完整藏文原文 · 德格版页 当前仅加载第 94 函德格 101b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིང་གིས་མེ་རབ་ཏུ་སྦར་ནས་ཟླ་བ་གཅིག་ཏུ་ཉི་མ་སོ་སོར་ཇི་ལྟར་འདོད་པའི་ཐུན་མཚམས་ལ་ལག་པ་གཡས་པས་མགོ་བོ་ནས་བརྩམས་ཏེ་གཏུབ་ཅིང་གཏུབ་ཅིང་སྦྱིན་སྲེག་སྟོང་ཕྲག་བརྒྱད་བྱའོ། །རྒྱལ་པོ་དབང་དུ་འགྱུར་རོ། །འདི་ནི་ཆོ་ག་གཞན་མཆོག་སྟེ་རྒྱ་མཚོའི་ལན་ཚྭ་དང་ས་ལ་མ་
D724.094.0101b01.01ལྷུང་བའི་བ་བྱུང་གཅིག་ཏུ་བྱས་ནས་ནས་ཀྱི་འགྱུར་བྱེད་དང་ལྷན་ཅིག་ནམ་མཁའི་ཆུས་བཏགས་ཏེ། སྲང་སུམ་ཅུའི་ཚད་ཀྱིས་རྒྱལ་པོའི་གཟུགས་བརྙན་བྱས་ཏེ་ཟླ་བ་གཅིག་ཏུ་ཉི་མ་སོ་སོར་ཇི་ལྟར་འདོད་པའི་ཐུན་མཚམས་ལ་ཨུ་དུམ་བཱ་རའི་ཤིང་གི་མེ་ལ་ལག་པ་གཡས་པས་རལ་གྲི་
D724.094.0101b02.01རྣོན་པོས་རྐང་པ་གཡས་པ་ནས་བརྩམས་ཏེ་གཏུབ་ཅིང་གཏུབ་ཅིང་སྦྱིན་སྲེག་བྱས་ན་རྒྱལ་པོ་དབང་དུ་འགྱུར་རོ། །ཞེས་པ་འདི་རྣམས་ནི་དབྱར་གྱི་དུས་ཀྱི་སྒྲུབ་པའི་ཐབས་རྣམས་ཏེ་འདི་ཁོ་ན་ལ་དངོས་གྲུབ་ཉེ་བར་འགྱུར་རོ། །ཡང་འདིར་གཞན་འབྱུང་སྟེ་དགུན་སྨད་ཀྱི་དུས་ཀྱི་སྒྲུབ་པ་ནི་
D724.094.0101b03.01གང་དུ་དུས་གཅིག་ཏུ་སྒྲུབ་པར་བྱེད་དོ། །འབྲུའི་ཕུབ་མ་དང་། ནས་ཀྱི་ཚིགས་དང་། ག་བི་ན་དང་། ཤུ་དག་རྣམས་གཅིག་ཏུ་བཏགས་ནས་སྲང་ལྔ་བཅུའི་ཚད་ཀྱིས་སའི་བདག་པོའི་གཟུགས་བརྙན་བྱས་ནས་ཟླ་བ་གཅིག་ཏུ་ཉི་མ་སོ་སོར་ཇི་ལྟར་འདོད་པའི་དུས་ཚོད་ལ་ནིམ་པའི་ཤིང་གི་མེ་ལ་
D724.094.0101b04.01ནུབ་ཏུ་མགོ་བཞག་ནས་རྐང་པ་ཤར་དུ་ཕྱོགས་པའི་གཟུགས་བརྙན་གྱི་མགོ་བོ་ནས་བརྩམས་ཏེ་ལག་པ་གཡས་པས་རལ་གྲི་རྣོན་པོས་གཏུབ་ཅིང་གཏུབ་ཅིང་སྦྱིན་སྲེག་སྟོང་བྱའོ། །རྒྱལ་པོ་དབང་དུ་འགྱུར་རོ། །ཆོ་ག་གཞན་ནི་ཨ་རུ་ར་དང་། སྐྱུ་རུ་རའི་འབྲས་བུ་དང་། ཤྲི་བཱ་
D724.094.0101b05.01ས་ཀ་དང་། ཀུན་ཏུ་རུ་ཀ་དང་། བ་ལས་བྱུང་བའི་མར་རྣམས་ལྷན་ཅིག་བཏགས་པ་སྲང་སུམ་ཅུའི་མི་བདག་གི་གཟུགས་བརྙན་བྱས་ནས་ནུབ་ཏུ་མགོ་བཞག་སྟེ་སྔར་བཞིན་དུ་པ་ལཱ་ཤའི་མེ་ལ་ཟླ་བ་གཅིག་ཏུ་ཉི་མ་སོ་སོར་ཇི་ལྟར་འདོད་པའི་དུས་ཚོད་ལམ་ལ་སྦྱིན་སྲེག་སྟོང་ཕྲག་བརྒྱད་
D724.094.0101b06.01བྱའོ། །རྒྱལ་པོ་མངག་གཞུག་པ་བཞིན་དུ་རྟག་ཏུ་དབང་དུ་འགྱུར་རོ། །ཆོ་ག་བཞིན་བ་རུ་རའི་འབྲས་བུ་དང་། ནས་དང་། ཙི་ཀ་སེང་འདབ་མ་དང་། རྩ་བ་དང་བཅས་པ་དང་། ཏིལ་དང་ཡུངས་ཀར་དཀར་པོ་རྣམས་གཅིག་ཏུ་བྱས་ཏེ་བ་ལས་བྱུང་བའི་མར་ལྷན་ཅིག་བཏགས་ནས་སྲང་
D724.094.0101b07.01