完整藏文原文 · 德格版页 当前仅加载第 1 函德格 280b 版页；藏文 NFD、目录标记与异常页序保留在来源切片中，重复版页行以稳定序号区分。
སྨན་པའི་དྲུང་དུ་སོང་སྟེ། བཞིན་{བཟངས་,བཟང་}ཁོ་བོ་གཡན་པའི་ནད་ཀྱིས་བཏབ་ཀྱིས་སྨན་སྟོན་ཅིག་དེས་སྨྲས་པ། འཕགས་པ་བསྐ་བ་སྟེན་ཅིག་དང་ཁྱོད་སོས་པར་འགྱུར་རོ། །བཞིན་{བཟངས་,བཟང་}ཅི་ཁོ་བོ་འདོད་པ་ལ་སྤྱོད་པ་ཡིན་ནམ། དེས་སྨྲས་པ། དགེ་སློང་ཁྱོད་ཀྱི་
D1.001.0280b01.01སྨན་འདི་ཡིན་ཏེ་གཞན་གྱིས་ནི་སོས་པར་མི་ནུས་སོ་ཞེས་པའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང་ཞེས་བྱ་བའི་བར་གོང་མ་བཞིན་དུ་སྟེ། ཁྱོད་ཀྱི་སྟོན་པ་ནི་ཐམས་ཅད་མཁྱེན་པ་ཡིན་པས། དེ་ཁོ་ནས་མཁྱེན་པར་འགྱུར་ཞེས་པའི་སྐབས་དེ་བཅོམ་
D1.001.0280b02.01ལྡན་འདས་ལ་དགེ་སློང་རྣམས་ཀྱིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། བསྐ་བ་ནི་ལྔ་སྟེ་ཨ་མྲའི་བསྐ་བ་ཞེས་བྱ་བ་ནས་གོང་མ་བཞིན་དུའོ། །དགེ་སློང་དེས་བསྐ་བ་དག་འདེ་གུར་བྱས་ཏེ་ལུས་ལ་བྱུགས་པ་ལས་རྨ་མཆེད་ནས་བཅོམ་ལྡན་འདས་
D1.001.0280b03.01ཀྱིས་བཀའ་སྩལ་པ། ཕྱེ་མ་བྱའོ་དགེ་སློང་དག་གིས་རློན་པ་ལ་བཏགས་པས་རི་ལུར་གྱུར་པ་དང་། བཅོམ་ལྡན་འདས་ཀྱིས་བཀའ་སྩལ་པ། བསྐམ་པར་བྱའོ། །དེ་དག་གིས་ཉི་མ་ལ་བསྐམས་པ་དང་། མཐུ་ཉམས་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་
D1.001.0280b04.01པ། ཉི་མ་ལ་བསྐམ་པར་མི་བྱའོ། །དེ་དག་གིས་གྲིབ་མ་ལ་བསྐམས་པ་དང་འོན་ཀྱང་རུལ་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཉི་མའི་གྲིབ་མས་བསྐམ་པར་བྱའོ། །དགེ་སློང་གིས་བསྐ་བས་ལུས་བྱུགས་ནས་བཀྲུས་ཏེ་བསྐ་བའི་བྱ་བ་མི་བྱེད་དོ། །བཅོམ་
D1.001.0280b05.01ལྡན་འདས་ཀྱིས་བཀའ་སྩལ་པ། ལག་པས་ཇི་ཙམ་ཆོག་གི་བར་དུ་དྲིལ་ནས་ཁྲུས་བྱའོ། །བཀྲུས་ནས་སླར་ཡང་བསྐ་བས་བསྐུས་ནས་བཀྲུས་ན་བསྐ་བའི་བྱ་བ་བྱེད་པར་འགྱུར་རོ། །དགེ་སློང་དེས་བསྐ་བས་བསྐུས་པ་དང་ནད་ཞི་བར་གྱུར་ཏོ་དེས་བསྐ་བའི་ལྷག་མ་བོར་
D1.001.0280b06.01རོ། །ཇི་ཙམ་ན་དགེ་སློང་གཞན་ཞིག་དེ་འདྲ་བའི་ནད་ཀྱིས་ཐེབས་ནས་དེ་ཡང་སྨན་པའི་དྲུང་དུ་སོང་སྟེ་ཞེས་བྱ་བ་ནས་གོང་མ་བཞིན་དུ་སྟེ། ཁོ་བོས་དེ་ནི་བོར་རོ། །མ་ལེགས་པ་ཞིག་བྱས་སོ་ཞེས་པའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང་།
D1.001.0280b07.01