། །དེ་དག་གི་ཇོ་མོ་དག་གིས་སྨྲས་པ། ད་མྱུར་དུ་འཁོར་
D1.001.0298b06.01བ་འདི་ལ་རྒྱུ་ཅི་ཡོད། དེ་དག་གིས་སྨྲས་པ། ཇོ་མོ་ཐུ་མོ་སྙུན་མི་མངའ་བར་གྱུར་ཅིག །དེའི་ཚེ་གང་གི་བྲན་མོ་མཆིས་པ་དེའི་ཚེ་ཕོག་ལགས་གྱིས་བདག་ཅག་དེ་དག་དང་འགྲོགས་ཏེ་མཆིའོ། །དེ་དག་མི་བཟོད་པ་སྐྱེས་ནས་སྨྲས་པ། གང་དག་གི་ཁྱིམ་
D1.001.0298b07.01