完整藏文原文 · 德格版页 当前仅加载第 1 函德格 270a 版页；藏文 NFD、目录标记与异常页序保留在来源切片中，重复版页行以稳定序号区分。
སྒོ་ན་སྐད་འབྱིན་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཉེས་དམིགས་གང་ཅི་བྱུང་བ་དེ་ནི་དགེ་སློང་དག་ཀོ་ལྤགས་འཆང་བ་ཡིན་གྱིས། དེ་ལྟ་བས་ན་དགེ་སློང་གིས་ཀོ་ལྤགས་བཅང་བར་མི་བྱའོ། །བཅངས་ན་འགལ་ཚབས་ཅན་དུ་
D1.001.0270a01.01འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་ཀོ་ལྤགས་བཅང་བར་མི་བྱའོ་ཞེས་གསུངས་པ་དང་། ཁྱིམ་བདག་གཞན་ཞིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་དུ་གདུགས་ཚོད་ལ་སྤྱན་དྲངས་ན་ཁྱིམ་བདག་དེས་གདན་གཞན་བཤམ་དུ་
D1.001.0270a02.01མེད་ནས། དེས་ཀོ་ལྤགས་ཀྱི་གདན་དག་བཤམ་པར་བརྩམས་སོ། །ཚེ་དང་ལྡན་པ་ཀུན་དགའ་བོ་ནང་པར་སྔར་ལངས་ཏེ་ཁྱིམ་བདག་དེའི་ཁྱིམ་དུ་སོང་བ་དང་། དེས་ཁྱིམ་བདག་དེ་ཀོ་ལྤགས་ཀྱི་གདན་དག་ཤོམ་པ་མཐོང་ནས་སྨྲས་པ། ཁྱིམ་བདག་སྟན་འདི་
D1.001.0270a03.01དག་ནི་དགེ་སློང་དང་འཚམ་པ་མ་ཡིན་གྱིས་འདི་དག་སྡུས་ཤིག །དེས་བསྡུ་བར་བརྩམས་པ་ན་བཅོམ་ལྡན་འདས་ཀྱང་དེར་གཤེགས་སོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པ་ཡིན་པས། སངས་རྒྱས་བཅོམ་ལྡན་འདས་ཀྱིས་ཚེ་དང་
D1.001.0270a04.01ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ་འདི་ཅི་ཞིག་བྱེད། ཚེ་དང་ལྡན་པ་ཀུན་དགའ་བོས་གསོལ་པ། ཁྱིམ་བདག་འདིས་གདན་གཞན་བཤམ་དུ་མ་འབྱོར་ནས་དེ་ན་ཀོ་ལྤགས་ཀྱི་གདན་དག་བཤམས་པ་དང་། བདག་གིས་ཁྱིམ་བདག་གདན་འདི་དག་ནི་དགེ་སློང་
D1.001.0270a05.01དང་འཚམ་པ་མ་ཡིན་གྱིས་འདི་དག་སྡུས་ཤིག་ཅེས་བསྒོ་ནས། དེ་སྟན་འདི་དག་སྡུད་པ་ལགས་སོ། །ཀུན་དགའ་བོ་ཐམས་ཅད་ལ་འབྱོར་པ་མེད་པས་ཀུན་དགའ་བོ་ཁྱིམ་བདག་སྟན་ཤོམ་པ་མ་ཟློག་ཤིག །དེ་ལྟ་བས་ན་རྗེས་སུ་གནང་སྟེ། ཁྱིམ་དུ་ཀོ་ལྤགས་ཀྱི་
D1.001.0270a06.01སྟན་བཤམས་པ་ལ་འདུག་པར་བྱའི་ཉལ་བར་ནི་མི་བྱའོ། །གཙུག་ལག་ཁང་དུ་ནི་འདུག་པར་མི་བྱ་ཉལ་བར་མི་བྱ་སྟེ་འདུག་གམ་ཉལ་ན་འགལ་ཚབས་ཅན་དུ་འགྱུར་རོ།། །།སངས་རྒྱས་བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ། །
D1.001.0270a07.01