完整藏文原文 · 德格版页 当前仅加载第 94 函德格 113a 版页；藏文 NFD、目录标记与异常页序保留在来源切片中，重复版页行以稳定序号区分。
ཁུ་ཚུར་བཅིངས་པས་མི་སྣང་བར་འགྱུར་ཏེ་བཀྲོས་པ་སྣང་བར་འགྱུར་རོ། །རིང་བསྲེལ་དང་བཅས་པའི་མཆོད་རྟེན་ནམ་ཆུ་ཀླུང་གི་འགྲམ་དུ་རས་རིས་བཞུགས་སུ་གསོལ་ནས་པདྨ་འབུམ་གྱིས་སྦྱིན་སྲེག་བྱ་སྟེ་དཔལ་མོ་མཐོང་ངོ་། །མཱ་ཥས་དེ་བཞིན་དུ་མཆོག་སྩོལ་
D724.094.0113a01.01བར་བྱེད་དོ། །ཆོ་ག་འདི་ཉིད་ཀྱིས་ཨུཏྤ་ལ་སྔོན་པོས་འབུམ་སྦྱིན་སྲེག་བྱ་སྟེ་གཏེར་མཐོང་ངོ་། །གུ་གུལ་གྱི་རིལ་བུས་འབུམ་སྦྱིན་སྲེག་བྱ་སྟེ་དོང་ཙེ་འབུམ་རྙེད་དོ། །དྲི་ཞིམ་པོའི་མེ་ཏོག་འབུམ་སྦྱིན་སྲེག་བྱ་སྟེ་གོས་བྱེ་བ་རྙེད་དོ། །གུ་གུལ་གྱི་བདུག་པ་བརྒྱད་བརྒྱས་ཡིད་ལ་
D724.094.0113a02.01མངོན་པར་འདོད་པ་རྙེད་དོ། །རས་རིས་ཀྱི་སྤྱན་སྔར་ཉི་མ་སོ་སོར་ཡུངས་ཀར་སྟོང་ཕྲག་བརྒྱད་སྦྱིན་སྲེག་བྱ་སྟེ་ཉི་མ་གསུམ་ལ་དོང་ཙེ་ཉི་ཤུ་རྩ་ལྔ་རྙེད་དོ། །ཆོ་ག་འདི་ཉིད་ཀྱིས་མཚན་མོ་བདུན་དུ་སྦྱིན་སྲེག་བྱའོ། །དོང་ཙེ་ཡང་དག་པར་རྙེད་དོ། །ལན་ཚྭ་ལས་བྱུང་བའི་གཟུགས་
D724.094.0113a03.01བརྙན་བྱས་ནས་གཏུབ་ཅིང་གཏུབ་ཅིང་སྦྱིན་སྲེག་བྱའོ། །འདོད་པའི་སྐྱེས་བུ་དང་བུད་མེད་དེ་དབང་དུ་འགྱུར་རོ། །བཞི་གས་ཀྱང་གོས་སོ། །ཡུངས་ཀར་ལ་མར་གྱིས་བཏགས་པའི་སྟོང་ཕྲག་བརྒྱད་སྦྱིན་སྲེག་བྱའོ། །ཉི་མ་གསུམ་གྱིས་བགེགས་ཐམས་ཅད་ཉེ་བར་
D724.094.0113a04.01ཞི་བར་བྱེད་དོ། །ཆུར་རྐང་པ་གཅིག་བཅུག་ནས་དེ་བཞིན་དུ་ཐང་ལ་སྟེ། ཇི་སྲིད་དུ་ཆུར་གནས་པའི་རྐང་པ་ཡང་བར་གྱུར་པ་དེ་སྲིད་དུ་བཟླས་པར་བྱའོ། །སྡིག་པ་ལས་གྲོལ་བར་འགྱུར་རོ། །ཨརྒའི་ཤིང་གིས་མེ་རབ་ཏུ་སྦར་ནས་སྐེ་ཚེ་སྟོང་ཕྲག་བརྒྱད་སྦྱིན་སྲེག་
D724.094.0113a05.01བྱ་སྟེ་ཉི་མ་བདུན་གྱིས་ལས་ཀྱི་སྒྲིབ་པ་ཟད་པར་བྱེད་དོ། །ཚངས་མ་དང་། སླེ་ཏྲེས་དང་། ཤུ་དག་དང་། པི་པི་ལིང་གི་ཕྱེ་མ་ཆ་མཉམ་པར་བྱས་ནས་སྦྲང་རྩི་དང་ལྷན་ཅིག་པས་འཕགས་པ་འཇམ་དཔལ་གྱི་སྤྱན་སྔར་ལན་ཉི་ཤུ་རྩ་གཅིག་ཡོངས་སུ་བཟླས་ནས་ལྷག་པར་
D724.094.0113a06.01བྱས་ཏེ་ཉི་མ་བདུན་ལ་དེ་བཞིན་དུ་ཡིད་གཞུངས་པར་འགྱུར་རོ། །ཉིན་མཚན་བདུན་ཕྲག་གཉིས་ཀྱིས་མཆོག་ཏུ་ཡང་ཡིད་གཞུངས་པར་འགྱུར་རོ། །ཟླ་བ་གཉིས་ཀྱི་སྦྱོར་བས་ཐོས་པ་འཛིན་པར་འགྱུར་རོ། །རས་རིས་ཀྱི་སྤྱན་སྔར་རམ་གཟུགས་བརྙན་གྱི་སྤྱན་སྔར་
D724.094.0113a07.01