完整藏文原文 · 德格版页 当前仅加载第 94 函德格 173a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ལྕགས་རྣམས་སངས་རྒྱས་ཀྱི་གཟུགས་བརྙན་གྱི་ཞབས་དྲུང་དུ་བྱའོ། །རིག་པ་གྲུབ་པ་ལ་ལྕགས་དེ་རྣམས་ལ་དབུལ་བར་བྱའོ། །ཡང་ན་སངས་རྒྱས་ལ་མཆོད་པའི་ལས་རྣམས་སོ། །དེ་ནས་ས་ལ་མ་ལྷུང་བའི་བ་བྱུང་བ་སེར་སྐྱ་ལས་བྱུང་བས་བ་
D724.094.0173a01.01ལང་གི་ལག་པའི་རྣམ་པ་ཤར་དུ་མགོ་བོ་བསྟན་པར་ཉེ་བར་བྱུགས་ནས་ཁའི་རྩ་བར་ཤར་གྱི་ལུས་འཕགས་ཀྱི་གླིང་ཟླུམ་པོ་བྱའོ། །ལྷོའི་(རྐད་,རྐང་)པ་གཉིས་སུ་འཛམ་བུའི་གླིང་ཟུར་གསུམ་པ། ལྷོ་ནུབ་ཏུ་རས་རིས་ཀྱི་སྤྱན་སྔར་ནུབ་བ་ལང་སྤྱོད་ཀྱི་གླིང་ཟླུམ་པོ་བྱའོ། །ནུབ་ཀྱི་རྐང་པའི་
D724.094.0173a02.01མདུན་དུ་བྱང་སྒྲ་མི་སྙན་གྱི་གླིང་གྲུ་བཞི་མཉམ་པའོ། །ངག་སྦྱིན་གྱི་ཕྱོགས་སུ་སངས་རྒྱས་ཀྱི་གཟུགས་བརྙན་ཞལ་ནུབ་ཏུ་ཕྱོགས་པ་གཞག་པར་བྱའོ། །དེའི་གཡོན་གྱི་གཞོགས་སུ་བཅོམ་ལྡན་འདས་མ་སྒྲོལ་མ་འདྲིར་གཞུག་པར་བྱའོ། །རི་མོར་བྱས་སམ་ས་ལས་བྱུང་བ་
D724.094.0173a03.01གཞག་པར་བྱའོ། །དེ་ནས་སངས་རྒྱས་ལ་གུས་པ་དང་བཅས་པས་དྲི་དང་མེ་ཏོག་ལ་སོགས་པ་སེར་པོ་ཇི་ལྟ་བ་དང་། ཚད་མེད་པའི་མར་གྱི་མར་མེ་རྣམས་དབུལ་བར་བྱའོ། །བཅོམ་ལྡན་འདས་མའི་སྤྱན་སྔར་མར་གྱི་མར་མེ་དབུལ་བར་བྱའོ། །གླིང་པར་རྣམས་སུ་སྦྲང་རྩིས་
D724.094.0173a04.01བཀང་བ་དང་། མར་གྱི་མར་མེའམ། ཏིལ་མར་གྱི་མར་མེ་དབུལ་བར་བྱའོ། །ཤར་གྱི་ཕྱོགས་སུ་ཙནྡན་བཏགས་པའི་བདུག་པ་དྲི་ཟ་རྣམས་ལ་དབུལ་བར་བྱའོ། །བུ་རམ་གྱིས་བཀང་བ་དང་། ཕྱེའི་སྐྱོ་མ་དང་། འོ་ཐུག་རྣམས་ལྷོའི་ཕྱོགས་སུ་བདུག་པ་དང་། འབྲས་ཡོས་
D724.094.0173a05.01དང་། ཡུངས་ཀར་དང་། ཏིལ་དང་། འབྲས་ཐུག་པོ་ཆེ་རྣམས་བསྲེས་པ་དང་། ཏིལ་གྱི་ཐུག་པ་དང་། ཆང་གིས་བཀང་བ་ཡང་གྲུལ་བུམ་རྣམས་ལ་དབུལ་བར་བྱའོ། །ནུབ་ཀྱི་ཕྱོགས་སུ་མར་དང་གུ་གུལ་གྱི་བདུག་པ་དབུལ་ཞིང་འོ་མས་བཀང་བ་དང་། འོ་ཐུག་རྣམས་ཀྱང་ཀླུ་
D724.094.0173a06.01དང་འདབ་བཟང་རྣམས་ལ་དབུལ་བར་བྱའོ། །བྱང་གི་ཕྱོགས་སུ་ཀུན་ཏུ་རུའི་བདུག་པ་དང་། རྩབ་མོ་དང་། ཞོ་ཟན་ཡང་གནོད་སྦྱིན་རྣམས་ལ་དབུལ་བར་བྱའོ། །ཀུན་ཏུ་རུ་ཀ་མ་རྙེད་ན་ཙནྡན་བཏགས་པའམ། སྲ་རྩི་པོག་ཀྱང་རུང་ངོ་། །ཕྱེའི་སྐྱོ་མ་དང་། སྦྲང་རྩིས་བཀང་བ་
D724.094.0173a07.01