完整藏文原文 · 德格版页 当前仅加载第 94 函德格 108a 版页；藏文 NFD、目录标记与异常页序保留在来源切片中，重复版页行以稳定序号区分。
བོ་དབང་དུ་བྱེད་པར་འདོད་པས་གསོ་སྦྱོང་ཅན་གྱིས་ཐུན་གསུམ་དུ་གཟུགས་བརྙན་གྱི་སྤྱན་སྔར་པཱ་ཤཱའི་མེ་ལ་སྐེ་ཚེའི་སྲེག་བླུགས་སྟོང་ཕྲག་བརྒྱད་བྱའོ། །དགྲ་བོ་དབང་དུ་འགྱུར་རོ། །ཟླ་བ་གཅིག་གི་དུས་ལ་རྒྱ་སྐྱེགས་ཀྱིས་སྦྱིན་སྲེག་སྟོང་ཕྲག་བརྒྱད་བྱའོ། །
D724.094.0108a01.01སྐྱེ་བོ་ཐམས་ཅད་དགའ་བར་འགྱུར་རོ། །འབྲས་སཱ་ལུ་དང་། ཐུག་པོ་ཆེའི་སྦྱིན་སྲེག་སྟོང་ཕྲག་བརྒྱད་བྱ་སྟེ་ཐུན་གསུམ་དུ་ཀཱ་ར་ཥཱ་པ་ཎ་བརྒྱ་རྙེད་དོ། །འོ་མ་དང་ནས་ཟན་བཟའ་ཞིང་འབུམ་བཟླས་པར་བྱའོ། །སྔོན་སྤྱད་པ་བྱས་པས་ནག་པོའི་བརྒྱད་པའམ་ནག་པོའི་བཅུ་
D724.094.0108a02.01གཅིག་པ་ལ་སྐྱེས་བུའི་རོ་མ་ཉམས་པ་བླངས་ནས་བཀྲུས་ཏེ་རྒྱན་གྱིས་བརྒྱན་པ་བག་མར་བླངས་པའི་འདོད་མའི་གཟུགས་ཀྱི་ཆ་བྱད་འཛིན་པ་བྱས་ནས་དྲི་དང་མེ་ཏོག་དང་བདུག་པ་རྣམས་ཀྱིས་མངོན་པར་མཆོད་པ་དེ་རྐང་པ་གཡོན་པས་བྲང་ཁར་ཡང་དག་པར་མནན་ནས་སྤྱི་བོར་ཡང་
D724.094.0108a03.01དང་ཡང་དུ་རིག་པ་བཟླས་ཏེ་ཐལ་ལྕག་གིས་བསྣུན་པར་བྱས་ཏེ་ལངས་པ་དེ་སྲིད་དུའོ། །ལངས་ནས་འདས་པ་དང་མ་འོངས་པ་དང་ད་ལྟར་བྱུང་བ་སྟོན་པར་བྱེད་དོ། །དེ་ནས་རྒྱལ་གྱི་ལྕགས་ལས་བྱུང་བའི་རལ་གྲིས་བསྣུན་པར་བྱའོ། །དངུལ་དང་གསེར་གྱི་རང་བཞིན་དུ་
D724.094.0108a04.01འགྱུར་རོ། །དེ་ནས་མི་འདོད་དོ་ཞེས་བརྗོད་པར་བྱའོ། །འདོད་པ་བྱིན་ཅིག་ཅེས་སོ། །དེ་ནས་ཡིད་བཞིན་གྱི་ནོར་བུ་སྐྱུག་པར་བྱེད་དོ། །དེ་བླངས་ནས་ཡིད་བཞིན་གྱི་ནོར་བུའི་རིག་པ་འཛིན་པར་འགྱུར་ཏེ། ཡིད་ལྟར་མགྱོགས་པའི་བར་གྱི་བསྐལ་པའི་བར་དུ་གནས་སོ། །
D724.094.0108a05.01དཀར་པོའི་ཚེས་གཅིག་ནས་བརྩམས་ནས་ཉིན་མཚན་དུ་སྨྱུང་བར་གནས་པས་རྒྱ་མཚོར་འགྲོ་བའི་ཆུ་བོར་ཞུགས་ནས་ཟླ་བ་ཙམ་མམ། མཱ་ཥའི་ཚད་ཀྱི་སྣ་མའི་མེ་ཏོག་འབུམ་རབ་ཏུ་འབབ་པར་བྱ་སྟེ། ཡུལ་གྲུ་བཅུ་རྙེད་དོ། །དཀར་པོའི་ཚེས་གཅིག་ནས་བརྩམས་ནས་རྒྱ་མཚོར་
D724.094.0108a06.01འགྲོ་བའི་ཆུ་ཀླུང་དུ་པདྨ་འབུམ་དབུལ་བར་བྱ་སྟེ་གཏེར་སྦྲག་མ་རྙེད་དོ། །སྔོན་སྤྱད་པ་བྱས་པ་དེ་ཉིད་ཆུ་ཀླུང་དུ་ཞུགས་ནས་སྣ་མའི་མེ་ཏོག་འབུམ་དབུལ་བར་བྱའོ། །མཐར་ཏིལ་ནག་པོའི་སྦྱིན་སྲེག་འབུམ་བྱའོ། །ཡུལ་གྲུར་བ་དང་བཅས་པ་བཅུ་རྙེད་དོ། །མྱ་ངན་མེད་པའི་ཤིང་ལ་སྲན་
D724.094.0108a07.01