完整藏文原文 · 德格版页 当前仅加载第 94 函德格 52b 版页；藏文 NFD、目录标记与异常页序保留在来源切片中，重复版页行以稳定序号区分。
ཞི་བར་འདོད་ན་འབྲས་ཡོས་ཀྱི་སྲེག་བླུགས་ཀྱིས་སྦྱིན་སྲེག་བརྒྱད་བརྒྱ་བྱས་ན་ཞི་བར་འགྱུར་རོ། །རྒྱས་པར་འདོད་ན་འོ་མ་ཅན་གྱི་ཡམ་ཤིང་གིས་མེ་སྦར་ནས་ཏིལ་དང་འབྲས་ཐུག་པོ་ཆེས་ཐུན་གསུམ་དུ་སྦྱིན་སྲེག་བརྒྱད་བརྒྱར་བྱའོ། །ཉི་མ་གསུམ་དུ་ཨ་མྲའི་ཡམ་ཤིང་གིས་མེ་
D724.094.0052b01.01སྦར་ནས་དུར་བྷ་དང་ཚེར་མ་ཅན་གྱི་སྦྱིན་སྲེག་སྟོང་ཕྲག་བརྒྱད་བྱའོ། །རྩོད་པར་འདོད་པ་རྣམས་ཀྱི་སྨྲ་བའི་མཆོག་ཏུ་འགྱུར་རོ། །ཉི་མ་སོ་སོར་འབྲུ་རློན་པ་དང་། ཕུབ་མ་རྣམས་ལག་པ་གཡོན་པས་སྦྱིན་སྲེག་བྱས་ནས་མིང་ནས་སྨོས་ན་མཚན་མོ་བདུན་གྱིས་དབང་དུ་འགྱུར་རོ། །
D724.094.0052b02.01རྒྱལ་པོའི་ཡམ་ཤིང་གིས་མེ་སྦར་ནས་ཏིལ་དང་འབྲས་ཐུག་པོ་ཆེའི་སྦྱིན་སྲེག་ཐུན་མཚམས་གསུམ་དུ་སྟོང་ཕྲག་བརྒྱད་བྱའོ། །ཉི་མ་གསུམ་དུ་ཨ་མྲའི་ཡམ་ཤིང་གིས་མེ་སྦར་ནས་དུར་བྷ་དང་ཚེར་མ་ཅན་གྱི་སྦྱིན་སྲེག་སྟོང་ཕྲག་བརྒྱད་བྱའོ། །ཉི་མ་བདུན་གྱིས་སྐྱེས་བུ་ཆེན་པོ་
D724.094.0052b03.01རྣམས་དབང་དུ་འགྱུར་རོ། །འོ་མ་དང་བ་ལང་གི་གཅིན་དང་ནས་ཟན་དང་བསོད་སྙོམས་ཟ་བའམ་མི་སྨྲ་བའི་བརྟུལ་ཞུགས་ཀུན་ཏུ་སྤྱད་ཅིང་གཙང་མས་གོས་གཙང་མ་དང་ཤིང་ཤུན་འཆང་བས་སྒྲུབ་པ་བྱས་ཏེ། །གང་གར་གཏུན་ཤིང་གི་སྒྲ་དང་བྲལ་བ་གཙང་མའི་ཕྱོགས་སུ་ཆུ་
D724.094.0052b04.01བོའི་འགྲམ་གཉིས་ཀྱིས་བླངས་ནས་ཁྲུ་བདུན་པའི་སའི་གོང་བུ་བཞི་བྱས་ནས་དབུས་སུ་འདབ་མ་སྟོང་གི་པདྨ་བྱས་ཏེ། དེའི་སྟེང་དུ་བདེ་བར་གཤེགས་པའི་མཐོ་གང་གི་ཚད་ཀྱི་ལྕགས་ལྔ་ལས་བྱས་པའི་འཁོར་ལོ་རབ་ཏུ་བཞག་ནས་དཀྱིལ་འཁོར་གྱི་དབུས་སུ་བྲིས་སྐུའི་སྤྱན་
D724.094.0052b05.01སྔར་བསྒྲུབ་པར་བྱའོ། །དྲི་ཞིམ་པོའི་དྲི་རྣམས་དང་ཙནྡན་དཀར་དམར་གྱིས་མཆོད་ནས་མནྡ་ར་བའི་མེ་ཏོག་དང་། བདུག་པ་དང་ཕྲེང་བ་བརྒྱ་ཕུལ་ནས་བཅོམ་ལྡན་འདས་ལ་དྲི་དང་། མེ་ཏོག་དང་། བདུག་པ་ལ་སོགས་པའི་མཆོད་པ་བྱའོ། །མར་གྱི་མར་མེའི་ཕྲེང་བ་བདུན་དབུལ་
D724.094.0052b06.01བར་བྱའོ། །ཕྱོགས་བཞིར་མར་གྱི་བུམ་པ་བཞི་རབ་ཏུ་སྦར་བར་བྱའོ། །ཕྱོགས་བཞིར་བུམ་པ་བཞི་ས་བོན་ཐམས་ཅད་ཀྱིས་གང་བར་རིན་པོ་ཆེ་རྣམས་བཅུ་གནས་གཞག་པར་བྱའོ། །ཨ་ག་རུ་དང་། ཀུན་དུ་རུ་ཀ་དང་། དཔལ་རྣམས་བཏགས་པ་དང་། གུ་གུལ་གྱི་བདུག་པ་དབུལ་
D724.094.0052b07.01