完整藏文原文 · 德格版页 当前仅加载第 94 函德格 175b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་དོ། །དེ་ལ་བུམ་པ་ལ་འདྲིར་གཞུག་པར་བྱ་སྟེ། གཞོན་ནུ་མས་བཀལ་བའི་སྲད་བུ་གཙོ་བོའི་སྔགས་ཀྱིས་མདུད་པ་བརྒྱད་བརྒྱ་བྱས་ནས་བུམ་པ་དེ་ལ་བཅིང་བར་བྱའོ། །རིམ་པ་དེ་དངོས་གྲུབ་དང་དངོས་གྲུབ་མེད་པར་སྟོན་པར་བྱེད་དོ། །ཉི་མ་གཉིས་པ་ལ་མདུད་པ་
D724.094.0175b01.01ཐམས་ཅད་དགྲོལ་བར་བྱའོ། །རྣམ་པ་གཞན་དུ་ན་རིག་པས་བཅིངས་ཏེ་མ་གྲོལ་བཞིན་པ་དོན་མེད་པར་བྱེད་པོ་དེ་ལྟ་བུ་ལ་སོགས་པ་སྔགས་དེ་ལས་བཅོ་བརྒྱད་དུ་འགྱུར་རོ། །འདི་ནི་ལྷག་པར་གནས་པ་ཐམས་ཅད་དང་སྔགས་ཐམས་ཅད་ཀྱི་སྒྲུབ་པའི་ཐབས་ཏེ། དེ་ལ་རིག་
D724.094.0175b02.01པའི་སྔགས་ཀྱི་སྦྱོར་བའི་ཁྱད་པར་བརྗོད་པར་བྱ་སྟེ། གང་དུ་བསྒྲུབ་པ་བྱ་བཞིན་པའི་སྐྱེས་བུ་ལ་མཐོང་བ་སྦྱིན་པ་བྱེད་དེ། དེ་ལ་སྐྱེས་བུ་ལྷག་པའི་ལྷ་དེ་སྐྱེས་བུ་ལ་ཉེ་བར་གནས་པར་རྟོག་པར་བྱེད་དེ། སྔགས་དེ་གང་གིས་བསྒྲུབ་པར་བྱ་བཞིན་པ་ལ་མཐོང་བ་སྦྱིན་པར་བྱེད་དོ། །
D724.094.0175b03.01ལྷག་པའི་ལྷ་དེ་ཉེ་བར་གནས་པར་རྟོག་པར་བྱེད་དོ། །འདི་ནི་རིག་པའི་སྔགས་ཀྱི་ཁྱད་པར་རོ། །སྔགས་འདིའི་སྒྲུབ་པའི་ཐབས་ཀྱི་ཆོ་ག་ནི་དཀྱིལ་འཁོར་གྲུ་བཞི་པ་ཉེ་བར་བྱུགས་ཏེ་དེའི་དབུས་སུ་སངས་རྒྱས་ཀྱི་གཟུགས་བརྙན་ཞལ་ནུབ་ཏུ་ཕྱོགས་པར་བཞུགས་ནས་དེའི་
D724.094.0175b04.01གཡས་ཀྱི་ཕྱོགས་སུ་བཅོམ་ལྡན་འདས་མ་གཞག་པར་བྱའོ། །གཡོན་དུ་ཁྲོ་བོའི་རྒྱལ་པོ་རྟ་མགྲིན་ནོ། །དེ་ནས་མྱུར་དུ་ཤར་དུ་མངོན་པར་ཕྱོགས་པས་གནས་ནས་ཀུ་ཤ་བླངས་ཏེ། བཅོམ་ལྡན་འདས་ཀྱི་གཟུགས་བརྙན་ལ་དྲི་དང་མར་མེ་ལ་སོགས་པ་མཆོད་པ་བྱས་ཨ་
D724.094.0175b05.01ག་རུ་དང་ཏུ་རུཥྐའི་བདུག་པ་བསྲེགས་ཏེ་གཏོར་མ་ཐོབ་པ་ཡང་སྦས་པའི་ཕྱོགས་བཞི་རྣམས་སུ་ཕུལ་ནས་སངས་རྒྱས་ཀྱི་གཟུགས་བརྙན་གྱི་སྤྱན་སྔར་ཀུ་ཤ་བླངས་ནས་ཉེ་བར་འདུག་སྟེ། ནད་ཐམས་ཅད་ཁྱད་པར་བྱབ་པར་བྱའོ། །ནད་ཐམས་ཅད་རྣམ་པར་ཐིམ་ཞིང་གྲོལ་བར་འགྱུར་རོ། །
D724.094.0175b06.01ཉི་མ་བདུན་པའི་ཐོ་རངས་སམ་མཚན་མོ་གསུམ་ལའོ། །སྒྲོལ་མའི་རྒྱུད་དེ་ཐམས་ཅད་ཀྱི་ཆོ་ག་འཁོར་དང་བཅས་པ་འཆང་བར་བྱེད་དོ། །རྒྱ་མཚོ་དང་། རི་བོ་དང་། དུར་ཁྲོད་རྣམས་སུ་སོ་སོར་གནས་པའི་དགེ་སློང་མ་གཞན་གང་ལ་ལས་བདག་ཉིད་སྲུང་བའི་དོན་དུ་
D724.094.0175b07.01