完整藏文原文 · 德格版页 当前仅加载第 1 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
(བསང་,བསྲང་)ནས་དྲན་པ་ཕྱོགས་པར་བཞག་སྟེ་འདུག་གོ། །དེ་ནས་བསྟི་གནས་དེ་ན་ལྷ་མོ་ཞིག་འདུག་པ་གང་ཡིན་པ་དེ་མཚན་མོ་ཐུན་དང་པོ་ལ་ཚེ་དང་ལྡན་པ་དགེ་འདུན་འཚོ་ག་ལ་བ་དེར་སོང་སྟེ་ཕྱིན་ནས་དེས་སྨྲས་པ། འཕགས་པ་དགེ་འདུན་འཚོ་ཆོས་བསྟན་དུ་གསོལ། དེས་སྨྲས་པ།
D1.001.0108b01.01ལྷ་མོ་ཁྱོད་བདེ་བར་གྱུར་ཅིག །ཁོ་བོས་ཁྲིམས་སུ་བྱ་བས་བསྟི་གནས་རྙེད་པ་ཁྱོད་ཀྱིས་མ་མཐོང་ངམ། ཅི་ཁོ་བོ་བསྐྲད་པར་འདོད་དམ། དེས་བསམས་པ། རབ་ཏུ་བྱུང་བ་འདི་ངལ་གྱིས་འདི་ལྟར་གུང་ཐུན་ལ་འོང་བར་བྱའོ་སྙམ་ནས་དེ་གུང་ཐུན་ལ་འོངས་ཏེ་སྨྲས་པ། འཕགས་
D1.001.0108b02.01པ་དགེ་འདུན་འཚོ་ཆོས་བསྟན་དུ་གསོལ། དེས་སྨྲས་པ། སྲིང་མོ་ཁྱོད་ཁ་རོག་མི་སྡོད་པས་ཁོ་བོ་ངེས་པར་བསྐྲད་པར་འདོད་དམ། དེས་བསམས་པ། རབ་ཏུ་བྱུང་བ་འདི་ད་དུང་གཉིད་ཀྱིས་མྱོས་ཀྱིས་ཐུན་ཐ་མ་ལ་འོང་བར་བྱའོ་སྙམ་ནས་དེ་ཐུན་ཐ་མ་ལ་འོངས་ཏེ་སྨྲས་པ།
D1.001.0108b03.01འཕགས་པ་དགེ་འདུན་འཚོ་ཅིའི་སླད་དུ་གཟིམས། མཚན་མོའི་དགུང་སངས་ཀྱིས་བཞེངས་ལ་ཆོས་བསྟན་དུ་གསོལ། དེས་སྨྲས་པ། སྲིང་མོ་ཁྱོད་ཀྱིས་ཁོ་བོ་རྣམ་པ་ཐམས་ཅད་དུ་བསྐྲད་དོ། །དེས་སྨྲས་པ། འཕགས་པ་མཚན་མོའི་དགུང་སངས་པས་གལ་ཏེ་བསྐྲད་ན་ཡང་
D1.001.0108b04.01ཅིར་འགྱུར་བཞུད་དོ་འཚལ། འདི་ལྟར་བཅོམ་ལྡན་འདས་ཀྱིས་འཇིགས་པ་དང་འཇིགས་སུ་རུང་བ་བཟོད་པར་བྱའོ་ཞེས་བཀའ་མ་སྩལ་ཏམ། ཚེ་དང་ལྡན་པ་དགེ་འདུན་འཚོས་བསམས་པ། སྲིང་མོ་འདི་ཟེར་བ་ནི་བདེན་ཏེ། གལ་ཏེ་ཁོ་བོ་བསྐྲད་ན་འགྲོ་ལ་རག་གིས་འདི་
D1.001.0108b05.01ལྟར་འདི་དག་ནི་བྲམ་ཟེ་ཡིན་པས་བྲམ་ཟེ་དང་ཡང་དག་པར་ལྡན་པའི་ཚིགས་སུ་བཅད་པ་བརྗོད་པར་བྱའོ་སྙམ་ནས། དེས་བྲམ་ཟེའི་སྡེ་ཚན་འདི་སྐད་ཅེས། སོམ་ཉི་མ་རྒལ་གཅེར་བུའི་སྤྱོད་པ་དང་། །རལ་པ་རྫབ་དང་སྣ་ཚོགས་ཟས་དང་ནི། །ཐང་ལ་ཉལ་དང་རྡུལ་དང་དྲི་མ་དང་། །
D1.001.0108b06.01ཙོག་བུའི་སྤོང་བས་མི་དག་འབྱུང་མི་འགྱུར། །འབྱུང་པོ་ཀུན་ལ་འཚེ་བ་རྣམ་སྤངས་ཏེ། །ཆོས་སྤྱོད་ཞི་དུལ་ཡང་དག་སྡོམ་པ་དང་། །ཚངས་སྤྱོད་ལྡན་པ་རྒྱན་གྱིས་བརྒྱན་གྱུར་ཀྱང་། །དེ་ཉིད་བྲམ་ཟེ་དགེ་སྦྱོང་དགེ་སློང་ཡིན། །ཞེས་ཁ་ཏོན་བྱ་བར་བརྩམས་སོ། །དེ་དག་གིས་
D1.001.0108b07.01