完整藏文原文 · 德格版页 当前仅加载第 94 函德格 142a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱན་རས་གཟིགས་དབང་ཕྱུག་སྟན་ལས་ལངས་ནས་བླ་གོས་ཕྲག་པ་གཅིག་ཏུ་བྱས་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་གང་ན་བ་དེར་ཐལ་མོས་ཕྱག་འཚལ་ནས། བཅོམ་ལྡན་འདས་ཤཱཀྱ་ཐུབ་པ་ལ་ཐ་མི་དད་པའི་ཚིགས་
D724.094.0142a01.01སུ་བཅད་པས་བསྟོད་པའི་ཚིག་གིས་མངོན་པར་བསྟོད་དོ། །ཤཱཀྱའི་རྒྱལ་པོ་ལྷ་ཡི་རྒྱལ། །ཕུན་ཚོགས་ཡོན་ཏན་དུ་མ་ཅན། །རབ་བསྔགས་རྫུ་འཕྲུལ་རབ་མ་ཉམས། །རྒྱུན་དུ་དཀར་བའི་གོས་དང་ལྡན། །མཆོད་སྡོང་ཞལ་ནི་འདམ་སྐྱེས་དྲི། །བློ་བཟང་
D724.094.0142a02.01སྙིང་པོ་བསྟན་པ་འཛིན། །གང་ཕྱིར་ཁྱོད་ནི་ཕུན་ཚོགས་ཉིད། །འདི་ནི་འགྲོ་བ་དེ་དག་གི། །དགའ་བས་དགའ་བར་བྱེད་པ་ནི། །མགོན་པོ་ལྷ་རྣམས་ཀྱི་ནི་སྟེ། །རང་བཞིན་དྲན་པས་ཀུན་ཏུ་སྣང་། །དེ་ཡི་ཚིག་ནི་རབ་རིག་པ། །དཔའ་དེ་ཆགས་པ་ཟད་པ་ཉིད། །
D724.094.0142a03.01འབྲས་བུ་གསུམ་ཉིད་འཛིན་པར་བྱེད། །དེ་དེ་གཞན་དུ་དེ་ཡིས་ནི། །ལྷ་ཡི་མཛེས་མས་ཀུན་བསྲུངས་པ། །བརྒྱད་ཀྱིས་འདིར་ནི་དབང་ཞལ་ལས། །སྐྱེས་པའི་དཔའ་བོ་རབ་སྟོབས་དང་། །གཡོ་བའི་སྤྲོ་དགའི་དབང་པོ་དང་། །ཀུན་ནས་གསེར་གྱི་རི་དང་ལྡན། །
D724.094.0142a04.01ཅོད་པན་ཡང་ནི་ལྷན་ཅིག་གདན། །ལྷ་དང་ལྷ་མིན་ལྷར་བཅས་པའི། །ལྷག་པའི་ཐེག་པ་ཐམས་ཅད་ཀྱང་། །འཇིག་རྟེན་བར་དོའི་སྲིད་པ་དང་། །སྐྱེ་བ་ཁྱོད་ཀྱི་སྲོག་ལ་སོགས། །བྱུང་བ་མཛེས་ལྡན་རང་ཉིད་ཀྱི། །འདི་ཡི་མིག་ནི་དགའ་བ་སྟེ། །གང་རྣམས་ཟླ་བ་ལྟ་
D724.094.0142a05.01བུར་དཀར། །ལྷ་རྣམས་ཀྱིས་བཟུང་རི་བོང་ཅན། །ཀུན་ད་དུ་ཀུ་དཀར་པོ་ཡི། །གོས་ནི་མནབས་ཉིད་ཙ་ཀོར། །བརྒྱ་བྱིན་འདབ་བརྒྱ་པ་ཡི་མིག །ས་སྲུངས་ཕྲག་པར་ཕྱོགས་གཅིག་འགྲོ། །བླ་མའི་རི་ལ་རི་བོང་ཅན། །རྒྱལ་པོའི་དཔུང་ལྡན་བརྒྱ་བྱིན་ནི། །མིག་བརྒྱ་བརྩོན་
D724.094.0142a06.01འགྲུས་མ་ཉམས་པས། །གྲངས་དང་ཆུ་གཏེར་ཆུ་འབྱིན་པ། །ཚོགས་ཀྱི་སྒྲ་ནི་དགའ་བ་དང་། དྲི་མེད་སྤྱན་ནི་དགའ་བ་ལའང་། །ཉི་མའི་འོད་ཟེར་དམ་པ་ནི། །རྣམ་པས་ཟས་དང་དྲི་འཁོར་བ། །བུམ་དཀར་གང་བ་སོ་སོ་ཡི། །བུམ་པ་དེ་རྣམས་དབང་བསྐུར་ཞིང་། །ཙནྡན་ས་
D724.094.0142a07.01