完整藏文原文 · 德格版页 当前仅加载第 94 函德格 124a 版页；藏文 NFD、目录标记与异常页序保留在来源切片中，重复版页行以稳定序号区分。
ཡུལ་སོ་སོར་རྙེད་དོ། །ཨརྒའི་ཡམ་ཤིང་གི་སྦྱིན་སྲེག་འབུམ་གྱིས་ཤིག །དོང་ཙེ་སྟོང་རྙེད་དོ། །མར་སར་གྱི་སྲེག་བླུགས་འབུམ་སྦྱིན་སྲེག་གྱིས་ཤིག །ཡུལ་གྲུ་ལྔ་སོ་སོར་རྙེད་དོ། །པུཎྜ་རཱི་ཀའི་མེ་ཏོག་འབུམ་སྦྱིན་སྲེག་གྱིས་ཤིག །
D724.094.0124a01.01གོས་བྱེ་བ་བཞི་རྙེད་དོ། །འོ་མའི་སྲེག་བླུགས་འབུམ་སྦྱིན་སྲེག་གྱིས་ཤིག །བ་ལང་དང་ནོར་ཡོངས་སུ་གཞལ་བ་རྙེད་དོ། །བྱང་ཆུབ་ཤིང་གི་ཡམ་ཤིང་འབུམ་སྦྱིན་སྲེག་གྱིས་ཤིག །མ་བླངས་པར་ཁྱིམ་ཕུན་སུམ་ཚོགས་པར་བྱེད་དོ། །སྣ་མའི་
D724.094.0124a02.01མེ་ཏོག་འབུམ་སྦྱིན་སྲེག་གྱིས་ཤིག །རྣམ་པར་བཏགས་པའི་གོས་ཟུང་བརྒྱ་རྙེད་དོ། །པཱ་མཱནྣཱའི་སྲེག་བླུགས་སྟོང་ཕྲག་བརྒྱའི་སྦྱིན་སྲེག་གྱིས་ཤིག །མཚན་མོ་བདུན་གྱིས་བྲམ་ཟེ་དབང་དུ་བྱེད་དོ། །ཀུ་མུད་འབུམ་སྦྱིན་སྲེག་གྱིས་ཤིག །ཆུང་མ་
D724.094.0124a03.01དབྱིག་དང་བཅས་པ་རྙེད་དོ། །རིའི་རྩེ་མོར་འཛེགས་ཏེ་འབུམ་ཟློས་ཤིག །ཡུལ་གང་དུ་བཟླས་པ་བྱེད་པའི་ཡུལ་དེའི་རྒྱལ་པོ་དེ་འོང་སྟེ། དོན་དུ་མ་གཉེར་བར་བུ་ཉིད་དང་ནོར་ཐམས་ཅད་རྣམ་པར་འབྱོར་བར་འགྱུར་རོ། །བུ་དང་བཅས་པ་སྲུང་བར་བྱེད་
D724.094.0124a04.01དོ། །རྒྱ་མཚོར་འགྲོ་བའི་ཆུ་ཀླུང་དུ་ཞུགས་ཏེ་དྲི་ཞིམ་པོའི་མེ་ཏོག་འབུམ་ལྷུག་ཅིག །ཕྱིས་མེ་ཏོག་རྒྱུན་ལ་བཟློག་ཕྱོགས་སུ་འོང་ངོ་། །སོས་མ་རེག་པར་བཟའ་བར་བྱའོ། །ཉི་མ་རེ་རེ་ལ་གཞུང་ལྔ་བརྒྱ་འཛིན་པར་བྱེད་ཅིང་དེ་རྣམས་འཆང་བར་བྱེད་དོ། །
D724.094.0124a05.01སྔོན་སྤྱད་པ་བྱས་པས་གཟུགས་བརྙན་གྱི་སྤྱན་སྔར་འབུམ་བཟླའོ། །དེ་ནས་གང་དུ་གཏེར་གནས་པ་དེར་སོང་ནས་རྩ་བ་དང་ནག་པོ་མེད་པའི་བུམ་པ་ཐམས་ཅད་དྲི་ཞིམ་པོས་བྱུགས་པར་བྱས་ནས་ཙནྡན་དཀར་པོ་དང་ཆུས་ཡོངས་སུ་བཀང་བ་བྱས་ཏེ་སྟོང་ཕྲག་
D724.094.0124a06.01བརྒྱད་མངོན་པར་བསྔགས་པ་ཆོ་གའི་གནས་སུ་གཞག་པར་བྱའོ། །ས་ཐམས་ཅད་འགས་པར་བྱེད་དོ། །གལ་ཏེ་གཏེར་མི་གང་ཙམ་དུ་ཡང་གནས་པར་བྱེད་དོ། །ཆུས་མི་གནོད་པ་སྟེང་དུ་གནས་སོ། །དྲན་པ་ཙམ་གྱིས་ཉེ་བར་འཚེ་བ་ཐམས་ཅད་ཉེ་བར་ཞི་
D724.094.0124a07.01