完整藏文原文 · 德格版页 当前仅加载第 94 函德格 110a 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་སྟོང་ཕྲག་བརྒྱད་སྦྱིན་སྲེག་བྱའོ། །ཟླ་བ་དྲུག་གིས་རྒྱལ་སྲིད་སོ་སོར་རྙེད་དོ། །མ་སྐྱེས་པའི་ལོངས་སྤྱོད་སྐྱེ་བར་འགྱུར་རོ། །ལོ་གསུམ་གྱིས་རྒྱལ་སྲིད་ཆེན་པོར་སོ་སོར་རྙེད་དོ། །ཆོ་ག་འདི་ཉིད་ཁོ་ནས་ལྕགས་ལས་བྱུང་བའི་ཕྱེ་མའི་སྦྱིན་སྲེག་བྱ་སྟེ་
D724.094.0110a01.01ལོ་གསུམ་གྱིས་མཚོན་ཆ་བཅིངས་པར་འགྱུར་རོ། །ཆོ་ག་འདི་ཉིད་ཀྱིས་གུར་ཀུམ་གྱི་སྲེག་བླུགས་དྲིའི་ཏིལ་མར་གྱིས་བཏགས་པ་འབུམ་སྦྱིན་སྲེག་བྱའོ། །ནོར་གྱི་བདག་པོ་ཆེན་པོར་འགྱུར་རོ། །དྲི་ཐམས་ཅད་ཀྱི་སྲེག་བླུགས་དང་། མར་གྱིས་སྲེག་བླུགས་
D724.094.0110a02.01འབུམ་སྦྱིན་སྲེག་བྱའོ། །ཇི་ལྟར་འདོད་པའི་གནས་སུ་དཔོན་པོ་བྱེད་དོ། །ཡང་ན་ཇི་ལྟར་མངོན་པར་འདོད་པའི་ཡུལ་སོ་སོར་རྙེད་དོ། །པ་ལཱ་ཤའི་མེ་ཉིད་ལ་ག་པུར་གྱི་སྲེག་བླུགས་མར་གྱིས་བཏགས་པ་འབུམ་སྦྱིན་སྲེག་བྱ་སྟེ་རྒྱལ་པོ་དགའ་བར་འགྱུར་རོ། །པ་ལཱ་ཤའི་མེ་
D724.094.0110a03.01ལ་སྦྱིན་སྲེག་ཙནྡན་གྱིས་ཡམ་ཤིང་དྲིའི་ཏིལ་མར་གྱིས་བཏགས་པ་འབུམ་སྦྱིན་སྲེག་བྱའོ། །ཡུལ་ཆེན་པོའི་དཔོན་པོར་འགྱུར་རོ། །གསེར་གྱི་ངང་ཚུལ་གྱིས་སྲེག་བླུགས་འབུམ་པ་ལཱ་ཤའི་མེ་ལ་སྦྱིན་སྲེག་བྱའོ། །སེམས་ཅན་ཐམས་ཅད་ཀྱིས་མི་ཚུགས་པར་འགྱུར་རོ། །ཨ་
D724.094.0110a04.01ག་རུའི་ཡམ་ཤིང་ལ་མར་གྱིས་བཏགས་པ་འབུམ་སྦྱིན་སྲེག་བྱ་སྟེ་ཐོས་པ་འཛིན་པར་འགྱུར་རོ། །པཱ་ཤ་ཀའི་ཡམ་ཤིང་ལ་དྲིའི་ཏིལ་མར་གྱིས་བཏགས་པ་འབུམ་སྦྱིན་སྲེག་བྱ་སྟེ། ནད་ཆེན་པོ་ཉེ་བར་ཞི་བར་འགྱུར་རོ། །ནིམ་པའི་འབྲས་བུ་ལ་དྲིའི་ཏིལ་མར་གྱིས་བཏགས་
D724.094.0110a05.01པ་འབུམ་སྦྱིན་སྲེག་བྱ་སྟེ། གང་འདོད་པའི་བཅིངས་པ་དེ་གྲོལ་བར་བྱེད་དོ། །རྒྱུད་མཚུངས་པའི་བའི་མར་བླངས་ཏེ་འབུམ་མངོན་པར་བསྔགས་ཏེ་འཐུངས་ཤིག་མཆོག་ཏུ་ཡིད་གཞུངས་པར་འགྱུར་རོ། །ཨརྒའི་མེ་ལ་ཨརྒའི་མེ་ཏོག་དྲིའི་ཏིལ་མར་གྱིས་བཏགས་པ་
D724.094.0110a06.01འབུམ་སྦྱིན་སྲེག་བྱའོ། །སེམས་ཅན་ཐམས་ཅད་ཀྱི་གནང་ཆེན་པོར་འགྱུར་རོ། །དེ་རྣམས་ཐམས་ཅད་རིང་བསྲེལ་དང་བཅས་པའི་མཆོད་རྟེན་དང་གཟུགས་བརྙན་གྱི་མདུན་དུ་སྦྱིན་སྲེག་བྱའོ། །མེ་ཏོག་གམ་འབྲས་བུ་ལ་ལན་བདུན་མངོན་པར་བསྔགས་པ་བྱས་ན་དེ་གང་
D724.094.0110a07.01