完整藏文原文 · 德格版页 当前仅加载第 94 函德格 168a 版页；藏文 NFD、目录标记与异常页序保留在来源切片中，重复版页行以稳定序号区分。
ཧ་ཀཪྞི་ཀའི་སྦྱིན་སྲེག་གྱིས་ཤིག །སྤྲུལ་རྣམས་ལ་ནཱ་ག་གེ་སར་གྱི་སྦྱིན་སྲེག་གྱིས་ཤིག །ཞི་བའི་དོན་དུ་སཱ་ལའི་ལོ་མ་དང་། འོ་མ་ཅན་གྱི་ཡམ་ཤིང་གིས་ཇི་ལྟར་མངོན་པར་འདོད་པའི་དོན་ཐམས་ཅད་ལ་ཞོ་དང་སྦྲང་རྩི་དང་མར་གྱིས་བཏགས་པ་ཐུན་གསུམ་དུ་
D724.094.0168a01.01ཉི་མ་བདུན་ནམ་ཟླ་བ་ཕྱེད་དུ་སྦྱིན་སྲེག་བྱའོ། །སངས་རྒྱས་བཅོམ་ལྡན་འདས་ལུས་དང་བྱང་ཆུབ་སེམས་དཔའ་རྣམས་ལ་མཆོད་པ་བྱས་ནས་འབུམ་བཟླས་པར་བྱའོ། །མ་གྲུབ་པ་སྒྲུབ་པར་བྱེད་དོ། །གཞན་གྱིས་བསྒྲུབས་པ་ཡང་རྣམ་པར་འཇོམས་པར་བྱེད་དོ། །ཀླུ་ལ་
D724.094.0168a02.01སོགས་པའི་གདོན་རྣམས་ལ་ཕྱོགས་བཅིང་བ་དང་། དཀྱིལ་འཁོར་བཅིང་བ་ལ་སོགས་པ་བཟླས་པ་ཉིད་ཀྱིས་བྱེད་དོ། །མཚན་མོ་བདུན་དུ་ཐུན་གསུམ་དུ་ཚེར་མའི་སྦྱིན་སྲེག་གྱིས་ཤིག །དགྲ་བཅོམ་པར་བྱེད་དོ། །ནིམ་པའི་ཡམ་ཤིང་ཚ་བའི་ཏིལ་མར་གྱིས་བཏགས་པ་
D724.094.0168a03.01སྟོང་ཕྲག་བརྒྱད་སྦྱིན་སྲེག་གྱིས་ཤིག །མཚན་མོ་བདུན་གྱིས་སྐྱེ་བར་འགྱུར་རོ། །སྐྲ་ལས་ཁྱད་པར་དུ་ཕུང་བར་བྱེད་པ་ལ་ཨ་རིཥྚའི་ཡམ་ཤིང་སྟོང་ཕྲག་བརྒྱད་སྦྱིན་སྲེག་གྱིས་ཤིག །སྐྱེས་པའི་ཤ་དང་། སྨྱོ་བྱེད་ལ་རྟག་ཏུ་བཟླས་པར་བྱ་སྟེ། ཐམས་ཅད་ཕྱིར་ལྡོག་པར་
D724.094.0168a04.01མི་འགྱུར་རོ། །གི་ཝང་ལ་ལན་ཉི་ཤུ་རྩ་གཅིག་ཡོངས་སུ་བཟླས་ནས་ཐིག་ལེ་བྱས་ཏེ་རྒྱལ་པོའི་སྒོ་རུ་དང་། ཤུ་དག་ལ་སྟོང་ཕྲག་བརྒྱད་མངོན་པར་བསྔགས་པར་བྱས་ནས། ལག་པ་ལ་བཅིངས་ནས། གང་བླངས་པ་དེ་རྙེད་དོ། །གདོན་འབྲོས་པར་བྱེད་པས་
D724.094.0168a05.01མིའི་རུས་པ་བླངས་ནས། སོར་བརྒྱད་པའི་ཚད་བྱས་ནས་བརྒྱད་བརྒྱར་མངོན་པར་བསྔགས་པ་གདོན་གྱི་གནས་སུ་གདབ་པར་བྱ་སྟེ། གདོན་འབྲོས་པར་བྱེད་དོ། །མེ་ཏོག་དང་། དྲི་དང་། འབྲས་བུ་ལ་སོགས་པ་བརྒྱད་བརྒྱར་མངོན་པར་བསྔགས་པར་བྱས་ནས་གང་
D724.094.0168a06.01བྱིན་པ་དེ་དབང་དུ་བྱེད་དོ། །རིག་པས་བགེགས་རྣམ་པར་གཞོམ་པའི་དོན་དུ་སེང་ལྡེང་གི་ཡམ་ཤིང་གི་སྟོང་ཕྲག་བརྒྱད་སྦྱིན་སྲེག་གྱིས་ཤིག །ཉི་མ་གསུམ་ནས་བགེགས་མེད་པར་འགྱུར་རོ། །དེ་ལྟ་བུ་ལ་སོགས་པའི་ཐབས་ཐམས་ཅད་བྱེད་དོ། །ཐམས་ཅད་དུ་གསོ་སྦྱོང་ཅན་གྱིས་
D724.094.0168a07.01