完整藏文原文 · 德格版页 当前仅加载第 1 函德格 259b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིག་དང་། དེས་ན་ལས་དེ་བསྲབས་པ་དང་། ཡོངས་སུ་ཟད་པ་དང་། གཏུགས་པར་འགྱུར་རོ་ཞེས་ཟེར་རོ་ཞེས་གསུང་ཤིག །དེ་སོང་བ་དང་ཇི་ཙམ་ན་གཞལ་མེད་ཁང་གཞན་ཞིག་མཐོང་སྟེ། དེ་ན་བུད་མེད་གཟུགས་བཟང་བ། མཛེས་པ། བལྟ་ན་སྡུག་པ་
D1.001.0259b01.01དཔུང་རྒྱན་དང་། རྣ་ཆ་གདུབ་ཀོར་དང་། བྱུག་པ་དང་། ཕྲེང་བ་སྣ་ཚོགས་ཀྱིས་བརྒྱན་པ་ཞིག་འདུག་པ་དེའི་ཁྲིའི་རྐང་པ་བཞི་ལ་{ཡི་དགས་,ཡི་དྭགས་}བཞི་བཏགས་ཤིང་འདུག་གོ། །དེ་དེས་རྒྱང་རིང་པོ་ནས་མཐོང་ནས་སྨྲས་པ། གྲོ་བཞིན་སྐྱེས་འོངས་པ་ལེགས་
D1.001.0259b02.01སོ། །འོངས་པ་ལེགས་སོ། མི་སྐོམ་མམ། མི་བཀྲེས་སམ། དེས་བསམས་པ། གདོན་མི་ཟ་བར་ལྷ་མོའམ། ཀླུ་མོའམ། གནོད་སྦྱིན་མོ་ཞིག་ཡིན་ནོ་སྙམ་ནས། དེས་སྨྲས་པ། བདག་སྐོམ་མོ། །བདག་བཀྲེས་སོ། །དེས་དེ་ཁྲུས་
D1.001.0259b03.01བྱས་ནས་ཟན་བྱིན་ཏེ་དེ་ལ་སྨྲས་པ། གྲོ་བཞིན་སྐྱེས་གལ་ཏེ་ཁྱོད་ལ་འདི་དག་{ཆུང་ཟད་,ཅུང་ཟད་}སློང་ན་མ་སྦྱིན་ཅིག་ཅེས་སྨྲས་ནས། སེམས་ཅན་དེ་རྣམས་ཀྱི་ལས་བདག་གིར་བྱ་བ་མངོན་སུམ་དུ་བྱ་བར་འདོད་ནས་གཞལ་མེད་ཁང་གི་ནང་དུ་ཞུགས་ཏེ་འདུག་གོ། །དེ་
D1.001.0259b04.01དག་གིས་བསླང་བར་བརྩམས་ཏེ། གྲོ་བཞིན་སྐྱེས་སྙིང་རྗེ་དང་ལྡན་པ་ཁྱོད་ཀྱིས་བདག་ཅག་བཀྲེས་པས་ཉེན་པ་ལ་བྱིན་ཅིག །དེས་གཅིག་ལ་ཁམ་གཅིག་བྱིན་པ་དང་ཕུབ་མར་གྱུར་ཏོ། །ཡང་གཅིག་ལ་ཁམ་གཅིག་བྱིན་པ་དང་ལྕགས་ཀྱི་ཐུ་ལུམ་ཟ་བར་
D1.001.0259b05.01གྱུར་ཏོ། །ཡང་གཅིག་ལ་ཁམ་གཅིག་བྱིན་པ་དང་དེ་རང་གི་ཤ་ལ་ཟ་བར་གྱུར་ཏོ། །ཡང་གཅིག་ལ་ཁམ་གཅིག་བྱིན་པ་དང་རྣག་ཁྲག་ཏུ་གྱུར་ཏོ། །དེ་དྲི་ཚོར་ནས་བྱུང་སྟེ། གྲོ་བཞིན་སྐྱེས་ཁྱོད་ལ་ཁོ་མོས་མ་ཟློག་གམ། ཅིའི་ཕྱིར་འདི་དག་ལ་སྦྱིན་ཅི་ཁོ་
D1.001.0259b06.01མོའི་སྙིང་རྗེ་ལས་ཁྱོད་ཀྱི་སྙིང་རྗེ་ལྷག་གམ། དེས་སྨྲས་པ། སྲིང་མོ་འདི་དག་ཁྱོད་ཀྱི་ཅིར་འོང་། དེས་སྨྲས་པ། འདི་ནི་ཁོ་མོའི་ཁྱིམ་ཐབ་ཡིན། འདི་ནི་བུ་ཡིན། འདི་ནི་མནའ་མ་ཡིན། འདི་ནི་ཁོ་མོའི་བྲན་མོ་ཡིན་ནོ། །ཁྱེད་ཅག་སུ་དག་ཅིག །
D1.001.0259b07.01