完整藏文原文 · 德格版页 当前仅加载第 1 函德格 147b 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་པ་ཡིན་ནོ། །གསོལ་བ་བྱས་ཏེ་གླེང་གཞི་ཡང་བཏོན། ཕམ་པར་འགྱུར་བའི་ཆོས་བཞི་ཡང་བཏོན། དགེ་འདུན་ལྷག་མའི་ཆོས་བཅུ་གསུམ་ཡང་བཏོན་ནས་ལྷག་མ་ཐོས་པས་སྒྲོགས་པར་བྱེད་ན་དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །གསོལ་བ་བྱས་ཏེ་
D1.001.0147b01.01གླེང་གཞི་ཡང་བཏོན། ཕམ་པར་འགྱུར་པའི་ཆོས་བཞི་ཡང་བཏོན། དགེ་འདུན་ལྷག་མའི་ཆོས་བཅུ་གསུམ་ཡང་བཏོན། མ་ངེས་པའི་ཆོས་གཉིས་ཀྱང་བཏོན་ནས་ལྷག་མ་ཐོས་པས་སྒྲོགས་པར་བྱེད་ན་དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །སོ་སོར་ཐར་
D1.001.0147b02.01པའི་འདོན་པ་རྒྱས་པར་བཏོན་པ་ནི་ལྔ་པ་ཡིན་ནོ།། །།སྡོམ་ལ། གནས་དང་དབྱར་སྔ་ཕྱི་མ་དང་། །གློ་བུར་བ་དང་རྒྱུ་བ་དང་། །མཚན་ཡོལ་གསོ་སྦྱོང་གྱིས་ཤིག་དང་། །སེམས་བསྐྱེད་པ་ཡིས་གསོ་སྦྱོང་བྱ། །འདི་ལྟ་སྟེ་གནས་ཤིག་ན་དགེ་སློང་རབ་ཏུ་མང་པོ་དག་འཁོད་པ་དེ་དག་འདི་ལྟར་
D1.001.0147b03.01དགེ་སློང་ཆེ་གེ་མོ་ཞིག་ལ་སོ་སོར་ཐར་པ་སྣང་ངོ་། །དགེ་སློང་ཆེ་གེ་མོ་ཞིག་ལ་སོ་སོར་ཐར་པ་སྣང་ངོ་། །སྙམ་པ་ལས་དེ་དག་གི་གསོ་སྦྱོང་{བཅྭ་,བཅོ་}ལྔ་པ་དེ་ཉིད་ལ་དགེ་སློང་སུ་ལ་ཡང་སོ་སོར་ཐར་པ་མི་སྣང་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དེ་དག་གིས་གནས་བསྟབས་པ་
D1.001.0147b04.01དང་། གནས་མལ་བསྟབས་པ་དང་། ལས་བསྟབས་པ་དང་། རྙེད་པ་བསྟབས་པ་དང་། བསྙེན་བཀུར་བ་བསྟབས་པ་དང་། དགེ་སློང་གང་ལ་སོ་སོར་ཐར་པ་སྣང་བ་གཉེར་བར་བྱའོ། །གལ་ཏེ་དགེ་སློང་གང་ལ་སོ་སོར་ཐར་པ་སྣང་བ་ཞིག་རྙེད་ན་དེ་ལྟ་ན་ལེགས། འོན་ཏེ་མ་རྙེད་ན་དགེ་སློང་དེ་
D1.001.0147b05.01དག་གིས་གནས་དེ་ཉིད་དུ་གསོ་སྦྱོང་གཞན་ལ་བསྡད་པར་མི་བྱའོ། །སྡོད་པར་བྱེད་ན་འགལ་ཚབས་ཅན་དུ་འགྱུར་རོ། །འདི་ལྟ་སྟེ་གནས་ཤིག་ན་དགེ་སློང་རབ་ཏུ་མང་པོ་དག་དབྱར་སྔ་མར་གནས་པར་ཁས་བླང་བར་འདོད་ཅིང་དེ་དག་འདི་ལྟར་དགེ་སློང་ཆེ་གེ་མོ་ཞིག་ལ་སོ་སོར་ཐར་པ་སྣང་ངོ་། །དགེ་
D1.001.0147b06.01སློང་ཆེ་གེ་མོ་ཞིག་ལ་སོ་སོར་ཐར་པ་སྣང་ངོ་སྙམ་པ་ལས། དེ་དག་གིས་གསོ་སྦྱོང་{བཅྭ་,བཅོ་}ལྔ་པ་དེ་ཉིད་ལ་དགེ་སློང་སུ་ལ་ཡང་སོ་སོར་ཐར་པ་མི་སྣང་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དེ་དག་གིས་གནས་བསྟབས་པ་དང་། གནས་མལ་བསྟབས་པ་དང་། ལས་བསྟབས་པ་དང་།
D1.001.0147b07.01