完整藏文原文 · 德格版页 当前仅加载第 94 函德格 82b 版页；藏文 NFD、目录标记与异常页序保留在来源切片中，重复版页行以稳定序号区分。
སྒྲུབ་པར་བྱེད་པ། ནད་ཐམས་ཅད་གསོ་བར་བྱེད་པ། ཐམས་ཅད་དུ་བཀླགས་པས་གྲུབ་པ། འཇིགས་པ་ཐམས་ཅད་དང་། ཉེ་བར་འཚེ་བ་ཐམས་ཅད་ལས་ཕྲན་ཚེགས་ཐམས་ཅད་ལ་ཇི་ལྟ་ཇི་ལྟར་རབ་ཏུ་སྦྱར་བ་དེ་ལྟ་དེ་ལྟར་སྒྲུབ་པར་བྱེད་དོ། །འདི་རྣམས་ཀྱི་ཆོ་ག་ཕྱོགས་ཙམ་སྟོན་པར་འགྱུར་ཏེ།
D724.094.0082b01.01དཀར་པོའི་ཕྱོགས་ཀྱི་ཚེས་གཅིག་ནས་བརྩམས་ཏེ་གསོ་སྦྱོང་ལ་གནས་པའམ། གསོ་སྦྱོང་མེད་པས་ཀྱང་རུང་སྟེ། དྲི་དང་མེ་ཏོག་ལ་སོགས་པ་རྣམས་ཀྱིས་ཉི་མ་རེ་རེ་ལ་མཆོད་པ་བྱས་ནས་འབུམ་ཕྲག་གཅིག་བཟླས་པར་བྱའོ། །མཐར་ཉིན་ཞག་གཅིག་སྨྱུང་བར་གནས་པས། རས་རིས་
D724.094.0082b02.01སམ། སྐུ་གཟུགས་ཀྱི་སྤྱན་སྔར་ཀུ་ཤའི་ཁྲེས་ལ་ཉེ་བར་འདུག་སྟེ། ཇི་སྐད་གསུངས་པའི་རིམ་པས་བདག་ཉིད་ཁ་ཤར་དུ་ཕྱོགས་ཏེ། སྔར་བརྗོད་པའི་ཨ་ག་རུ་ནག་པོའི་ཡམ་ཤིང་སོར་བཞི་པའི་ཚད་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱའོ། །རྟོག་
D724.094.0082b03.01པའི་རྒྱལ་པོ་འདིའམ་གཞན་གང་རུང་དུ་སྒྲོལ་མའི་རིག་པས་བརྗོད་ཅིང་གྲོལ་བར་སྦྱོང་བ་ལ་རིག་པ་མཐའ་ཡས་པ་གྲུབ་པར་འགྱུར་རོ། །རས་རིས་གཞན་འདོད་ན་གསོ་སྦྱོང་ཅན་གྱིས་དཀར་པོའི་བཅོ་ལྔ་ལ་རིང་བསྲེལ་དང་བཅས་པའི་མཆོད་རྟེན་དུ་ས་ལ་མ་ལྷུང་བའི་བ་ལང་གི་ལྕི་བས་དཀྱིལ་འཁོར་
D724.094.0082b04.01བྱུགས་ཏེ་མེ་ཏོག་དང་། བདུག་པ་དང་། མར་གྱི་མར་མེ་ལ་སོགས་པས་མཆོད་པ་བྱས་ནས་ཨུ་དུམ་བཱ་རའི་ཤིང་གིས་མེ་སྦར་ཏེ་ཚངས་པའི་ཡམ་ཤིང་གིས་སྦྱིན་སྲེག་སྟོང་ཕྲག་བརྒྱད་བྱ་སྟེ་ཙཱ་རུའི་བཟའ་བས་ཡིད་གཞུངས་པར་འགྱུར་རོ། །འོ་མའི་སྦྱིན་སྲེག་བྱས་པས་བྲམ་ཟེ་རྣམས་དབང་དུ་
D724.094.0082b05.01འགྱུར་རོ། །ཙཱ་རུའི་བཟའ་བས་སྦྱིན་སྲེག་བྱ་སྟེ། རྒྱལ་རིགས་དབང་དུ་འགྱུར་རོ། །ནས་དང་ཞོ་བསྲེས་པ་དང་ཙཱ་རུ་དང་གཅིག་ཏུ་བྱས་ནས་སྦྱིན་སྲེག་བྱ་སྟེ། རྗེ་རིགས་དབང་དུ་འགྱུར་རོ། །དགྲ་ལ་བལྟས་ནས་བཟླས་པ་བྱ་སྟེ་རེངས་པར་འགྱུར་རོ། །ལན་བདུན་མངོན་པར་བསྔགས་
D724.094.0082b06.01པའི་ཆུས་བྱབས་པས་ཐམས་ཅད་སེལ་བར་བྱེད་དོ། །དུག་ཐམས་ཅད་ལ་ཡང་ཉེ་བར་བྱབས་པས་སོ། །ཞུ་མཁན་གྱི་རིལ་བུ་ལན་བདུན་མངོན་པར་བསྔགས་པས་མིག་ནད་སེལ་བར་བྱེད་དོ། །ན་བ་ལ་སྐུད་པས་བཅིང་བར་བྱ་སྟེ། གདོན་ཐམས་ཅད་སེལ་བར་བྱེད་དོ། །གཙུག་
D724.094.0082b07.01