完整藏文原文 · 德格版页 当前仅加载第 94 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་སྦར་ཏེ་དར་ཆེན་པོས་བསྐོར་ལ། ཇི་ལྟར་སྐྱེས་པའི་ཁྲག་གིས་སྦྱིན་སྲེག་གྱིས་ཤིག །ཉི་མ་བདུན་པ་ལ་འཇིགས་པའི་ང་རོ་ཅན་གྱི་གཤེད་བྱེད་མཚན་མོ་ཕྱེད་ནས་ལང་བར་བྱེད་དོ། །ཡང་དག་པར་བསྔགས་པས་ཇི་ལྟར་བརྗོད་པའི་གནས་སུ་ཡང་བྱིན་གྱིས་བརླབས་པ་སྦྱིན་པར་
D724.094.0162b01.01བྱའོ། །འདི་ནི་བཅོམ་ལྡན་འདས་མའི་བྱིན་གྱིས་བརླབས་པས་ཇི་ལྟར་བདེ་བར་མངོན་པར་བདེ་བར་བྱེད་དོ། །དེ་ནས་གནས་ཁ་ཅིག་ཏུ་མི་རྣམས་འཆི་བ་དང་། གནས་ཁ་ཅིག་ཏུ་མེ་འབར་བར་མཐོང་བ་དང་། གནས་ཁ་ཅིག་ཏུ་ལྕགས་སྒྲོག་བཅིངས་པ་མཐོང་ངོ་། །དེ་ལྟར་
D724.094.0162b02.01གཤེད་བྱེད་དེ་རྣམ་པར་རྒྱུ་བར་བྱེད་དོ། །དེ་ཞི་བའི་དོན་དུ་བཅོམ་ལྡན་འདས་ཀྱི་སྤྱན་སྔར་པདྨ་སྟོང་ཕྲག་བརྒྱད་དབུལ་བར་བྱའོ། །མཆོག་ཏུ་ཞི་བར་འགྱུར་རོ། །དགྲ་རྣམས་སྐྱེད་པར་བྱེད་པར་འདོད་ན་དུར་ཁྲོད་དུ་སོང་ནས་དུར་ཁྲོད་ཀྱི་ཤིང་གི་མེ་རབ་ཏུ་སྦར་ཏེ་ཡུངས་ཀར་དཀར་པོ་ལ་
D724.094.0162b03.01ཏིལ་ནག་པོའི་ཏིལ་མར་གྱིས་བཏགས་པ་སྟོང་ཕྲག་བརྒྱད་སྦྱིན་སྲེག་གྱིས་ཤིག །འགྲོ་བར་བྱེད་དོ། །དེ་ནས་རིམས་ཀྱིས་འཛིན་པར་འདོད་ན་དུར་ཁྲོད་ཀྱི་མེ་ལ་དུར་ཁྲོད་ཀྱི་ཐལ་བ་སྟོང་ཕྲག་བརྒྱད་སྦྱིན་སྲེག་གྱིས་ཤིག །རིམས་ཆེན་པོས་འཛིན་ཏོ། །ཞི་བའི་དོན་དུ་ཆུ་ལ་བརྒྱ་
D724.094.0162b04.01རྩ་བཟླས་ཏེ་མགོ་བོར་སྦྱིན་པར་བྱའོ། །རིམས་ལས་གྲོལ་ལོ། །མགོ་བོ་ཟུག་རྔུས་འཛིན་པར་འདོད་ན་བ་བྱུང་གི་གཟུགས་བརྙན་ལ་མི་རུས་ཀྱི་ཕུར་བུ་ལ་སྟོང་ཕྲག་བརྒྱད་བཟླས་ལ་མགོ་བོར་ཕུར་བུས་གདབ་བོ། །མགོ་བོ་ཟུག་རྔུ་ཆེན་པོས་འཛིན་ཏོ། །ཕུར་བུ་བཏོན་པས་ཞི་
D724.094.0162b05.01པར་འགྱུར་རོ། །དབང་པོ་ལ་བཏབ་ན་མ་ནིང་དུ་འགྱུར་རོ། །བཏོན་ན་ཐར་རོ། །སྙིང་གར་བཏབ་ན་གཟེར་ཆེན་པོར་འགྱུར་རོ། །བཏོན་ན་ཐར་རོ། །སེང་ལྡེང་གི་ཕུར་བུ་ཤ་དང་ཁྲག་གིས་བཏགས་པ་སྲད་བུས་དཀྲིས་པ་ལ་བརྒྱད་བརྒྱ་བཟླས་པ་མི་རུས་ཀྱི་ཕུར་བུའི་མགོ་
D724.094.0162b06.01བོར་གདབ་པར་བྱའོ། །དགྲའི་སྒོར་བཏབ་ན་ཐོ་རངས་འབྲོས་པར་བྱེད་དོ། །ཇི་སྲིད་ཕུར་བུ་བཏོན་པར་མ་གྱུར་གྱི་བར་དུ་གང་དུའང་གནས་པར་མི་བྱེད་དོ། །རྒྱལ་པོ་སྐྱེད་པར་འདོད་ན་ལྷ་ཆེན་པོའི་ཁང་པར་སོང་ནས་ལྷ་ལ་དུག་དང་ཁྲག་གིས་བྱུགས་ཏེ་ཤ་ཆེན་པོའི་བདུག་པ་དབུལ་
D724.094.0162b07.01