完整藏文原文 · 德格版页 当前仅加载第 1 函德格 108a 版页；藏文 NFD、目录标记与异常页序保留在来源切片中，重复版页行以稳定序号区分。
བརྗོད་ན་ལེགས་སོ། །དེས་དེ་ལྟར་བྱའོ་ཞེས་ཁས་བླངས་ཏེ་སོང་ངོ་། །ཇི་ཙམ་ན་སེམས་ཅན་རྩིག་པ་འདྲ་བ་དག་དང་། ཀ་བ་འདྲ་བ་དག་དང་། ཤིང་ལྗོན་པ་འདྲ་བ་དག་དང་། ལོ་མ་འདྲ་བ་དག་དང་། མེ་ཏོག་འདྲ་བ་དག་དང་། འབྲས་བུ་འདྲ་བ་དག་དང་། ཐག་
D1.001.0108a01.01པ་འདྲ་བ་དག་དང་། ཕྱགས་མ་འདྲ་བ་དག་དང་། ཕོར་པ་འདྲ་བ་དག་དང་། གཏུན་འདྲ་བ་དག་དང་། ཕྲུ་བ་འདྲ་བ་དག་དང་། རྐེད་པ་ཆད་པ་ཆུ་རྒྱུས་ཀྱིས་བཟུང་བ་དག་འདོང་བ་ཡང་མཐོང་ངོ་། །ཚེ་དང་ལྡན་པ་དགེ་འདུན་འཚོ་ཡང་མཐར་གྱིས་ལྗོངས་སུ་སོང་བ་དང་། ཇི་ཙམ་ན་
D1.001.0108a02.01བསྟི་གནས་ཤིག་ན་དྲང་སྲོང་ལྔ་བརྒྱ་ཙམ་འཁོད་དེ། དེ་དག་གིས་ཚེ་དང་ལྡན་པ་དགེ་འདུན་འཚོ་ཐག་རིང་པོ་ཁོ་ན་ནས་འོང་བ་མཐོང་ངོ་། །དེ་ནས་དེ་དག་གིས་གྲོས་བྱ་བར་བརྩམས་པ་ཤེས་ལྡན་དག་ཉོན་ཅིག །ཤཱཀྱའི་བུའི་དགེ་སྦྱོང་འདི་དག་ནི་སྨྲ་བ་མང་བ་ཡིན་པས་འདི་ལ་
D1.001.0108a03.01སུས་ཀྱང་ཚིག་སྦྱིན་པར་མི་བྱའོ་ཞེས་དེ་དག་གིས་ཁྲིམས་སུ་བྱ་བ་བཅས་ཏེ་འཁོད་དོ། །ཚེ་དང་ལྡན་པ་དགེ་འདུན་འཚོ་ཡང་སྤྱོད་ལམ་ཞི་བས་དེ་དག་གི་གན་དུ་སོང་སྟེ་བསྟི་གནས་བརྙ་བར་བརྩམས་པ་ན་འགས་ཀྱང་ཚིག་མ་སྟེར་ཏོ། །དེ་ན་དྲང་སྲོང་བསོད་ནམས་འདོད་པ་གཅིག་
D1.001.0108a04.01ཅིག་གིས་སྨྲས་པ། ཁྱོད་ལ་ཅིའི་ཕྱིར་བསྟི་གནས་མི་བརྙན་ཏེ་འདི་ལྟར་ཁྱེད་ལ་ཉེས་པ་ཡོད་དོ། །ཁྱེད་ནི་སྨྲ་བ་མང་བ་ཡིན་ནོ། །དེ་ལྟ་མོད་ཀྱི་དམ་ཚིག་གིས་བརྙ་བར་བྱ་སྟེ། གལ་ཏེ་ཅུང་ཟད་ཀྱང་མི་སྨྲ་ན་བརྙན་ནོ། །ཚེ་དང་ལྡན་པ་དགེ་འདུན་འཚོས་སྨྲས་པ། དྲང་སྲོང་དེ་
D1.001.0108a05.01བཞིན་དུ་བྱས་མི་སྨྲའོ། །དེ་ན་དྲང་སྲོང་གཅིག་ཅིག་ལྗོངས་རྒྱུར་སོང་བ་དེའི་སྤྱིལ་བུ་སྟོང་པར་འདུག་པ་དེ་ཚེ་དང་ལྡན་པ་དགེ་འདུན་འཚོ་ལ་འདིར་ཉོལ་ཅིག་ཅེས་བརྙན་ནོ། །ཚེ་དང་ལྡན་པ་དགེ་འདུན་འཚོས་སྤྱིལ་བུ་དེ་ཆག་ཆག་བཏབ། ཕྱག་དར་བྱས། བ་ལང་གི་ལྕི་བ་སར་པས་བྱུག་
D1.001.0108a06.01པ་བྱས་སོ། །དེ་དག་གིས་དེ་མཐོང་ནས་དེ་དག་གིས་སྨྲས་པ། ཤེས་ལྡན་དག་ཤཱཀྱའི་བུའི་དགེ་སྦྱོང་འདི་དག་ནི་གཙང་སྦྲ་བྱེད་པ་ཡིན་ནོ། །ཚེ་དང་ལྡན་པ་དགེ་འདུན་འཚོས་སྤྱིལ་བུའི་ཕྱི་རོལ་དུ་རྐང་པ་གཉིས་བཀྲུས་ཏེ་སྤྱིལ་བུར་ཞུགས་ནས་སྐྱིལ་མོ་ཀྲུང་བཅས་ཏེ་ལུས་དྲང་པོར་
D1.001.0108a07.01