完整藏文原文 · 德格版页 当前仅加载第 94 函德格 169a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ནི་རིག་པ་ཐམས་ཅད་ཀྱི་འཁོར་ལོས་སྒྱུར་བ་ཉིད་དང་། མང་དུ་འདོད་པ་དང་། ཐོགས་པ་མེད་པ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་ཐམས་ཅད་ཀྱིས་མངོན་པར་འདོད་པ་སྒྲུབ་
D724.094.0169a01.01པ་བདུན་པ་ལ་མཚམས་མེད་པ་བྱེད་པས་ཀྱང་འགྲུབ་པར་འགྱུར་རོ། །ཞེས་པ་དེ་ལྟ་བུ་ཁོ་ནས་ཀུན་ཏུ་རྟོགས་པར་བྱའོ། །ཞེས་པ་སྒྲུབ་པ་ཆེན་པོ་དང་པོའི་ཆོ་ག་བཅོམ་ལྡན་འདས་མ་འཕགས་མ་སྒྲོལ་མའི་རྩ་བ་དང་པོ་ལས་བཏུས་པ་རྫོགས་སོ།། །།རས་རིས་
D724.094.0169a02.01ཀྱི་ཞལ་ཤར་དུ་ཕྱོགས་པར་བཞག་ནས་དེ་ནས་ཆོ་འཕྲུལ་གྱི་ཕྱོགས་ཀྱི་དཀར་པོའི་བརྒྱད་པའམ། ཆོ་འཕྲུལ་གྱི་ཕྱོགས་བཅུ་པ་ལ་ལས་བརྩམ་པར་བྱ་སྟེ། ལོ་མ་དང་། ནས་ཟན་དང་། མེ་ཏོག་དང་། འབྲས་བུ་དང་། ཙཱ་རུ་དང་། འདམ་པ་དང་། ཞོ་དང་། འོ་མ་དང་།
D724.094.0169a03.01ཕྱེ་དང་། དྲི་ཟའི་བཟའ་བའམ། སློང་མོ་བསླངས་པའི་བཟའ་བས་ཀྱང་རུང་སྟེ། གསོ་སྦྱོང་ཅན་གྱིས་བྱམས་པ་དང་། སྙིང་རྗེ་ཆེན་པོ་དང་ལྡན་པས་བྱང་ཆུབ་མཆོག་ཏུ་སེམས་བསྐྱེད་དེ། སེམས་ཅན་རྣམས་ཀྱི་དོན་རྗེས་སུ་བསམས་ནས་ཉི་མ་སོ་སོར་འཕེལ་བཞིན་
D724.094.0169a04.01པའི་མཆོད་པ་བྱེད་ཅིང་ཀུ་ཤ་བཏིང་བའི་མལ་སྟན་ལ་ཁྲུས་ལན་གསུམ་དུ་བྱེད་ཅིང་གོས་ལན་གསུམ་དུ་བརྗེས་ཏེ་ཀུ་ཤའི་ཁྲེས་ལ་ཉེ་བར་འདུག་ནས། ཉི་མ་རེ་རེ་ལ་ཇི་ལྟར་འབྱོར་པས་འཕེལ་བར་བྱེད་བཞིན་པས་སློང་མོ་བཟའ་བར་བྱའོ། །རྐང་པ་གཡོན་པས་བགྲོད་པ་ལ་
D724.094.0169a05.01སོགས་པ་བྱེད་ཅིང་འབུམ་ཕྲག་བཅུ་དྲུག་བཟླས་པར་བྱའོ། །དེ་ལྟར་སྔོན་དུ་བསྙེན་པ་བྱས་པས་དཀར་པོའི་བརྒྱད་པའམ་བཅུ་བཞི་པ་ལ་སྒྲུབ་པ་བརྩམ་པར་བྱ་སྟེ། དགེ་སློང་གི་དགེ་འདུན་འདྲ་བ་རྣམས་ཀྱིས་བཙལ་བར་བྱའོ། །དེ་ནས་རས་རིས་ཀྱི་ཕྱོགས་བཞིར་ས་ལས་བྱུང་བ་
D724.094.0169a06.01བུམ་པ་རྩ་བ་དང་ནག་པོ་མེད་པ་བཞི་བཅུ་དང་བཅས་པ། ཨ་མྲའི་ཡལ་འདབ་ཀྱིས་ཁ་བཀབ་པ། ས་བོན་ཐམས་ཅད་ཀྱིས་ཡོངས་སུ་བཀང་བའི་བུམ་པ་གཞག་པར་བྱའོ། །རས་རིས་ཀྱི་སྤྱན་སྔར་ཁྲུ་བཞི་པའི་ཚད་ལ་ཟངས་དང་གསེར་དང་དངུལ་ལས་བྱུང་པའམ། ས་ལས་བྱུང་བའི་བུམ་
D724.094.0169a07.01